DANIEL 10:1 - LEKHARABU INTHENG (BSI)

¹ (Cyrus in Persia reng achang kum 3 tlukna Belteshazzar tia’m a’nhret, Daniel hneng ṭong inkhat hong inlâr. Khava ṭong khachu kadiktak a manhret sik le’ntak hêr. Khavakha ahnenga hmangtalâra ahri manchên pek a kae).

DANIEL 10:1 ပူးပေါင်းရင်းမြစ်များ

A’NPHUTNA 41:32

Rahmang ave-avea amanhmu che khan Pathen in amantluk er jo tina kae, khavakha sôt lo hêra ahong mansōk sik jo.

THUHMINGHEI INHNINA 36:22

Persiahei reng Cyrus khan rengkalen achangna kum hma inkeia khan, Rōngpu’n sânkathem Jeremiah hneng ṭong aleimanphông kha hui amathlung jo. Hiva athōia ṭongpek-hei hi Cyrus khan amasōna sik khana mazetsōt a arengram shung rakip a teisōtna sik a tirna sik aleikahnot jo:

EZRA 3:7

Mipuihei khan hlung ṭōn leh thingṭōn katlohei sik a sêr anleipek hei khana tui-ôngpuia inphut Joppating heitôr sik Lebanona cedar thing leh thlengsōt sik a Tyre leh Sidon khōpuia sâk leh in, olive thai anleitir hei. Hiva rakip hi Parsia rengkalen Cyrus hnōm pekna thōia anleitlo.

EZRA 4:3

Zerubbabel, Joshua khana phungṭhen alu kachang hlamkakei he’n anti, “Kan-Pathen Rōngpu bek-inn sakna sik a nangni inthōpuina rangei mak ung. Persia reng kalenpa Cyrus ṭong pekna ung dungjuia kanbinga kansak sik.”

EZRA 4:5

Anmani’n Persia vaikarôn leh ṭōnpui karônhei kha anmani dōina ṭōn tlona sik a sêr marûk a anpek hei. Khang’khan Cyrus leh Darius vairôn shung senga hivahi anleitlo ṭhak a kae.

EZRA 6:14

Sânkathem Haggai leh Zechariah he’n mathokna anpek heia, Jehudi hlamkakeihei Bek-inn sakna kha hma ansepui hêra kae. Israel Pathen leh Cyrus, Darius khana Persia reng Artaxerxes hei ṭongpek dungjuia Bek-inn sak kha anleichai joa kae.

EZRA 6:3

“Cyrus vairôn kum hma inkeia rengkalen khan inthoina leh roa tōkna sik a Jerusalema Bek-inn kha sak mantherna sik ṭong pekna aleinei hei. A’nshâng in metre 27 khana avai metre 27 nanta manchang sik kae.

ISAIAH 44:28

Ke’n Cyrus hneng kahri, ‘Kei sik a vai karôn sik kha nang che kae; Ke’n kamantlo hnōm che kha nang in natlo sik kae: Jerusalem avea saksōtna sik a khana Bek-inn innhmun kha deng manbukna sik a nang in ṭong namasō sik kae.’”

DANIEL 1:17

Pathen in rether 4 hei kha lekha tinga leh mandonna singna leh themna apek hei. Hiva chunga ama’n Daniel chu hmangtalâr leh rahmang malesōt theina ratha apeksa.

DANIEL 1:21

Persia reng Cyrus in Babylon rea ator mak hma seng Daniel kha reng inna leika-oma kae.

DANIEL 1:7

Ṭōnpui karônpa khan anmani kha rahming ther aleiphō hei: Belteshazzar, Shadrach, Meshach, khana Abednego tia aleiphō hei.

DANIEL 10:14

Namihei chunga hnunga heimo ahong kasōk sik kha manthei che rong tia akahong eng kae. Hivahi hnunga ahong kasōk sik hmangtalâr kha kae.”

DANIEL 11:2

Khana ke’n tûn nahnenga kahri sik hi akadik kae.” Ngeva khan ahri, “Reng 3 he’n Persia vai anhongrôn sik, aralak-hei kanek a akahaopen, 4 tlukna inkhat in ankahnunga hong ka-om sik. Ama ratha neina leh sêr leh sum kaneitak ahongchang pha, Greek rengram chunga aheidōi sik.

DANIEL 12:4

Ama’n kahnenga ati, “Khana tûnchu, Daniel, lekha kha makhu jo roh, ralei a’nhmangmak kârseng mêrchîkna nam jo roh. Khava shung senga hei omchen mo akasōk sik antia, manhretna sik antloa, mi katamtak in môksek a pha anmanhmang sik.”

DANIEL 12:9

Ama’n amasôn eng, “Daniel, nang tûn akase sik jo che kae, ajârchu hiva ṭonghei hi pha a’nchaimak kârseng thup a da sik hei kae.

DANIEL 2:21

Ama’n phat leh khōsûr khōsat ṭong anei tor; renghei um asyem hei khana syem nôk mak hei; sing leh themna kapek hi ama kae.

DANIEL 4:8

Khava pha Daniel kha kahonga kae. (Ama kha kei pathen rahming Belteshazzar tia inbekna jo.) Pathen intheng hei rathla kha ashunga ka-om, karahmang kha ahnenga kahri pek. Ke’n ahnenga kati:

DANIEL 5:12

Ama’n akakhe chet tlotorna anei, khana rahmang ṭonghei, ṭong intak leh ṭong in-ip hrisōtna kathem hêr; khava jâra rengpa’n Belteshazzar tia aphō, Daniel intipa kabek sik a mi tir hei roh, ama’n hiva rakip hi heitina mo ahri pek sik che.”

DANIEL 5:17

Daniel in amasôn, “Kutchoihei khachu nang sik a inda roh a-emak leh tu mo inkhat hneng pek roh. Reng Kalûr nang sik a kateisōt sik khana heitina mo ti kha kamanthei sik che.

DANIEL 6:28

Cyrus leh Darius he’n Persianhei reng anchang lai Daniel kha kahōia leika-oma kae.

DANIEL 8:16

Ke’n Ulai tuidung rekhat a inphut a aka-ông rasa inkhat kathei, “Gabriel, ama’n ahmu kha heitina mo hripek roh.”

DANIEL 8:26

Hiva khōhlei leh jîngkâra inthoina chungchânga nahnenga hrimanchên jo hmangtalâr hi hui ahong katlung sik kae. Tâk-kha tûnchu thup inna da hi roh, ajârchu hiva hui tlung sik hi pha kasôttak kahlut sik a kae.”

LUKE 1:20

Tâk hiva kaṭongrôn aphahrep a ajōng katlung sik hi taksen mak che. Nang in khavakha nataksenmak jâra akaṭong theimak sik jo che kae; ka ṭongtep hi kadik a ajōng tlung mak kârseng akaṭongsōt theimak sik jo che kae.”

ṬONGPHÔNG 19:9

Khava pha ngeva khan kahnenga ahri, “Hi mazet roh: Kemōngte hmōiṭhōina reveia a’nbek mihei kha mikahōihei kae.” Khana ngeva khan ahri nôk, “Hivahi akadik Pathen ṭonghei kha kae.”