DANIEL 12:4 - LEKHARABU INTHENG (BSI)

⁴ Ama’n kahnenga ati, “Khana tûnchu, Daniel, lekha kha makhu jo roh, ralei a’nhmangmak kârseng mêrchîkna nam jo roh. Khava shung senga hei omchen mo akasōk sik antia, manhretna sik antloa, mi katamtak in môksek a pha anmanhmang sik.”

DANIEL 12:4 ပူးပေါင်းရင်းမြစ်များ

ISAIAH 11:9

Pathen tlâng intheng, Zion chunga, akaṭhamak khana insuksetna heite om mak ning. Tui-ôngpui tui asipphet kapōa ram kha Rōngpu manhretna kasip phet sik jo.

ISAIAH 29:11

Sânkathemhei tasânsōt hmangtalâr rakip kha nang sik inthup sik jo, khavakha lekha kazesi mêrchîkna mahôr katetkhum ka-ang sik. Nang in lekha katei thei inkhat hneng atei pek roh natinum, hivahi mêrchîkna mahôr a’ntatkhum jâra teitor mak ning ati sik.

ISAIAH 30:26

Thla kha kani kapōa kavâr sik jo, khana kani kha angaia avâr kanek a vârsari kakhea kavârsa sik jo, ni 7 shunga vâr kha ni khat rōk a akavâr kapōa. Hihei rakip hi Rōngpu’n amihei rachâkna antak kôkbi kha akatōmpek heia amandam pek hei ning kani kha hongkachang sik.

ISAIAH 32:3

Inṭangpui inngei hei sik a anhmit leh ankōr anmahlâng ṭhak sik.

ISAIAH 8:16

Kasonle nangni’n, Pathen tapek eng ṭongpek nantahngâk a nantahrung sik kae.

JEREMIAH 5:1

Jerusalem mipuihei nanhlamdung heia tlân ruh! Nankimvea khō thlir ruh! Nanbinga sik a en kaṭha ruh! Inveina hmunhei injong ruh! Akadik katlo mi inkhat khana Pathen hnenga taksenthei kachang nanhmutor sik mo? Nanhmutor inchu Rōngpu’n Jerusalem kha arangei mandam sik.

DANIEL 10:1

(Cyrus in Persia reng achang kum 3 tlukna Belteshazzar tia’m a’nhret, Daniel hneng ṭong inkhat hong inlâr. Khava ṭong khachu kadiktak a manhret sik le’ntak hêr. Khavakha ahnenga hmangtalâra ahri manchên pek a kae).

DANIEL 10:14

Namihei chunga hnunga heimo ahong kasōk sik kha manthei che rong tia akahong eng kae. Hivahi hnunga ahong kasōk sik hmangtalâr kha kae.”

DANIEL 11:33

Mipuihei hlamkakei kasinghei khan chu ansingna kha mi katamtak hnenga ansempek sik hei. Tâk-kha pha bongkhat re shunga ṭhahrep chu anthat sik hei a-emak leh hmeia anro hlon sik hei, ṭhahrep chu anchom heia ankhum sik hei.

DANIEL 11:40

“Syria rengpa kha ahong inchai sik jo pha, Egypt rengpa’n ama chunga re aheitlo sik, khana Syria rengpa’n aratha neina rakip asonga shakor gâri, shakor leh tuirakōng katamtak ahmang sik. Ama’n tuikalen kapōa, rengram katamtak a re asō sik.

DANIEL 12:13

“Daniel nang chu, achaina katlunga taksenthei chang roh. Nang chu kathi sik che, tâk pha inchai ning khan nang tloman inhlâng sik a kathō sik che.”

DANIEL 12:5

Khava sōa mi 2, tuipang inkhat et a mi inkhat et akangir hei ke’ n kahmu hei.

DANIEL 12:9

Ama’n amasôn eng, “Daniel, nang tûn akase sik jo che kae, ajârchu hiva ṭonghei hi pha a’nchaimak kârseng thup a da sik hei kae.

DANIEL 8:17

Gabriel kha kahong kahnenga kangir, khana kei kaṭihêr enga raleia kapûr jo eng. Ama’n kahnenga ati, “Akathithei mihring, hiva tina hi manhret roh. Hmangtalâr hi ralei inchaina ṭong kae.”

DANIEL 8:19

khana ati, “Ke’n Pathen hnuk natna tahei rôn sōt kha kamanhmu che kae. Hmangtalâr hin a’nchaina sik pha ahrina kae.

DANIEL 8:26

Hiva khōhlei leh jîngkâra inthoina chungchânga nahnenga hrimanchên jo hmangtalâr hi hui ahong katlung sik kae. Tâk-kha tûnchu thup inna da hi roh, ajârchu hiva hui tlung sik hi pha kasôttak kahlut sik a kae.”

MATTHEW 24:14

Khana hiva Rengram Ṭong kaṭha hi vânhnōi raleia jât rakip hneng sâkhi sik a hrimanthang sō sik kae; khava sō leh a’nchaina kha jōng katlung sik jo.

ROMANHEI 10:18

Tâk-kha ke’n kader: ṭong hi antathei mak mo kae? Anmani’n antheikhet jo ajârchu Ṭong intheng in ahri: “Anṭonghri karesō raleichung pumpuia kase sō jo; anṭong rahme raleichung inchaina katlung sō jo.”

ṬONGPHÔNG 10:4

Anmani anṭongsō lim a, ke’n lekha shunga mazet manhlut sik a intluk jo eng. Tâk-kha marvâna inphut rasa inkhat in, “Khō inri 7 tahri kha thup ina da roh; mazet mak roh!” ati ke’n kathei.

ṬONGPHÔNG 22:10

Ama’n kahnenga ati, “Hiva sânkathem lekha ṭonghei hi ip mak roh ajârchu hiva rakip hi ajōng sōkna sik pha kahnai jo.

ṬONGPHÔNG 5:1

Len in-ongna chunga a’n-ongpa akut changting amatu a’nze lekha inkhat kaleihmu; Khavakha alang hnia a’nzet lekha pheng vâng ankasûna achunga mêrchîkna 7 ankatat a kae.