A’NPHUTNA 9:16 - LEKHARABU INTHENG (BSI)

¹⁶ Sumtuk kâra saisûm kha ahong inlâr pha, ke’n khavakha ka-en sik, khana kumsôt sik a raleichunga kei leh akahring hei kâra ṭongtepna kha kamandonsōt sik.

A’NPHUTNA 9:16 ပူးပေါင်းရင်းမြစ်များ

A’NPHUTNA 17:13

Mi rakip vuntan et sik, khana hivahin kei leh nang intepna ahei tik a ka-om ti malârna sik a taksa mêrchîkna inkhat sik kha kae.

A’NPHUTNA 17:19

Tâk-kha Pathen in, “Changmak ning, nanuhmei Sarah in sapase inkhat alaneipek sik che, arahming Isaac nati sik kae. Ama leh atu asahei chunga ke’n kaṭong tepna kamathlung sik. Khavakha are-rea intepna inkhat kha kae.

A’NPHUTNA 17:7

“Ke’n nahnenga ka’ntepna hi nang leh natu-nasahei hnunga khang katlunga ahei tik chen a intepna inkhat a kajui sik. Kei hi nang leh natu-nasahei Pathen kachang sik eng.

A’NPHUTNA 9:17

Khavakha ranhring rakip hnenga kaṭongtep mêrchîkna kha kae.”

SAMUEL INHNINA 23:5

Khang’khan Pathen in kasōn kapâr hei kha vâng apek sik hei, ajârchu ama’n ahei tik chen a sik a a’nteppui jo eng, akakōimak sik inhnōmna, a’nthleng mak sik jo intepna kae. Khavakha kei tamadu kae; khavakha kei retorna kae, khana Pathen in alatlosōt sik kae.

ISAIAH 55:3

“Tûn rangei ruh, kamihei, kahnenga hong ruh; kahnenga hong ruh, nangni’n hringna nanchen sik! Ke’n nangni leh intepna kahnettak kasyem sik, khana David hnenga kaṭongkam mahâmṭhatna kha kapek sik chei.

JEREMIAH 32:40

Ke’n anmani leh kumsôt a intepna inkhat kasyem sik. Ke’n anmani ṭhatchômna sik a ṭōn kaṭha tlo bâng hêrmak ning, khana kahnenga inphut an-inhesōt nôk makna sik, anmalung akhenga anṭitna sik eng kasyem sik hei.

EZEKIEL 34:26

“Ke’n vâng kapek sik hei khana kei tlâng intheng kimvea kaman om sik hei. Khana khan tui anrangei pha khō kamansûr sik.

EZEKIEL 37:26

Anmani ahei tik a inhukna kapek sik a intepna inkhat anmani leh kanei sik. Ke’n kasyemsōt sik hei khana anja kamanpung sik hei, khana anrama kabek-inn kada sik, khana khan ahei tik a ka-om sik jo hei.

HEBREWHEI 13:20

Athisen vâng kumsôt intepna chunga mêrchîkna intatkhum Kemōng Kakhem Kalen, ni-Rōngpu Jesu kha thia inphut Pathen in akei mathōi jo. Mōngna Pathen lungdo kha nantlona sik, ama’n akaṭha nanta rangei rakip pek chei rasoh, khana Jesu Christa jâra keini chunga ama tlaina kha intlo rasoh. Khana Christa kha are-rea lûrṭhak rasoh! Amen.