DANIEL 12:6 - LEKHARABU INTHENG (BSI)

⁶ Ankâra inkhat khan tuidung chungtinga akangir ngeva hneng ader, “Hiva det-hla ka-om omchen hi a’nchaina sik heituk mo alakasôt sik?”

DANIEL 12:6 ပူးပေါင်းရင်းမြစ်များ

HLAHEI 74:9

A’ntheng mêrchîkna kanneinâk rakip um om mak jo; sânkathem inkhatbek um indahlon mak jo, khana hivahi heituk kasôt sik mo tûte’num manhret mak hei.

EZEKIEL 9:2

Khatak khan pase 6 Bek-inn sak tinga vâng intong kekot a inphut, hmangchâk invon et a heikasōk hei. Anmani kâra rōipōn innem invonna heikhat mazet manhlut sik a akatlo inkhat ka-om. Anmani ankhenga sum-êng maichâm hnenga kahong heia kangir hei.

DANIEL 12:5

Khava sōa mi 2, tuipang inkhat et a mi inkhat et akangir hei ke’ n kahmu hei.

DANIEL 12:8

Aṭong hri khachu kathei, tâk-kha heitina mo manhret mak eng. Khava jâra kader, “Tâk-kha Oja, heikhonga mo khahei rakip kha a’nchai sik?”

DANIEL 8:13

Khava sōa ngeva inkhat in inkhat hneng ṭong ader kha kalei thei, “Hmangtalâra a’nhmu omchenhei hi pha khongja katlung alaka-om sik hei mo? Pha khongja katlung mo ṭit ka-om tak setna hin ani tina inthoina kahlang kha alathleng sik? Pha khongja katlung mo marvân remi leh Bek-inn kha chōnpha anlaka-om sik hei?”

DANIEL 8:16

Ke’n Ulai tuidung rekhat a inphut a aka-ông rasa inkhat kathei, “Gabriel, ama’n ahmu kha heitina mo hripek roh.”

MATTHEW 24:3

Olive Tlâng chunga Ama a’n-onglai sonlehei kha anhlop a ahnenga kahong heia, “Khahei kha heitik mo ajōng kasōk sik khana najōngna sik leh pha inchaina mêrchîkna kha heimo akasōk sik amanthei roh,” anti.

MARK 13:4

“Hivahi heitik leh mo akasōk sik amanthei roh, khana hiseng hongsōkna sik pha kha hong katlung jo ti manhmuna sik heimo ahong kasōk sik amanthei roh,” anvati.

EPHESIANHEI 3:10

Tûna pha hinchu bekrup a inphut, Pathen singna kha hmesō ahlop-hlop a, marvân ram a ratha kaneihei leh ngeva vaikarôn he’n anmanhretna sik a kae.

PETER INKHATNA 1:12

Khava sânkathemhei ṭōntlo kha anbing hnemna sik changmak, tâk nangnihei hnemna sik a kae tia Pathen in anhnenga aleiphông pek hei. Khahei chungchânga anmani’n anta leihri kha tûn nangni’n marvâna inphut ajō’ntir Rathla Intheng ratha hratna vâng, Ṭong kaṭha kaphông tlângva heia inphut nanthei jo. Hiva ṭong hi ngevahei kapha’num antamanhret hnōm kae.

ṬONGPHÔNG 15:6

Bek-inna inphut hrise 7 kanei ngeva 7 heikasōk hei, anmani kha hruipōn innem neng akachek-hlak vâng inret hei, an-ôp a sana khōnkir an-inkira kae.

ṬONGPHÔNG 19:14

Marvân remi he’n shakor anchōnga a’ntheng hruipōn innem kabang vâng inret heia, akahnung anjui.

ṬONGPHÔNG 6:10

Anmani’n rasa inhnaktak a an-ôna, “Akahratpen Rōngpu, a’ntheng leh akadik! Keini anthat ung jâra ralei mihei chunga ṭong natan sik leh nakarâk sik hei kha heituk mo alakasôt sik?” anti.