A’NPHUTNA 7:21 - LEKHARABU INTHENG (BSI)

²¹ Raleichunga akahring inti rakip tui in athatpet jo hei; vahei, ranhringhei leh mihringhei.

A’NPHUTNA 7:21 ပူးပေါင်းရင်းမြစ်များ

A’NPHUTNA 1:25

Khang’khan Pathen in ankhenga asyem jo hei, ama’n khahei kha ahmu pha amalung katlâi jo.

A’NPHUTNA 6:13

Pathen in Noah hneng ahri, “Mihringhei hi manram jo rong tia kamandon jo. Anmani hi kasuk manrampet sik jo hei, ajârchu vânhnōi raleichunga innâk-inse ṭōn in kasip joa kae.

A’NPHUTNA 6:17

Ke’n akahring ranhring rakip manram petna sik tuishâng kahei manlen sik. Raleichunga heirakip kathipet sik jo hei,

A’NPHUTNA 7:4

Sûn leh jân kani 40 katlung bit a tuninga inphut ni 7 sō leh raleichung pumpuia khō kamansûr sik jo kae. Raleichunga ke’n kasyem rathla kanei akahring rakip kaman rampet sik jo hei kae,” ati.

JOB LEKHARABU 34:15

akahring rakip kathisō sik hei, khana vaiphin kachang nôk sik jo hei.

ISAIAH 24:19

Ralei hi akatlir khōia ajin kakōia inher khōi sik.

ISAIAH 24:6

Khava jâra Pathen in raleia khomâk asâmkhum jo. Mihring he’n anṭōntlo dungjuia antachen jo kae. Mihei hi katlôm det-det a kahring sik hei.

HOSEA 4:3

Khava jâra ram shung hi hong kachâr sik, hiva chunga aka-om rakip karampet sik hei. Ramsha leh vahei khana ngahei kapha kathi sik hei.”

JOEL 2:3

Hmei kakâng kapōa phi ansâksō hei. Anhmatinga ram kha Eden rahōn ka-ang, tâk-kha ankahnung tinga ram kha nêrdiramhâng ka-ang. Anmania inphut heite inphesōt tor mak.

ZEPHANIAH 1:3

mihring, ranhring, nga leh va ankhenga. Mikaṭhamak-hei tlâksukna katlo sik. Mihring inti rakip kasuk manhmang sik khana akahringa inkhatbek um damak ning. Rōngpu ke’n kahri jo kae.

MATTHEW 24:39

tuishâng ahong lena, ahong tlenhlon mak hei kârseng anmani’n leimanhret mak hei. Khang’khan Mihring Sapa ajōng sik kha’m akachang sik kae.

LUKE 17:27

Noah rakōnga ahlutmak kârseng mihe’n ansâk, an-ina, nuhmei-pase lu anhonga kae, khana tuishâng ahonglen pha, ankhenga athat jo hei.

ROMANHEI 8:20

Ajârchu kutsyem kha abitin hui mathlung mak tia maset inpek jo, abing lungdo changmak, tâk Pathen in hinga sik tia alungdo kha kae. Kha’num inhōrpuina sik hi ka-om,

ROMANHEI 8:22

Ajârchu nai kanei sik a nupui naiha aphut kapōa tûn katlunga hin kutsyem rakip nat kade-hla a inkōi heia kae.

PETER INHNINA 2:5

Raleichung marō kha Pathen in ṭhensōt mak, tâk raleichunga bek-ôi kaneimak hei chunga tuishâng amanlen; ahuksōt hei khachu akadik kahrile Noah leh mi 7 hei rōk kae.