DANIEL 11:15 - LEKHARABU INTHENG (BSI)

¹⁵ Khava jâra Syria rengpa’n inkurkhum khōpui inkhat akekhuma ahlō sik. Egypt remi he’n rede manjōm mak hei ning; remi kaṭhapen hei katlunga’m ratha neimak hei ning.

DANIEL 11:15 ပူးပေါင်းရင်းမြစ်များ

JEREMIAH 33:4

Israel Pathen Rōngpu ke’n kahri kae, Jerusalema innhei khana Judah reng-innpuihei kha buhlu leh kekhuma a-om jâra khan suksetpet sik hei kae.

JEREMIAH 5:10

Kamihei vomhrui rahōn katuktan sik a inrepuihei kahei tir sik hei, tâk-kha akhenga chu mantuktan pek mak hei ning. Abâk-hei chu tuktan petna sik a kamanthei sik hei, ajarchu abâk-hei khachu keita changmak hei.

JEREMIAH 52:4

khava jâra ama’n vai arônna kum 9 thla 10 ni 10 tluk ning Babylon rengpa Nebuchadnezzar in aremi ahei thōi heia Jerusalema re aleitlo. Anmani’n khōpui vângting rephōr ansyema, akekhumna rape akimvea anleisyem,

JEREMIAH 6:6

Chunghnung Rōngpu’n khava renghei kha Jerusalem kekhumna sik a thing hei antuktan heia anmanbukna sik a ṭong apek hei. Ama’n ati jo, “Ke’n hiva khōpui hi karâkna kapek sik ajârchu hivahi suk manrimna kasiptak joa kae.

EZEKIEL 17:17

Babylon he’n mi katamtak thatna sik a ralei khur ancho pha Egypt remi kahrat hei kapha’num re dōina kha inthōpui tor mak hei ning.

EZEKIEL 4:2

Khava sōa, kakekhum mêrchîkna sik akimvea rekur syema, ralei chosōt a, rephōrhei khana bang deng manshâng roh.

DANIEL 11:14

Khava pha mi katamtak in Egypt Rengpa chunga re anhongtlo sik. Khana Daniel, najât shunga mi inphin ṭhahrep he’n antahmu hmangtalâr jâra khan re antlo sik, tâk antor sik hei.

DANIEL 11:6

Kum ṭhahrep kahnunga Egypt rengpa’n Syria rengpa leh hong inthlop sik hei, khana ama’n asanu Syria rengpa hneng apek sik. Tâk-kha an-inmattōna kha sôtmak ning. Amanu, apuise, asahei khana ama leh akasesap asōk-hei rakip anthatpet sik hei.

DANIEL 8:7

Ama’n kemōng avasuk hlon kha kahmu. Ama ahnuk kana hêra kemōng kha asuk a araki 2 amathlek pek jo. Kemōng khan ama tingtorna ratha neimak jo. Raleia amanpura achōnpha jo, ama kahuktor tûte inkhatbek leiom mak hei.

JOSHUA 1:5

Joshua, nang nahring lai seng tûte inkhat in re tor mak hei tin. Moses ka-ompui kapōa nang ka-ompui sik che; nang ahei tik a dahlon hêrmak che ning.