DANIEL 11:35 - LEKHARABU INTHENG (BSI)

³⁵ Mikasing ṭhahrep chu anthat sik hei, tâk khana inphut mipuihei inthengsōt sik hei. Hivahi Pathen in atupsa pha inchaina ahong mak hma senga akasōk injom sik kha kae.

DANIEL 11:35 ပူးပေါင်းရင်းမြစ်များ

THUHMINGHEI INHNINA 32:31

khana ram shunga omchen ahlopdet kasōk kha aka-en sik a Babylon palaihei kha ajonglai kha’num, Pathen in Hezekiah kha a-omchen enmansin theina sik a amadu-duna hlam a amansea kae.

ṬONGCHÎK-HEI 17:3

Sana leh dangka a’ntheng leh a’nthengmak chu hmei vâng in-en, khana mi inkhat malung chu Rōngpu’n a-enmansin.

ISAIAH 27:9

Tâk-kha Israelhei setna khachu, Khōvelhei maichâm kha ansuk mandi sōa, marim katui maichâm an-om mak jo pha khana Asherah pathennu limhei an-om mak jo pha rōk khan rangei mandam kachang sik.

DANIEL 11:27

Khava pha reng 2 hei kha thlaisâk sik a dokhâng inkhat a in-ongsap sik hei, tâk anmalung rôn chu ṭhamak ning, khat leh khat maleiseia inbek sik hei. Anmani tamadu kha chenmak hei ning, ajârchu khava sik a pha latluk mak a kae.

DANIEL 11:29

“Hnunga ama’n Egypt a re atlo nôk sik, tâk hiva chunga chu omje ahlop kachang sik jo.

DANIEL 11:33

Mipuihei hlamkakei kasinghei khan chu ansingna kha mi katamtak hnenga ansempek sik hei. Tâk-kha pha bongkhat re shunga ṭhahrep chu anthat sik hei a-emak leh hmeia anro hlon sik hei, ṭhahrep chu anchom heia ankhum sik hei.

DANIEL 11:40

“Syria rengpa kha ahong inchai sik jo pha, Egypt rengpa’n ama chunga re aheitlo sik, khana Syria rengpa’n aratha neina rakip asonga shakor gâri, shakor leh tuirakōng katamtak ahmang sik. Ama’n tuikalen kapōa, rengram katamtak a re asō sik.

DANIEL 12:3

Hlamkakei kasinghei khan marvân vârna rakip leh heikasōk sik jo hei. Khana akaṭha tlona sik a mi katamtak hnenga mantheina kaneihei kha ârsihei kapōa ahei tik a ka-om sik jo hei.”

DANIEL 12:4

Ama’n kahnenga ati, “Khana tûnchu, Daniel, lekha kha makhu jo roh, ralei a’nhmangmak kârseng mêrchîkna nam jo roh. Khava shung senga hei omchen mo akasōk sik antia, manhretna sik antloa, mi katamtak in môksek a pha anmanhmang sik.”

DANIEL 8:10

Ama’n marvân remihei, ârsihei, inrepuina sik pui katluk a ratha aleinei, ama’n ṭhahrep hei chu raleia ajōng hlon mathla heia ake vânga achōnpha hei.

DANIEL 8:17

Gabriel kha kahong kahnenga kangir, khana kei kaṭihêr enga raleia kapûr jo eng. Ama’n kahnenga ati, “Akathithei mihring, hiva tina hi manhret roh. Hmangtalâr hi ralei inchaina ṭong kae.”

DANIEL 8:19

khana ati, “Ke’n Pathen hnuk natna tahei rôn sōt kha kamanhmu che kae. Hmangtalâr hin a’nchaina sik pha ahrina kae.

DANIEL 9:27

Khava vaikarôn khan mi katamtak hei leh kum 7 inhnōmna kahnettak annei sik, khana hiva pha hi aṭimkhat a’nchai pha, ama’n inthoina leh tōkna man om mak jo ning. Ṭitpui inkhat Bek-inn inshângpen chunga anda sik khana khava kada mi kha Pathen in ama sik a amantluk pek achaina pha kha aratō mak kârseng khanga ka-om sik.”

HABAKKUK 2:3

Mazet inna da roh, ajârchu hihei huitlungna kha apha la-emak a kae. Tâk apha kha kajōngbei sik jo, khana ke’n kamanhmu che kha hui akatlung sik kae. Jâmtak a akahong apō sik, tâk leihngâk roh; ahei kasōk nger sik kae, sôtmak jo ning.

ZECHARIAH 13:9

Khana alakahring sem thum changna hei kha hmei in dangka amanthengsōt kapōa ke’n ka-enmansin sik hei. Sana enmansinna kapōa ke’n ka-enmansin sik hei. Khava sōa kahnenga derna anhongnei sik, khana ke’n kamasôn sik hei. Anmani kamihei kae tia kahri pek sik hei, khana anmani’n kei hi an-Pathen eng kae tia anhrisōt sik jo.”

MATTHEW 16:17

Jesu’n amasôn, “John sapa Simon, nang narevân kaṭha. Ajârchu hiva ṭongdik hi mihring inkhat tamanthei che changmak, tâk marvâna kapa khet tamanthei che kae.

MATTHEW 26:56

Tâk hihei seng hi sânkathem he’n ṭong inthenga antamazet kha huitlungna sik a akasōk jo kae,” ati. Khava sōa sonlehei seng in ama andahlona katlân jo hei.

JOHN 15:2

Ama’n keia ka-om abâk a’nramak rakip kha atuk mathlâk hei, khana kara kanei abâk seng kha a’nthengna sik leh akara atam chetna sik amanhleng heia kae.

JOHN 20:25

Khava jâra sonle alak-hei khan ahnenga, “Keini’n Rōngpu kha kanhmu jo!” antipek. Thomas in anhnenga, “Ke’n akut jôtpia a’nhemna bi kahmua kakut vâng kakahmei mak a khana amanâk a khan kakut kathōn mak hma seng, ke’n taksen mak ning,” ati hei.

ṬŌNTLOHEI 13:13

Paul leh aloihei kha Paphos a inphut intôr heia; Pamphiliah ram shunga Perga khōpui katlung jo hei; khava hmun a khan John Mark in a’nṭhenpui heia Jerusalemting le’nle jo.

DÂNRABU INHNINA 8:16

Nêrdiram a khan nangni tasâk sik nanpu nanpa he’n antasâk phung hêrmak manna apek chei. Hnunga atorna, akaṭha mahâmṭhat pekna sik cheia, nangni enmansinna sik a nanchunga de intak ajōng tira kae.

JAMES 1:2

Kasōpuihei, mathlemna rakip nanchunga ahong tlung pha leh kanmahâm kaṭha tia mandon ruh,

ṬONGPHÔNG 14:15

Khava pha bek-inna inphut ngeva hlop inkhat heikasōk a sumtuk chunga a’n-ongpa hnenga khan rasa inhnaktak a a-ôn, “Nakôite kha keisōt ina sâng kha ât roh sa-ât pha jo kae, vânhnōi ralei sâng kahmin sō jo!”

ṬONGPHÔNG 17:17

Ajârchu Pathen ṭong kha hui atlungmak kârseng anmani intōk a ṭōn antlosap a khana ranhring hneng anvai rônna ratha kha anpek a Pathen mantlukna kha tlosōtna sik ama’n anmalunga tlo hnōmna kha adapek hei.

ṬONGPHÔNG 2:10

Khōdeng nathei sik kha heite ṭitmak roh. Rangei roh! Seitan in nang enmansinna sik nankâra mi ṭhahrep hlungkura akhum sik chei, ni 10 katlunga nanmalung inrim sik. Thina katlunga taksenthei chang roh, ke’n hringna kha torna inpâkmana kapek sik che.

ṬONGPHÔNG 7:14

“Apu, ke’n manhret mak hei eng. Nang in namanhret hei,” tia kamasôn. Khana ama’n kahnenga ati, “Hiva mihei hi suk manrimna inphut a kahringa akahong hei kha kae. Anmani’n kemōngte thisen vâng anpōnsi anta’nsôp inthenga antamanchek jo hei kae.