DANIEL 2:23 - LEKHARABU INTHENG (BSI)

²³ Kapu sōnhei Pathen kachoi ka-ân che khana kakaja che, nang in singna leh ratha napek eng; nang in kaderna namasôn eng Rengpa hneng kantahri sik namanthei ung.”

DANIEL 2:23 ပူးပေါင်းရင်းမြစ်များ

A’NPHUTNA 18:17

Khana Rōngpu’n abinga ati, “Ke’n katlo sik hi Abraham hnenga thup mak ning.

A’NPHUTNA 31:42

Kapa Pathen, Abraham Pathen leh Isaac Pathen in aleiompui mak eng inchu kakarōk hêra nalei tirsōt sik eng kae. Tâk-kha Pathen khan kaṭōntlo leh kakhōdengthei ahmupek eng, khana jâning jân khan aṭong tanna kha jōng katlung jo.”

RENGHEI INKHATNA 18:36

Sûnṭimsōa inthoina pha khan sânkathem Elijah’n maichâm kha ahei hnaia derna anei jo, “O Rōngpu Abraham, Isaac, Jacob Pathen, tûnhin kei Pathen nachangna leh kei nasōk kachangna khana nang ṭongpek a hihei rakip hi katlo kae ti hi jōng malâr jo roh.

RENGHEI INKHATNA 8:57

Rōngpu ni-Pathen khan nipusōnhei aleiompui hei kapōa, a-ompui ṭhak me rasoh; eini adahlon hêrmak rasoh khana ahlon sōt mak rasoh;

THUHMINGHEI INKHATNA 29:10

Hiva mipuihei intûpna hin reng David in Rōngpu kha amanpâk a kae. Ama’n ahria “Kanpu Jacob, Rōngpu Pathen aheitik chenna manpâk a omṭhak roh!

THUHMINGHEI INKHATNA 29:13

Tûnhin kan-Pathen, nang kanmanpâk che, khana narahming kalûr kanchoi ka-ân che.

THUHMINGHEI INHNINA 20:6

kare inhnaktak a ader, “O Rōngpu kanpu sōnhei Pathen, nang in vânhnōia jât rakip chunga marvâna inphut vai najōng rôn hei. Nang chu ratha hratna leh torna katluk a nanei, tu inkhat in dōi tor mak tin che.

HLAHEI 21:2

Ama malunga amadu kha napek jo; aderna kha namasôn jo.

HLAHEI 21:4

Ama’n hringkhō ader che kha napek, nang in hringkhō seisôtna leh hnetna napek.

HLAHEI 25:14

Rōngpu kha aṭong kajuihei sik a anṭhōn kae, khana anmani leh an-intepna kha amanhnet.

HLAHEI 50:14

Manpâkna nantanei kha Pathen hneng nan-inthoina chang rasoh, khana nan-intepna rakip Chunghnung hneng pekna nei ruh.

SŌKSŌT 3:15

Anpu sōnhei Pathen, Abraham, Isaac leh Jacob Pathen Rōngpu Ke’n nang hi anhnenga katir che kae ti hi Israelhei kha hripek heiroh. Hivahi ahei tik a karahming kha kae; hivahi hnunga khang rakip in antabekna sik eng kha kae.

ṬONGCHÎK-HEI 21:22

Lungthim kanei rehlam kakei in mikahrat hei tahrung khōpui kalen kha atora, an-in ngamna kurbanghei avōk khōipek hei.

ṬONGCHÎK-HEI 24:5

Ratha hratna kanek a singna kaṭha jôk; kadik, rathanei kanek a themna hi kalen chet.

ṬONGCHÎK-HEI 8:14

Ke’n ṭōn kamantluk khana katlosōt hei. Manhretna kanei, khana karatha kahrat.

MI INTHEIPA 7:19

Khōpui inkhat shunga vaikarôn 10 kanek a singna kanei mi inkhat ratha kahrat chet.

MI INTHEIPA 9:16

Ke’n rathahrat kanek a singna kaṭha jôk tia kahri ṭhak, tâk misara kha tûte’n kasinga teimak hei khana aṭong hri kha donpek mak hei.

MI INTHEIPA 9:18

Singna hin re hmangchâk kanek a akaṭhachet atlo, achang ravâng mikaset inkhat in ṭōn kaṭha katamtak tlotor mak.

ISAIAH 12:1

Mipui in hla hi ansakna sik kani lakahong sik, “Ke’n kachoi ka-ân che, Rōngpu! Nang kei chunga nahnuk leikana, tâk-kha tûnchu lungmōng nathlâk eng, nahnuk namak jo.

JEREMIAH 33:3

“Kei eibe roh, ke’n kamasôn sik che; namanhret hêrmak a’nlak tatak kahri pek sik che.

DANIEL 1:17

Pathen in rether 4 hei kha lekha tinga leh mandonna singna leh themna apek hei. Hiva chunga ama’n Daniel chu hmangtalâr leh rahmang malesōt theina ratha apeksa.

DANIEL 2:18

Anmani kha Babylona ka-om reng mansena kanei lele hei leh inṭhōia anthatsō makna sik hei marvân Pathen lungsetna chenna sik, derna anneina sik a amanthei hei.

AMOS 3:7

Chunghnung Rōngpu’n asōk sânkathemhei hneng malârna neilo heite inkhat tlohêr mak a kae.

MATTHEW 11:25

Khava pha khan Jesu’n, “Apa, marvân leh ralei Rōngpu, kamanpâk che, ajârchu mikasing leh mikathemhei hneng naleithup kha akathemmak hei hneng namalâr jo.

LUKE 10:21

Khava phalaitak khan Jesu Rathla Intheng in inpâkna amansip joa ahri: “Eh Apa, marvân leh ralei Rōngpu! Kamanpâk che ajârchu akasing leh akathemhei hnenga naleithup kha heite inhret mak hei hneng namanhmu jo heia kae. Kadik Apa, hivahi akasōk sik a naleimadu kha kae.

JOHN 11:41

Anmani’n hlung kha anlosōt jo, khana Jesu’n chungting a-ena, “Apa, kaderna nathei pek eng jâra kamanpâk che.

JOHN 15:15

Ke’n nangni sōk timak jo chei ning. Ajârchu sōk inkhat in akapu tatlo kha manhret mak; khava kanek a nangni kaṭhōnhei kati jo chei kae, ajârchu ke’n kapa hnenga kathei rakip kha nangni kamantheisō pet jo chei.

ṬONGPHÔNG 1:1

Jesu Christa’n aphôngsōt omchenhei mazetna kha hiva lekharabu hi kae. Inrangtak a ahong kasōk sik omchen kha asōk-hei hneng manhmuna sik a hiva phôngsōtna hi ahnenga Pathen in aleipek kae. Christa’n asōk John hnenga angeva ajōng tira hiva omchenhei hi aleimanthei,

ṬONGPHÔNG 5:5

Khava pha upahei kâra inkhat in kahnenga ahri, “Ṭap mak roh. Enroh! Judah phung shunga David sōn kalen shabakkai khan torna anei jo, khana ama’n mêrchîkna intat kha asuk khōia lekha inze kha amahlâng tor jo.”