DANIEL 10:19 - LEKHARABU INTHENG (BSI)

¹⁹ Ama’n ati, “Pathen in alungset che, khava jâra heite’n manrim mak che rasoh khana ṭitna pek mak che rasoh.” Ama’n hi ahrisō pha, kei ratha kaneichet joa kahri, “Oja, heimo nahri sik kha amanthei roh. Nang in namanṭhat det jo eng.”

DANIEL 10:19 ပူးပေါင်းရင်းမြစ်များ

HLAHEI 138:3

Nang kabek che pha namasôn eng; Nahratna vâng khan kei namanhrat chet eng.

ISAIAH 35:4

Malunga akatlasam hei kha manthei hei roh, khana hinga hri roh, “Ṭimak roh, namalung manngar roh! Pathen kha nakahuk sik kajōng jo, Kajōng jo, na’ndōipui hei karâkna kapek sik a.”

ISAIAH 41:10

Nangni ṭimak ruh – ke’n ka-ompui chei! Kei nan-Pathen eng kae — heite inkhatbek in maṭhitmak chei rasoh! Ke’n ka’nṭangpui sik chei khana kamanhrat sik chei; Ke’n kahrung sik chei khana kahuk sik chei.

ISAIAH 41:14

Rōngpu’n ati, “Akatlômtek leh ratha katlasam, Israel, nangni ṭimak ruh; ke’n ka’nṭangpui sik chei. Israelhei a’ntheng Pathen kei hi, nankahuk inhring eng kha kae.

DANIEL 10:18

Ama’n amatu nôk enga, kei ratha kahong nei det jo.

DANIEL 9:23

Nang in Pathen hneng nangek manphut pha, ama’n amasôn che. Ama’n alungset che, khava jâra amasôna kha akahri pek sik a kei akahong eng kae. Tûn ke’n kahri pek che pha malung kahluttak a rangei roh.

HAGGAI 2:4

Tâk-kha nangni tûte inkhatbek malung tlâkna neimak ruh. Ṭōn kha tlo ruh, ajârchu ke’n ka-ompui chei.

ZECHARIAH 8:13

Eh Judah leh Israel mihei! Akathlengsa pha khan ramlak mihe’n inkhat leh inkhat khōmâk insântō heia, ‘Judah leh Israelhei chunga inhmangna akatla kapōa nangni chunga tlung rasoh!’ inti hei. Tâk-kha ke’n kahuk sik jo chei, khana jât-hlop hei khan khat leh khat, ‘Judah leh Israel he’n mahâmṭhat antachen kapōa nantachen chang rasoh!’ inti sik jo hei. Khava jâra inngamna nei ruh khana ṭitna neimak ruh.”

ZECHARIAH 8:9

“Inngamna nei ruh! Kabek-inn sak mantherna innhmun denglaia sânkathemhei ṭonghri kha leh in-anghrep a tûnhin nangni nanthei sik jo.

JOHN 11:3

Aser he’n Jesu hneng mi antira, “Rōngpu naṭhōn maritpa kana jo,” anva manti.

JOHN 11:36

Mihe’n, “Enruh ama heituk a alungset mo!” anti.

JOHN 11:5

Jesu’n Martha leh a-unu khana Lazarus alungset hei.

JOHN 14:27

“Ke’n kadahlon pek chei khachu mōngna hi kae, kapek chei hi kei khet mōngna kha kae. Vânhnōi tapek chei kapōa kapek chei changmak. Nanmalung mandong mak ruh, ṭi’m ṭimak ruh.

JOHN 16:33

Nangni kei leh ni’nchuna inphut lung mōngna nanneitheina sik hivahi kahri pek chei kae. Vânhnōi in nangni khōdeng anmanthei sik che. Tâk nanmalung manngam ruh! Ke’n raleichung hi kator jo kae!”

JOHN 19:26

Jesu’n anu leh sonle alungsetpa kha khana ankangir ahmu hei pha, anu hneng, “Ama kha nasapa kae!” ati.

JOHN 21:20

Peter kha hong inhea, Jesu’n alungsetpa, khōhlei thlai sâkna Jesu hneng ale’nhngapa khana, “Rōngpu, mikut a nakapek sōt sik kha tu mo?” tia akader sonle ahlop-pa kha akahnungting aleihmua kae.

CORINTHIANHEI INKHATNA 16:13

Insing thei ruh, nantaksenna ngir inhnet ruh, kangama om ruh, nanratha manngar ruh.

CORINTHIANHEI INHNINA 12:9

Ama’n aleimasôna eng khachu: “Kei maritna hi narangeipen kha kae, ajârchu natlâksam pha leh kei ratha hi akahratpen kae.” Christa rathla’n kachunga ahrung eng ti manhretna sik, katlâksamna chunga ka’nlensak sik kha kahōipen eng.

EPHESIANHEI 6:10

Atorna pena, nangni Rōngpu ratha hratna vânga leh ama leh inchunna shunga akangar kha chang ruh.

TIMOTHY INHNINA 2:1

Kasapa, Jesu Christa a ni’nchunna shunga nita kachang jo maritna vânga khan akangar chang roh.

JOSHUA 1:9

Na-inrinna sik leh inngamna sik a kaṭong pek che kha mandonsōt roh! Ṭitmak roh khana malung mathla mak roh, ajârchu Rōngpu na-Pathen ke’n nasena chen a ka’nṭhōipui sik che.”

ṬONGPHÔNG 1:17

Ke’n ama kha kahmu pha, akathi kapōa akekunga katlu jo eng. Ama’n akut changting kachunga ada a ahri, “Ṭimak roh! Kei a’nphutna leh a’nchaina eng kae.

ṬONGKATANHEI 6:23

Tâk Rōngpu’n ahnenga ati, “Kamōnga om roh. Ṭitmak roh. Nang thimak tin che.”