DANIEL 11:36 - LEKHARABU INTHENG (BSI)

³⁶ “Syria rengpa’n alungdo hrep a kachôn sik. Ama’n pathen rakip kanek a, Chunghnung Pathen kanek a’m kalen eng tia inlensak sik. Pathen in akarâkna sik pha ahong mak kârseng ama’n khanga atlo tor sik. Pathen in amantluk kha atlo nger sik kae.

DANIEL 11:36 ပူးပေါင်းရင်းမြစ်များ

HLAHEI 136:2

Pathen rakip chunga akalenpen hnenga manpâk ruh; alungsetna kha kumleikōa kae.

HLAHEI 33:10

Rōngpu’n Jât-hlop hei malung mandon kha amanbōk pek hei; anmani’n antamantluk ṭōn kha antlosōt makna sik ating hei.

ṬONGCHÎK-HEI 19:21

Mihe’n ṭōnmantluk hingja anneithei, tâk Rōngpu lungdo rōk kha antatlosōt sik kae.

ISAIAH 10:23

Kadik, ram pumpui shunga Chunghnung Rōngpu’n ahri kapōa suk manhmangna kha amathlung sik.

ISAIAH 10:25

Pha bongkhat shunga karâkna kapek chei hi kachai sik jo, khan ke’n anmani kasuk manhmang sik jo hei.

ISAIAH 10:5

Rōngpu’n ahri, “Assyria! Ke’n Assyria hi kahnuk inhnat hei chunga karâkna pekna sik a tingpumbe inkhat kapōa kahmang.

ISAIAH 14:13

Nang in marvân chunga ke sik a leh chunga ârsi inshângpena nalen in-ongna dôn sik namantluk. Sak tinga pathenhei intûpna hmun tlâng chunga reng kapōa in-ong sik nalei mandon.

ISAIAH 14:14

Nang in sumtuk chunga ketoua Akahratpen kapōa om sik nati.

ISAIAH 26:20

Kamipuihei, nan-inna se ruh, nankot inkamsi ruh. Pathen hnuknat athlengsō mak kârseng, pha bongkhat inthup ruh.

ISAIAH 30:33

Assyria rengkalen kha hmeia rona sik hmei thlupun inkhat tenlaia mantluksa ka-om. Khavakha inthûk a avai kalen, inshângtak a thing anbuk a kae. Khavakha hmei asûkna sik Rōngpu’n achunga hmei kahu ajōngsêm sik a kae.

ISAIAH 46:10

A’nphutbia inphut ahong kasōk sik kha kalei hridek; tenlai khan ahong kasōk sik kha kahri masadek. Kaṭōn mantluk hei kha sôihêr mak ning, khana tlo sik a kamandon hei seng kha katlosōt sik tia kaleihri.

ISAIAH 57:9

Nangni’n marim katui leh thai nan-in no khana Molech pathen inmuk sik a kase chei. Kamuk sik a pathen kajōng sik a, ram kahla tatak a, kathiram katlunga mi nantir hei.

EZEKIEL 28:2

Ama’n ati, “Akathithei mihring, Chunghnung Rōngpu ke’n ahnenga kahri hi Tyre vaikarôn hneng hripek roh: inlensakna’n pui katluk che, nang in pathen eng kae nati. Pathen kapōa reng in-ongna in-ong eng khan chu tuipui in akatōm eng nati. Pathen inhlemsak thei che, tâk-kha changmak, nang akathithei mihring hrep che kae, Pathen changmak che.

EZEKIEL 35:13

Nangni’n invettak a inlensaktak a kei kadōia nanhrina hei kha kathei jo.”

DANIEL 11:16

Syria re katlopa khan anmani kha akating sik omloa alungdo hrep a ahmang sik hei. Ama’n Intepna Ram a khan kangir sik, khavakha akhenga ama ratha neina thōia ada sik.

DANIEL 11:3

“Khava pha ratha kaneitak reng inkhat hong ka-om sik. Ama’n ram kalentak chunga vai ahong rôn sik, khana amadu chenna atlo sik.

DANIEL 11:37

Reng hin apa-apu hei tarazen pathen khana nuhmeihei talungset pathen kha’m heite donmak ning. Inthenga, ama’n pathen rakip heite sakmak hei ning, ajârchu anmani kanek a kalen chet eng tia amandon sik.

DANIEL 12:7

Ngeva khan akut 2 marvânting akalânga, Kumleikō Pathen rahminga intepna anei jo. Ama’n hinga ahri kha ke’n kathei, “Hivahi kum 3 leh thla 6 sik kae. Pathen mihei suk manrimna kha a’nchai leh, hihei rakip hi ahei kasōk sik kae.”

DANIEL 2:47

Rengpa’n ahri, “Nang Pathen kha pathenhei kâra akalenpen kae, renghei kâra Rōngpu kae khana a’n-ip kahrisōt kha kae. Nang in a’n-ip hi nahrisōt tor jâra ke’n kamanhret jo.”

DANIEL 4:35

Ama’n ralei mihei heite kaemak kapōa a-en hei; marvâna ngevahei leh raleia mihringhei ama ratha neina thōia ka-om hei. Tûte inkhat in ama lungtup chunga inrepui tor mak hei. a-emak leh ama ṭōntlo chunga ṭongder nei tor mak hei.

DANIEL 5:19

Ama kha hinghrep leikalen, phung tin jâttin, ṭong rakip a mi rakip in ama anleiṭit a innok hei. Ama’n athat hnōm mi kha athat; amanhring hnōm kha amanhring. Kajana achangmak leh hmesetna apek hnōm kha apek a kae.

DANIEL 5:20

Achang ravâng ama kha hong inlensak a, ṭong rangei mak a, arahe hong kasea kae, ama kha areng in-ongna inphut inlosōt a kajana aleichen kha inhmang jo.

DANIEL 7:8

Ke’n araki kha kakhulip a ka-en pha, raki hei kâra khan raki kasin inkhat hong kasōk a kae. Hivahin hma inkeia aleika-om raki 3 amathlek jo hei. Hiva raki hin mihring hmit anei khana in-ortak a ṭongkahri bei inkhat anei.

DANIEL 8:19

khana ati, “Ke’n Pathen hnuk natna tahei rôn sōt kha kamanhmu che kae. Hmangtalâr hin a’nchaina sik pha ahrina kae.

DANIEL 8:4

Kemōng khan tlaitlâk ting, sak leh thlang ting araki vâng asuk kha kalei-en. Sha inkhatbek inum tingtor mak hei khana aratha neina inphut leitlânsōt tor mak heia kae. Ama’n amaduhrep a atlo khana lei-inlensak a kae.

ZECHARIAH 11:16

Ke’n kakemōng rup kha akakhem inkhat hneng kangense jo, tâk-kha ama’n kemōng inhmang sik kha inthōpui mak hei; a’nhmanghei kha’m jongsōt mak hei khana natbi karônhei kha’m andamna sik tlopek mak, khana akadam hei kha’m veimak hei. Khava kanek a, kemōng kathai hei kha anhme asâk a khana anke matin avōk mankhokpek heia kae.

JOHN 5:30

“Ke’n kabing rōk rachama heite tlotor mak eng; Pathen tamanthei eng dungjuia ke’n ṭong katan. Khava jâra kaṭong tan kadik, ajârchu ke’n kamadu kha tlo sik reimak eng, tâk anijōng katirpa tamadu rōk kha katloa kae.

JOHN 6:38

ajârchu kei anijōng katirpa lungdo katlo sik a marvâna inphut kei akajōng eng kae; kalungdo katlo sik a akajōng changmak eng.

ṬŌNTLOHEI 4:28

Naratha neina vânga tlosōt sik a naleimantluk ṭōn rakip kha tlosōtna sik a le’nkhôm hei.

DÂNRABU INHNINA 10:17

Rōngpu nan-Pathen hi ratha neina rakip leh pathen rakip chunga akahratpen kae. Ama akalen leh ratha kanei kae, ama chu ṭit sik kha kae. Ama’n ôtum neimak khana ama’n sêrmarûk sâk mak.

THESSALONIANHEI INHNINA 2:3

Tûte’n hiva chunga hin hōnmathlâk mak chei rasoh. Kathiram kahlō sik Akaṭhamak Inkhat hmeikhura akahlut sik a mantluksa kha ahon’lâr mak kârseng khana achaina Re indōina a-om mak kârseng, khava Kani kha jōng tlung mak hi ning.

THESSALONIANHEI INHNINA 2:4

Ama khan kamuk neinâk rakip leh Pathen inti hei kha ahonghōt sik hei, anchung katōngpena ama abinga hong ka-om sik a kae. Pathen Bek-inn shunga kapha kahlut sik khana in-ong sik Pathen a’nchangsak sik kae.

THESSALONIANHEI INHNINA 2:8

Khava sō leh Akaṭhamak Inkhat kha jōng inlâr sik, tâk Rōngpu Jesu ajōng pha leh abeia akahu vâng athat sik khana a-omna vâr kadi rik-rak vâng asuk manhmang sik jo.

JOSHUA 22:22

“Akahratpen Inkhat kha Pathen kae! Ama kha Rōngpu kae! Akahratpen Inkhat kha Pathen kae! Ama kha Rōngpu kae! Hivahi heisa mo kantatlo ama’n amanhret, nangni’m nantamanhret sik a kanmadu! Rōngpu dekna kantloa, taksena kha kannit mak inchu, keini kahringa adamak ruh!

ṬONGPHÔNG 10:7

Achang ravâng ngeva 7 tlukna khan apengkun atum pha, Pathen ṭōnmantluk inthup kha asōk sânkathemhei hnenga aleimanhri hei kapōa hui akatlung sik kae,” ati.

ṬONGPHÔNG 12:14

Khana nuhmeinu kha hmuvânlai mathla 2 inpek a khana inphut nêrdiram thōia kajōng jo. Khava ram thōia khan kum 3 leh thla 6, mari khan heite asukset makna sik a razen sik kae jo.

ṬONGPHÔNG 13:1

Khava sōa tuipuia inphut ranhring inkhat ahei kasōk ke’n kahmu. Ama’n alu 7, araki 10 anei; aluhei chunga khan Pathen teitômna rahming inzet et, araki chunga lenlukhu ka-om et a kae.

ṬONGPHÔNG 17:17

Ajârchu Pathen ṭong kha hui atlungmak kârseng anmani intōk a ṭōn antlosap a khana ranhring hneng anvai rônna ratha kha anpek a Pathen mantlukna kha tlosōtna sik ama’n anmalunga tlo hnōmna kha adapek hei.

ṬONGPHÔNG 17:3

Khana Rathla khan kei akhimna thōia ada jo eng, ngeva khan nêrdiram chârna aṭhōi jo eng. Khava hmun a khan nupui inkhat ranhring kasen chunga kachōng, ranhring taksa pumpuia Pathen hnōisena rahming a’nzet hei ke’n kahmu; ranhring kha alu 7 leh raki 10 anei.