DANIEL 2:35 - LEKHARABU INTHENG (BSI)

³⁵ Khava phatak a thir, matlak, sum-êng, dangka khana sanahei kha kakōi heia khōlum pha saphōra akajōngsōt vuibō ka-ang jo heia kae. Khahei kha thli’n asêmsō jo hei, inkhatbek inhmu phâkmak jo hei. Tâk-kha hlung khachu tlângbung inkhat hong kachanga ralei pumpui ahongmakhu jo.

DANIEL 2:35 ပူးပေါင်းရင်းမြစ်များ

JOB LEKHARABU 6:17

tâk-kha akalum in amanjor manhmang ri hei, khana tuikông ashung kha karōk a kachâra ka-om.

HLAHEI 103:16

khan chu, thli khan ahongsêm pha, kaṭi jo, tûte’n hmu nôk mak jo hei.

HLAHEI 22:27

Jât rakip in Rōngpu kha anmandonsōt sik. Raleichung hmun rakip a inphut ahnengting hong inhe sik hei; jât leh phung rakip in ama ankamuk sik.

HLAHEI 37:10

Mikaṭhamak-hei kha inranga inhmu mak hei ning. Nang in najong he’num hmumak hei che ning.

HLAHEI 37:36

Tâk-kha hnung leh chu khava hmun a khan kavase pha, ama leiom mak jo, kajong lele ravâng hmumak jo eng.

HLAHEI 46:9

Ama’n raleichung rakip a re kha amanbâng; Sai asuk mathlek hei, kasei asuk manhmang hei, khana pho kha hmeia aro hei.

HLAHEI 66:4

Raleia mi rakip in ankamuk che; nachoi ka-ânna hla ansak, narahming choi ka-ânna hla ansak.”

HLAHEI 86:9

Naleisyem jât rakip hei kha kahong sik hei khana nahnenga hong-inkun sik hei; nalenna kha anchoi ka-ân sik jo.

ISAIAH 11:9

Pathen tlâng intheng, Zion chunga, akaṭhamak khana insuksetna heite om mak ning. Tui-ôngpui tui asipphet kapōa ram kha Rōngpu manhretna kasip phet sik jo.

ISAIAH 8:9

Jât rakip ṭittak a intûp ruh! Ram hmun kahlatak a ka-om nangni’n, rangei ruh! Re katuk sik intluk ruh, tâk ṭit ruh. Kadik, intluk ruh, tâk ṭit ruh!

DANIEL 2:44

Khava renghei pha shunga marvân Pathen in ahei tik a a’nhmangmak sik rengram inkhat aphunsōt sik. Khavakha tûte’n hlō tor mak hei ning, khava khan rengramhei kha ankhenga asuk manhmang sik hei, khana ahei tik a ka-om ṭhak sik jo.

HOSEA 13:3

Khava jâra hiva mihei hi jîngkâr sumphai kapōa, inranga a’nhmangbât, jîngkâra radaitui kapōa inhmang sik hei. Saphōra inphut thli tatlen sarasi kapō, ratap hmeikhu kasōk kapō kha kachang sik hei.

MICAH 4:13

Rōngpu’n ahri, “Jerusalem mihei, se ruh, nan-inrepuihei kha vakarâk hei ruh! Ke’n nangni thir raki kanei, sum-êng ke matin kanei sehratche kapōa ratha hratna kapek sik chei. Nangni’n jât katamtak nansuk manram sik hei khana rumhrat a mihei nei leh hao antachom kha, vânhnōi pumpui Rōngpu kei hneng nanta heitōk sik kae.

ZECHARIAH 12:3

Tâk-kha khava kani ajōng tlung pha, Jerusalem kha hlung kahriktak kapōa kasyem sik jo, khava indom sik a a’ntluk jât khan abinga intôn sik. Raleichunga jât rakip ama buhluna sik a inchun sik jo hei.

CORINTHIANHEI INKHATNA 15:25

Ajârchu, Pathen in a’nrepui rakip ator heia ake chōnpha amanchang mak hma seng Christa’n vai arôn nger sik kae.

ṬONGPHÔNG 11:15

Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”

ṬONGPHÔNG 12:8

tâk rihren kha antor joa ama leh angevahei kha marvâna an-om sik hnōmpek mak jo hei.

ṬONGPHÔNG 20:11

Khava sōa len in-ongna kachek akalen leh achunga a’n-ong mi inkhat ke’n kahmu. Ahmai kunga inphut marvân leh ralei katlânsōt heia inhmu mak jo hei.