DANIEL 2:4 - LEKHARABU INTHENG (BSI)

⁴ Anmani’n rengpa kha Aramaic ṭonga anleimasôn, “Reng Kalûr ahei tik a hringṭhak roh! Narahmang kha ahri pek roh, keini’n hrimanchên pek che rung.”

DANIEL 2:4 ပူးပေါင်းရင်းမြစ်များ

A’NPHUTNA 31:47

Khavakha Laban in ‘Jegar Sahadutha’ tia aphō, Jacob inchu ‘Galeed’ tia aphō.

A’NPHUTNA 41:8

Jîngkâra chu amalung le’nrim jo, khava jâra Egypt a ka-om hmitphedôi kathemhei leh akathem akasinghei abek jo hei. Anhnenga arahmang ahri pek hei tâk tûte inkhat in arahmang kha malesōt pek tor mak hei.

RENGHEI INKHATNA 1:25

Tuningtak hin ama kasea sehratche, kemōng khana sehratte kathai katamtak athat a inthoina tōkna atlo jo. Ama’n nasapahei, naremi hlamkakei Joab khana Abiathar thempupa abek hei, khana tûntak hin revei antloa khana hinga ka-ông hei, ‘Reng Adonijah ahringsei sôt rasoh!’”

RENGHEI INKHATNA 1:31

Bathsheba khan inkuna ahri, “Kakapu rengpa kha ahei tik a hringṭhak rasoh!”

RENGHEI INHNINA 18:26

Khava sōa Eliakim, Shebna khana Joa’n, ṭōnkarônpa hneng anmanthei, “Oja, Aramaic ṭonga ahri pek roh. Keini’n kanmanhret. Hebrew ṭonga ahri pek mak roh; bang chunga aka-om mi rakip in anrangeia kae.”

EZRA 4:7

Ave nôk a, Persia rengkalen Artaxerxes vairôn pha, Bishlam, Mithredath, Tabeel khana anloi he’n rengkalen hnenga chithi anleimazet. Chithi kha Aramaic ṭonga anhei mazet, khavakha antei pha leh malesōt sik kae.

NEHEMIAH 2:3

kalei masôn, “Reng Kalûr ahei tik a hringṭhak roh! Heikhonga mo kanpu kanpahei leivûmna khōpui inhmang leh akekot hmei takângsō jo kha malung kachâmtak a ka-ena aka-om tor sik eng?”

ISAIAH 36:11

Khava sōa Eliakim, Shebna, khan Joa he’n hlamkakeipa hneng khan anti, “Keini hneng Aramaic ṭonga hri roh, keini’n khava ṭong kha kanmanhret, Hebrew ṭonga hrimak roh; kurbang chunga ka-om mi rakip in anrangeia kae.”

ISAIAH 44:25

Ke’n tla kasânhei kaman mo hei, khana ârsi lekha kathemhei ṭongsânsōt hei kha kamanhmak hei. Mikasinghei ṭonghri kha ke’n kamakhe, khana ansingna hei kha akamo kamanchang pek hei.

DANIEL 1:4

Anmani kha anhme akaṭha sik, akasing sik hei, kaṭhadek a inchuna kanei, inranga inhret tor, khana taksa nōrna kase, hei kha reng innshunga razenna annei torna sik a kadei sik hei kae.

DANIEL 2:7

Anmani’n rengpa hneng anmasôn nôk, “Reng Kalûr nang in rahmang kha nahri pek ung inchu, keini’n heitina mo ti khachu kanhri pek sik che.”

DANIEL 3:9

Anmani’n Reng Nebuchadnezzar hneng anhri, “Reng Kalûr, ahei tik a hringṭhak roh!

DANIEL 4:19

Hing’hin, Belteshazzar tia’m a’nhret Daniel kha inpirna aneia ṭong heite hrisōt tor mak joa kae. Rengpa’n ahnenga ati, “Belteshazzar, hiva rahmang leh atina khan namalung manrim mak rasoh.” Belteshazzar in amasôn, “Reng Kalûr, rahmang kha nang chunga changloa nang kadōihei chunga akatla chang rasoh.

DANIEL 4:7

Khan chu hnungṭong kasânhei, dôi kachoihei, a’nralak katlohei, ârsi lekha kathemhei kha anheiṭhōi hei, khana ke’n karahmang kha kahri pek hei, tâk-kha anmani’n rahmang kha hrimanchên tor mak hei.

DANIEL 4:9

Belteshazzar, hnungṭong kasânhei lu kachingpa, a’ntheng pathenhei rathla nashunga ka-om ti kamanhret, khana nang in ṭong in-ip rakip namanhretsō. Hivahi karahmang kae; heitina mo ahri pek roh.

DANIEL 5:10

Rengpa leh ami kalen kahrânghei rasa kha athei pha rengnu’n revei innshunga hongkahlut a kae. Ama’n ahri, “Reng Kalûr ahei tik a hringṭhak roh! Namalung hinghrep manrim mak roh, nahmesō inthlengmak rasoh.

DANIEL 5:8

Rengpa mansena kaneihei kha ahnengting kava hei, tâk tûte inkhat in lekha inzet kha teisōt tor mak hei khana reng hneng hiva tina kae tia hripek tor mak hei.

DANIEL 6:21

Daniel in amasôn, “Reng Kalûr ahei tik a hringṭhak roh!

DANIEL 6:6

Khava jâra anmani’n rengpa hneng kase heia anvahri, “Reng Darius, Reng Kalûr, nang ahei tik a hringṭhak hi roh!

DANIEL 6:7

Naram shung aka-en lele keini kankhenga–mi ka-ensui, vaikarôn, vaikarôn ṭhōidet hei, khana alak ṭōnkarôn rakip in rengpa nang in ṭongpek inkhat namasō sik a inhnōmtō ung. Kani 30 shunga Reng Kalûr nang tei loa tûte inkhat in pathen leh mihring inkhat hnenga derna neithei mak ning tia ṭong inkhat masō roh. Tu inkhat in hiva ṭong kajuimak mi kha shabakkai kasip rōng shunga hlon manhlut sik kae.

MATTHEW 21:9

Mipui ahma kase hei leh akahnung kajui he’n an-ôna, “Hosanna, David Sapa manpâk a om rasoh! Rōngpu rahminga akajōng ama kha amahâm kaṭha! Hosanna, chunghnung pena manpâk rih!” anti.

SAMUEL INKHATNA 10:24

Samuel in mipuihei hneng ati, “Rōngpu’n akadeisōt mi kha hin ka-om jo! Nikâra ama kapō tûte om mak.” Mipui he’n, “Rengpa ahringsei sôt rasoh!” antia ka-ông hei.