COLOSSIANHEI 3:3 - LEKHARABU INTHENG (BSI)

³ Ajârchu nangni kathi jo chei, khana nanhringkhō kha Pathen hneng Christa leh inṭhōia a’nthup jo kae.

COLOSSIANHEI 3:3 ပူးပေါင်းရင်းမြစ်များ

MATTHEW 11:25

Khava pha khan Jesu’n, “Apa, marvân leh ralei Rōngpu, kamanpâk che, ajârchu mikasing leh mikathemhei hneng naleithup kha akathemmak hei hneng namalâr jo.

JOHN 14:19

Pha bongkhat shunga vânhnōi in kei ahmu mak jo ning, tâk nangni’nchu nanhmu sik eng; ajârchu kei kahring jâra nangni’m akahring sik chei kae.

JOHN 3:16

Ajârchu Pathen in vânhnōi ralei hi hingtuk hrep alungset jâra Asapa inkhat rōk kha apek jo, tu achang inum ama kataksen kha thimak ning, tâk kumleikōa hringna anei sik kae.

JOHN 4:14

Khana tu achang inum kei tapek sik tui ka-in mi khachu atui hrenôk hêrmak jo ning. Kei tui pek sik khachu, kapek mipa shunga khan hringna tui kapût a kalōng sik, khana kumleikōa hringna apek sik kae.”

JOHN 5:21

Ajârchu Pa khan akathi kha akahringa akei mathōi nôk, khava kapōa Sapa kha’num apek hnōm hei hneng hringna kha apek hei.

JOHN 5:24

“Akadiktak kahri pek chei kae; tu achang inum kaṭong hri katheia anijōng katirpa kataksen mi khan kumsôt hringna anei jo. Anmani ṭong intanmak jo ning, tâk thina anrakansōt a hringna antaneisa jo kae.

JOHN 5:40

Achang ravâng hringna nanchenna sik kahnenga honghnōm mak chei.

ROMANHEI 5:10

Eini hi Pathen kadōi leikachang me; tâk asapa thi jâra khan ama’n aṭhōn amanchang jo me. Tûnchu eini Pathen ṭhōn kha kachang jo me, khan chu Christa hringkhō khan heituk ahukchet sik jo me mo!

ROMANHEI 5:21

Khan chu, setna khan thina vânga vai arôn kapōa, ni-Rōngpu Jesu Christa jâra kumsôt hringnating ani kaṭhōi Pathen maritna khan dikna vânga vai arôn.

ROMANHEI 6:11

Khavakha leh in-anghrep a nangni setna chungchânga khan chu akathi jo chei, tâk Jesu Christa a Pathen leh inchunna shunga khan chu akahring jo chei inkhat a a’ndon sik chei kae.

ROMANHEI 6:2

Kha changmak! Eini setna kathi jo me, heikhong mo setna shunga alaka-om ṭhak tor sik me?

ROMANHEI 8:2

Ajârchu Rathla dân kha Christa Jesu leh inchunna hringkhō shunga aṭhōi manhlut jo me jâra setna dân leh thina inphut amasō jo eng kae.

CORINTHIANHEI INKHATNA 15:45

Ajârchu ṭong intheng in, “Mihring hma-inkei Adam khachu, akahring inkhat a a’nsyem kae,” ati; tâk hnung kakhôr Adam khachu, hringna kapek Rathla kha kae.

CORINTHIANHEI INKHATNA 2:14

Tu achang inum rathla kaneimak mi’n Pathen Rathla a inphut akajōng kutchoi kha chenthei mak. Khang khava mi’n kutchoi kha inchênna manhret tor mak; anmani sik a ajâr kase kae, ajârchu khava kutchoi pek hnemna kha Rathlating rōk a manhret ṭhentor kae.

CORINTHIANHEI INHNINA 5:14

Christa lungsetna khan kanchunga vai arôn jâra tûnchu mi rakip sik a mi inkhat akathi kha keini’n kanmanhret, ama thina shunga khan mi rakip in chen ninei et jo kae.

CORINTHIANHEI INHNINA 5:7

Ajârchu keini hringkhō hi taksena a’nhnga kae, hmit-hmua changmak.

GALATIANHEI 2:20

akahring hi kei emak jo eng, tâk kashunga akahring Christa kha kae. Tûna hringkhōa kahring hi, ani’nlungset a ahringkhō kei sik a anileikapek, Pathen sapa taksenna jâra akahring eng kae.

EPHESIANHEI 3:9

khana Pathen ṭōnmantluk in-ip kha heikhong mo ṭōn vânga ahon’rôn sōt sik ti kha mi rakip manhmu theina sik, ṭōn hi Pathen in kei apek jo eng. Heirakip Kasyempa Pathen in, ama ṭōn in-ip hei hi kum kasôttak aleithup heia kae,

PHILIPPIANHEI 4:7

Mihring tamandon phâk tor mak, Pathen lung mōngna khan Jesu Christa leh inchunna shunga nanmalung leh nanmandonna kha amanmōng pek sik chei.

COLOSSIANHEI 1:5

Hma inkeitak a Ṭong kaṭha, akadik ṭong nanhnenga ahong pha khan inhōrna apekna chei kha nanthei jo. Khava jâra marvân chunga nangni sik a injentak a aleika-om sik a inhōrna nantanei chunga khan nantaksenna leh lungsetna hei hi’m a’nhnga hei kae.

COLOSSIANHEI 2:20

Nangni Christa leh kathisap jo chei, khana vânhnōi ralei vaikarôn rathla a inphut masō jo chei kae. Khan chu heisa mo hiva raleichung ta kapōa alakahring chei? Heisa mo khang khava dânhei kha nantalajui.

COLOSSIANHEI 2:3

Pathen singna leh manhret theina a’nthup karōi manbukna kot mahlangna chabi kha ama kae.

COLOSSIANHEI 3:4

Nangni hringkhō kadiktak kha Christa kae khana ama ahon’lâr pha leh nangni’m ama leh ho’nlâr sik chei, khana alûrna nan chensap sik jo!

HEBREWHEI 7:25

Khana ama’n tûnum ahei tik a’m ama inphut Pathen hneng akahong hei sik a hukmanhringna atlo tor, ajârchu anmani sik Pathen hneng akader sik a ahei tik a kahring ṭhak a kae.

PETER INKHATNA 3:4

Khava kanek a, nanhme ṭhatna khan nanshunga lungri kadiktak kha a’nveisa sik kae, khavakha Pathen hmit ena mankatampen nun-innem leh malung kadai, kum leh thla’n manvōi torlo hmeṭhat kha kae.

PETER INKHATNA 4:2

Khava jâra tuna inphut a nanralei hringkhō hi mihring tamadu dungjuia changloa, Pathen lungdo dungjuia akahring nger sik chei kae.

JOHN INKHATNA 3:2

Kaṭhōn marit hei, eini Pathen sa kachang jo me, tâk heimo ahong kachang sik me ti lahong inlârmak. Tâk-kha eini’n hi nimanhret ti chu Christa ajōng inlâr pha, ama kha nipō sik jo, ajârchu ama atak-khet kha inchêna nihmu sik jo.

ṬONGPHÔNG 2:17

“Khava jâra nang in kōr nanei inchu, Rathla khan bekrup-hei hnenga ahri kha rangei roh! “Torna kanei mihei kha ke’n a’nthup manna kapek sik hei. Khana akachenpa tei loa tûte taman hretmak rahming ther inzet hlungvâr inkhat et um kapeksa sik hei.