DANIEL 11:45 - LEKHARABU INTHENG (BSI)

⁴⁵ Ama’n tuipui leh Bek-inn omna tlâng ankâra reng pōn-inn kalen tatak heia’m amatung sik hei. Tâk-kha ama kabôm sik tûte omloa ama kathi sik jo.”

DANIEL 11:45 ပူးပေါင်းရင်းမြစ်များ

HLAHEI 48:2

Pathen tlâng Zion kha inshânga kaṭha hêr; reng kalenpa khōpui khan vânhnōi pumpuia inpâkna ahei rôn.

ISAIAH 10:12

Tâk-kha Rōngpu’n ahri, “Zion Tlâng chunga leh Jerusalem chunga katlo sik kha katlosō pha, Assyria reng kalenpa hi a’nlensakna leh a’nteina hei seng jâra karâkna kapek sik.”

ISAIAH 11:9

Pathen tlâng intheng, Zion chunga, akaṭhamak khana insuksetna heite om mak ning. Tui-ôngpui tui asipphet kapōa ram kha Rōngpu manhretna kasip phet sik jo.

ISAIAH 14:13

Nang in marvân chunga ke sik a leh chunga ârsi inshângpena nalen in-ongna dôn sik namantluk. Sak tinga pathenhei intûpna hmun tlâng chunga reng kapōa in-ong sik nalei mandon.

ISAIAH 2:2

Akahong sik kani heia Bek-inn ngirna tlângbung kha tlâng rakip kâra a’nshângpen hongkachang sik, hmebung rakip amakhupet sik hei. Jât katamtak kahong inhlut sik hei,

ISAIAH 27:13

Khava kani ahong tlung pha, Egypt ram a leh Assyria ram a Israel sahei rekahringa antakei hei seng bekmalena sik a Pengkun inkhat intum sik. Anmani kahong sik heia kha, ahmebung intheng Jerusalema Rōngpu kha ankamuk sik.

ISAIAH 65:25

Kahne leh kemōng he’n thlai ansâksap sik; shabakkai in sehrat kapōa sapôt asâk sik, khana mari he’n mi kasukset changmak jo hei ning. Katlâng intheng Zion chunga khan inhmangna leh akaṭhamak om mak jo ning.”

ISAIAH 66:20

Anmani’n nansap Israelhei kha jât-hei kâra inphut kei hnenga kutchoi kapōa anta heiṭhōi male sik hei kae. Anmani kha Israel he’n Bek-inna tōk sik hmuchi beklanga a’ntheng atena heia anta heirôn kapōa katlang intheng Jerusalema hin, shakor, shakōrtung, sharîngsei chunga khan chu shakor gâri chunga anta heiṭhōi male sik hei kae.

EZEKIEL 39:2

Ke’n ama ramkei ather inkhat ting kamahe sik, Israel tlâng ting ahong mak kârseng, sakram a hmun kahlatak a inphut kaheiṭhōisōt sik.

DANIEL 11:16

Syria re katlopa khan anmani kha akating sik omloa alungdo hrep a ahmang sik hei. Ama’n Intepna Ram a khan kangir sik, khavakha akhenga ama ratha neina thōia ada sik.

DANIEL 11:41

Ama’n Intepna Ram katlunga’m re atlo sik khana mi lishing lishing athat sik hei, tâk Edom, Moab khana Ammon ram chu inphesōt sik hei.

DANIEL 11:44

Khava pha, nisō leh sak tinga akahong ṭong in ama amaṭhit sik jo; hnuk kasetak a re atlo sik jo, mi katamtak athat sik hei.

DANIEL 2:35

Khava phatak a thir, matlak, sum-êng, dangka khana sanahei kha kakōi heia khōlum pha saphōra akajōngsōt vuibō ka-ang jo heia kae. Khahei kha thli’n asêmsō jo hei, inkhatbek inhmu phâkmak jo hei. Tâk-kha hlung khachu tlângbung inkhat hong kachanga ralei pumpui ahongmakhu jo.

DANIEL 7:26

Khava sōa marvâna ṭong tanna matungna ka-om sik, aratha neina kha inlosōt sik, pui katluk a manhmang sik kae.

DANIEL 8:25

Ajârchu ama kha amalung ṭhamak, ama mihōnna hlam a khan hmesōna anei sik. Ama abinga inlensak sik khana gîkna pek loa mi katamtak amanhmang sik hei. Ama’n reng kalenpen katlunga a-inrepui sik, tâk mihring ratha neina hmang loa ama kha suk manhmang kachang sik a kae.

DANIEL 9:16

Nang in keini hmalai khan naleihrung jo ung, khava jâra Jerusalem chunga nahnuk mannat mak jo roh. Hivahi nakhōpui, a’ntheng nahmebung kae. Keini setna leh kanpu sōnhei ṭhatmak jâra sir leh panga ram he’n Jerusalem leh namihei chunga anhmu masi heia kae.

DANIEL 9:20

Ke’n kasetna hei leh kami Israelhei setna kaphôngsōt a derna kaneiṭhak, khana ama Bek-inn intheng kha asyemtherna sik Rōngpu hneng kabêr ṭhak a ka-om eng.

JOEL 2:20

Ke’n sak tinga akahong khâikhu remihei kalosōt sik hei ṭhahrep chu nêrdiram ting kahnong sōt sik jo hei. Anhma tinga hlamkakeihei kha Tuipui Kathi dunga kahlon sik hei, kahnung tinga hlamkakeihei kha Mediterranean a kahlon sik hei. Ankathi kalōng kha anmarim kathu sik. Nangni chunga antlona chei jâra kaman hmangpet sik hei.

MICAH 4:2

khana anmi he’n anti sik, “Israelhei Pathen Bek-inna, Rōngpu tlâng chunga vaketou rih. Ama’n amantlo hnōm me kha amanthei sik me; ama’n akadeisōt hlam a khan kase sik me. Ajârchu Rōngpu mantheina kha Jerusalema inphut kajōng, Ziona inphut amihei hneng ṭong ahri.”

ZECHARIAH 14:8

Khava kani kha ajōng tlung pha, Jerusalema inphut tui insim kapût sik, khava tui aṭimkhat kha Tuipui Kathi dîra kalōng sik, khana aṭim inkhat in Mediterranean tuipuia kahlut sik. Kum katlung bit a, sûrkhō leh ṭhekhōa khō kasûr injôn sik.

MIJAHEI 34:5

khana inphut Egypt ram a’nchaina phaichamting inhe sik a kha Mediterranean Tuipuia inchai sik a kae.

THESSALONIANHEI INHNINA 2:4

Ama khan kamuk neinâk rakip leh Pathen inti hei kha ahonghōt sik hei, anchung katōngpena ama abinga hong ka-om sik a kae. Pathen Bek-inn shunga kapha kahlut sik khana in-ong sik Pathen a’nchangsak sik kae.

THESSALONIANHEI INHNINA 2:8

Khava sō leh Akaṭhamak Inkhat kha jōng inlâr sik, tâk Rōngpu Jesu ajōng pha leh abeia akahu vâng athat sik khana a-omna vâr kadi rik-rak vâng asuk manhmang sik jo.

ṬONGPHÔNG 13:10

Sur sik a ka-om mi kha sur nger sik kae; khan chu chemjâm vâng that sik a ka-om mi kha chemjâm vâng that nger sik kae. Hivahi Pathen mihei khan antaksenna leh andehratna sik arangei kae.”

ṬONGPHÔNG 20:2

Ama’n hmalaia mari rihren kha asur jo, khavakha Diabol a-emak leh Seitan kha kae, kum 1,000 sik a akhit joa kae.

ṬONGPHÔNG 20:9

Pathen in alungset amihei leh khōpui kha anmani’n ankatōm sik a kha raleichung hmun rakip antahlōsō hêr sik kae. Achang ravâng marvâna inphut hmei jōngkasōk a anmani asuk manhmangsō jo hei.