DANIEL 12:2 - LEKHARABU INTHENG (BSI)

² Aleikathi hei kâra mi katamtak kahring nôk sik hei, khana ṭhahrep chu kumleikōa hmaimôkna kha anchen sik jo.

DANIEL 12:2 ပူးပေါင်းရင်းမြစ်များ

ṬONGCHÎK-HEI 12:8

Mi mandon kathem nachang inchu, mi’n anmanpâk sik che; mikamo nachang inchu mi’n anhnōise sik che.

ISAIAH 26:19

Kanmi aleikathi jo hei kha hongkahring nôk sik hei! Antaksa hei hongkahring nôk sik. Anthlâna aleikaje hei seng kathōisōt sik hei khana inpâk hla anhongsak sik. Radaitui akadi rik-rak in ralei amahlimseng kapōa, Rōngpu’n kasôttak a aleikathi jo hei kha amanhring ther nôk sik hei.

ISAIAH 66:24

“Anmani’n anhei dahlon hei pha, kei kadōihei kathi kalōng kha anhmu sik hei. Ankathi kalōng kâra rahlunghei kha thitik neimak hei ning, khan chu anmani karo hmei kha’m thitik nei hêrmak ning. Anhme hmu sik kha mihring rakip sik a mater ka-om tak kachang sik hei.”

JEREMIAH 20:11

Tâk-kha Rōngpu, nang chu kei langa ka-om che, akalen leh akahrat che kae, kei kasuk inrim hei chu katlu sik hei. Anmani ahei tik a hmaimôkna anchen sik, ajârchu anmani’n chung sōkna nei tor mak hei. Anmani nuisō chen kha mahngi thei chang hêrmak ning.

EZEKIEL 37:12

Khava jâra kami Israel hnenga ṭong sân roh khana Chunghnung Rōngpu ke’n anthlân hei kamahlang sik tia manthei hei roh. Ke’n kalosōt sik hei khana Israel ram a kaheiṭhōi male sik hei.

HOSEA 13:14

Thina raleia inphut hiva mihei hi hukmak hei ning, khana thina ratha hratna inphut hukmak hei ning. Eh thina, nang hrise thina kha heimathlung jo roh. Nang suksetna, thina raleichung kha heimathlung jo roh! Hiva mihei chunga lungset rôn hêrmak hei ning.

MATTHEW 25:46

Khan chu, anmani are-rea karâkna kachen sik a atir sik jo hei, tâk mikadik-hei khachu kumsôt hringna kase sik jo hei.”

ṬŌNTLOHEI 24:15

Anmani’n Pathena inhōrna antanei kha leh in-anghrep a ke’num kanei, khachu, mikaṭha leh mikase rakip thia inphut lakathōi sik hei.

ṬŌNTLOHEI 7:60

Amarkhup athlep a rasa inhnaktak a ka-ônga, “O Rōngpu! hiva setna hi anchunga mathlung pek mak hei roh!” atia leikathi jo.

ROMANHEI 9:21

Hei-achang inum, be kakhengpa khan amadudua matlak kha hmangtheina ratha aneia kae, khana matlak ahlom inkhat rōk a inphut a bephu 2, inkhat chu man kabeia, inkhat chu man katama, asyemthei heia kae.

THESSALONIANHEI INKHATNA 4:14

Jesu kha kathi khana kathōi nôk ti hi eini’n nitaksen, khava jâra ama kataksen akathihei kha Jesu leh inṭhōia Pathen in aṭhōi sik hei ti hi nitaksena kae.

ṬONGPHÔNG 20:12

Khana akasin leh akalen in-ang et a akathihei kha len in-ongna hma akangir hei kahmu. Lekharabu hei anphon, khan chu hringna lekharabu ahlop inkhat um anphon. Lekharabu shunga ale’nzet kapōa, an-omchen leitlo dungjuia, akathihei kha ṭong anleitan.