DANIEL 2:22 - LEKHARABU INTHENG (BSI)

²² Ama’n ṭong inri leh in-ip aphôngsōt; inthima a’nthup kha amanhret, ama khet kha vâr in akatōmbit a kae.

DANIEL 2:22 ပူးပေါင်းရင်းမြစ်များ

A’NPHUTNA 41:16

Joseph in, “Reng Kalûr, Ke’n kha tor mak eng, tâk Pathen in akaṭhalanga malesōtna kha ahei pek sik me,” ati.

JOB LEKHARABU 12:22

Thina kapōa a’nthim hmun a khan hmeivâr atir pek hei.

JOB LEKHARABU 26:6

Pathen hnenga chu akathihei raleichung kha inhlânga ka-om; ama hmit-enna chu amakhuna hei-inkhat in khârdek mak.

HLAHEI 104:2

nabinga vâr inkhukhum che. Marvânhei kha Pōn-inn kapōa namazer

HLAHEI 25:14

Rōngpu kha aṭong kajuihei sik a anṭhōn kae, khana anmani leh an-intepna kha amanhnet.

HLAHEI 36:9

Nang chu hringna rakip kōnna che kha kae, nang navâr jâra keini’n vâr kha kanhmu.

MI INTHEIPA 8:1

Mikasing rōk in neinâk-hei omna ajârtak kha amanhret. Singna hin inpâk manuina apek hei khana anhmai môkna kha amanhmang pek hei.

ISAIAH 41:22

Hinahin hong ruh khana heimo akasōk sik sânsōt ruh. Omchen kha ahei sōk pha nimanhretna sik a. Ṭongtan hmun a aleikasōksa hei kha hrimanchên ruh, khana heitina heimo amanthei ruh.

ISAIAH 41:26

Nangni kadik chei kantina sik, nangni tu’n mo hinga kasōk sik tia nanta sânsōt dek aka-om jo? Khang khava chunga tûte inkhat in heikhat hrimak chei; tûte inkhat in heikhat nanhrina theimak hei!

ISAIAH 42:9

Ke’n akasōk sik a kalei ti seng kha tûnchu hong kasōk jo. Tûnchu omchen kha asōk mak hma ke’n ṭongther kahri pek sik chei.”

ISAIAH 45:7

Ke’n vâr leh inthim hi kasyem kae; ke’n mahâmṭhatna leh mahâmsetna kahei rôn kae. Hihei rakip hi, Rōngpu ke’n katlosōt kae.

JEREMIAH 23:24

Kahmu tor makna sik hmun a tûte’n inthup tor mak ning. Marvân leh ralei hmun rakip a ka-om eng ti hi amanhret mak chei mo?

JEREMIAH 33:3

“Kei eibe roh, ke’n kamasôn sik che; namanhret hêrmak a’nlak tatak kahri pek sik che.

DANIEL 2:11

Rn Kalûr nang derna hichu intak hêr, pathenhei, mihring kâra aka-om mak hei tei loa tûte’n hri tor mak hei ning.”

DANIEL 2:19

Khava jân a khan hmangtalâr inkhat a Daniel hneng a’nthup omchen kha inphôngsōt jo, ama’n chung Pathen achoi ka-âna ahri:

DANIEL 2:47

Rengpa’n ahri, “Nang Pathen kha pathenhei kâra akalenpen kae, renghei kâra Rōngpu kae khana a’n-ip kahrisōt kha kae. Nang in a’n-ip hi nahrisōt tor jâra ke’n kamanhret jo.”

DANIEL 5:11

A’ntheng pathenhei rathla ashunga ka-om mi inkhat narengram shunga ka-om. Napa’n reng aleichanglai, hiva mipa hin lungthim ṭhatna, themna khana pathenhei kapōa singna amalâra kae. Khana napa Reng Nebuchadnezzar in ama kha hnungṭong kasânhei, dôi kachoihei, a’nralak katlohei, khana ârsi lekha kathemhei anlu kaching aleimanchanga kae.

DANIEL 5:14

A’ntheng pathenhei rathla nashunga ka-om khana singna themna nanei ti katheia kae.

MATTHEW 13:13

Ke’n anhnenga ṭong tekâk a kahrina ajârchu, anmani’n an-en pupuma hmumak hei, anrangei pupuma theimak hei khana manhret mak hei.

JOHN 1:9

Raleichunga akajōng mi rakip kasat invâr ama kha vâr kadik khet kha kae.

JOHN 21:17

Vōi 3 tlukna Jesu’n ahnenga, “John sapa Simon, kei nalungset eng mo?” ati. Peter kha amalung kadông jo ajârchu vōi 3, “Kei nalungset eng mo?” tia ader a kae. Khava jâra ama’n Jesu hneng, “Rōngpu, nang in heirakip namanhret; kei lungsetna che kha nang in namanhret a kae,” ati. Jesu’n ahnenga, “Kakemōnghei hrung hei roh!

JOHN 8:12

Jesu’n Phariseehei hneng ṭong ahri nôk: “Kei vânhnōi vâr eng kae. Tu achang inum kei kahnung kajui khan hringna vâr kha anei sik, khana khō inthim thōia lônmak ning.”

CORINTHIANHEI INKHATNA 4:5

Khava jâra pha atluk hma nangni’n tu inkhat chunga ṭong tanloimak ruh. Achaina ṭongtan khan Rōngpu ajōngmak kârseng ahngâk nger sik kae; ama’n mihring malung shunga a’n-ip ṭōnmantluk, khō inthim thōia ṭōn marûk-hei kha khōvâra amalârsōt sik hei. Khana mi rakip anrahōi kasōk choi ka-ânna kha Pathena inphut antarahlâng et sik kae.

EPHESIANHEI 3:5

Hmalai chu hiva ṭong in-ip hi mihei hneng leiman theimak, tâk tûnchu Pathen in Rathla vâng khan sânkathemhei leh asonle intheng hei hneng aphôngpek jo hei.

DÂNRABU INHNINA 29:28

Rōngpu kha ahnuk leikana hêr, ahnuk natna vâng khan anrama inphut aphoisōt heia miram a ahlon sōt jo hei kae, khana khan tuning katlung laka-om hei.’

TIMOTHY INKHATNA 6:16

Ama rōk akathi theimak kha kae. Tûte tahnai manhlut tor makna vâr shunga ka-om. Ama tûte’n lahmu mak hei; tûte’n hmutorhêr mak hei. Kajana leh ahei tik a vairônna kha atâ changṭhak rasoh! Amen.

HEBREWHEI 4:13

Pathen hnenga a’nthup tor sik heite om mak; akutsyem rakip ahmai kunga inlârpet a inhlangsō pet a ka-om. Khana eini nibing et tintana kha Pathen hneng nilapek nger hi sik kae.

JAMES 1:17

Kutchoi kaṭha rakip leh kutchoi pui katluk rakip marvâna inphut kae; khavakha marvâna vârhei kasyem, inthlengtik kaneimak khana ahmai amahea inthim insōmak, Pathena inphut kae.

JOHN INKHATNA 1:5

Tûn keini’n asapa inphut kantathei ṭong khana kanta phôngsōt kha hi kae: Pathen kha vâr kae, khana ama hneng inthim inti hi om hêrmak.