A’NPHUTNA 48:16 - LEKHARABU INTHENG (BSI)

¹⁶ Insuksetna rakip a ani kahuksōt ngeva khan vâng pek hei rasoh! Karahming leh kapa Abraham, Isaac rahming anmania inphut omṭhak rasoh! Anmani hin sa katamtak leh sōn leh pâr katamtak nei hei rasoh!” ati.

A’NPHUTNA 48:16 ပူးပေါင်းရင်းမြစ်များ

HLAHEI 34:22

Rōngpu’n amihei kha ahuk sik hei; inhukna kajōnga ahnenga akase rakip ahuk sik hei.

A’NPHUTNA 49:22

“Joseph hi tuiripût hnenga ram shakōrtung kapō kae, Hmebung sîra shakōrtungte kapō kae.

A’NPHUTNA 48:5

Jacob in amanjōm a, “Joseph, nasa 2 kei kahong mak hma Egypt ram a a’nte hei hi keita hei kae; Reuben leh Simeon kapōhrep a Ephraim leh Manasseh-hei hi kasahei kae.

TIMOTHY INHNINA 4:18

Khana Rōngpu’n akaṭhamak rakip a inphut ahuk enga amarvân Rengram a kahringa aṭhōi sik eng. Lûrna kha are-rea ama ta changṭhak rasoh! Amen.

JOSHUA 17:17

Joshua’n Ephraim leh Tlaitlâk Manasseh phunghei hneng ati, “Nangni mi katamtakbak chei, khana ratha kahrat chei. Nangni chen khat kakhea chenhlam kasōk chei.

HEBREWHEI 11:21

Taksen jâra Jacob in athimak hma Joseph sahei mahâmṭhat apek et heia kae. Akhōnghrea in-ngaia Pathen aleikamuk.

ṬŌNTLOHEI 15:17

Mihring phung leh jât rakip kahnenga kahong sik hei, kata kachang sik a kabek Jât-hlop rakip hei kha’m.

JOHN 17:15

Anmani vânhnōi raleichunga inphut nalosōtna sik heia dermak che eng, tâk Akaṭhamak Inkhatpa inphut nahrung sik hei hi kader che kae.

ISAIAH 63:9

ankhōdeng theina rakip a inphut. Khavakha marvân ngeva inkhat changmak, tâk ankahuksōt Rōngpu ama khet kha kae. Ama lungsetna leh lungkhamna khan ahuksōt hei kae. Ama’n hmalaia inphut aleitinta ṭhak heia kae,

HLAHEI 121:7

Thina sik rakip a Rōngpu’n ahrung sik che; ama’n nang ahuk sik che.

TITUS 2:14

Eini ṭhatmakna rakip a inphut ani kahuksōt sik a leh mi intheng ama ta rōk akachang sik mea khana akaṭha katlo hnōm nichangna sik a, ama’n abinga eini sik a inpek sōt joa kae.

CORINTHIANHEI INKHATNA 10:9

Anmani ṭhahrep taleitlo, Rōngpu kha anlei enmansin a mari’n aleimachuk hlon hei kapōa eini’nchu ni-enmansin mak sik kae.

AMOS 9:12

Khana Israel mihe’n Edom ram a’nhleiseng khana pha khat a keita aleikachang hei seng kha anlo nôk sik,” hiva insōk sik Rōngpu’n ati.

CORINTHIANHEI INKHATNA 10:4

khana ankhenga rathla tui inkhat rōk anlei insōma kae. Anmani leh ale’nṭhōiṭhak rathla hlungpuia inphut tui anlei in. Khava hlungpui kha Christa khet leikachang.

ROMANHEI 8:23

Tâk-kha kutsyem rōk kha changmak, eini hma inkeipena Pathen kutchoi Rathla kachen me hi’m Pathen in asa amanchangna sik me khana nitaksa pumpui ning leh hnōma amasōna sik me nihngâk hla a nishungting inkōia ka-om et me.

MATTHEW 6:13

Mathlemna aṭhōimak roh, tâk-kha Akaṭhamak Inkhat a inphut ahuksōt roh. Ajârchu rengram, rathahrat, khana lûrna ahei tik a nata kae. Amen.’

MALACHI 3:1

Chunghnung Rōngpu’n amasôn, “Kei sik a hlam inhleng sik kaṭong karôn mi katir sik. Khava sōa nangni’n nantahngâk a ka-om Rōngpu kha manhret manloa a-Bek-inna kahong sik. Nangni’n nantahmu hnōm ṭongkarôn kha kahong sik khana ka ṭongtep kha aphông sik.”

JEREMIAH 14:9

Heisa mo nang hi mi inkhat manhret manloa antasur jo kapōa, inthōpui torna ratha kaneimak remi inkhat kapōa aka-om che? Kadik khet a, Rōngpu nang in na-ompui ung! keini nami ung kae; keini adahlon mak roh.’”

ISAIAH 47:4

A’ntheng Israel Pathen khan eini amasō jo me ama rahming kha Chunghnung Rōngpu kae.

HLAHEI 34:7

Rōngpu kajana kaneihei kha angeva’n ahngâk hei khana thina theia inphut ahuksōt hei.

HLAHEI 34:2

Ama ṭōn leitlo jâra khan ke’n kachoi ka-ân sik; suk manrima ka-om rakip he’n rangei hei sona inpâk hei rasoh!

THUHMINGHEI INHNINA 7:14

anmani’n kahnenga derna anneia, anmalung anthlenga anṭhatmak tlona inphut anhong inhea achang inchu anderna kha marvâna kathei pek sik hei, ansetna karangei mandam sik hei, avea anram kha kara kamanpung pek sik hei.

DÂNRABU INHNINA 33:17

Joseph in sehratche ratha anei, Ram sehratche raki anei. Araki hei kha Manasseh lishing lishing hei kae Khana Ephraim lishing sôm sômhei kae. Raki hei vâng khan jât-hlop hei asuk hei Ralei inchaina katlunga akathor hei.”

DÂNRABU INHNINA 28:10

Khana raleichunga mi rakip in Rōngpu’n ami sik akadei jo chei tia anmanhret sik, khana anṭit sik chei.

SŌKSŌT 1:7

tâk ansōn leh anpâr Israelhei khachu hong kapung hranghra heia hong kahrat jo hei, ansahei kha Egypt ram a leikasip jo hei.

A’NPHUTNA 32:28

Pase khan, “Narahming Jacob inti mak jo ning. Israel inti sik jo, ajârchu nang in mihring leh Pathen na’nrepui jo hei, khana nang in nator jo hei; khava jâra narahming hi Israel a’nti sik jo kae,” ati.

A’NPHUTNA 22:11

Tâk-kha marvâna inphut Rōngpu ngeva’n ahei bek, “Abraham, Abraham!” Ama’n, “Hôi, hin ka-om eng,” tia amasôn.

A’NPHUTNA 22:15

Vōihni tlukna Rōngpu ngeva’n marvâna inphut Abraham kha ajōng bek,

A’NPHUTNA 46:3

“Kei napa-Pathen, Pathen eng kha kae,” ati. “Egypt a nase sik kha ṭimak roh; khana khan ke’n nang sōn leh pârhei kha jât kalentak a kasyem sik hei.

SAMUEL INHNINA 4:9

David in amasôn hei, “Thinathei heirakip a inphut ani kahuksōt akahring ṭhak Rōngpu rahminga a’ntep eng kae!

JEREMIAH 15:21

Mikaṭhamak-hei ratha neina leh mi inphin heia inphut kahuk sik che. Rōngpu ke’n kahri jo kae.”

RENGHEI INKHATNA 1:29

Khava sōa ama’n amanu hneng ati, “Khōdeng theina rakip a ani kahuksōt akahring Rōngpu rahminga nahnenga intep eng,

HLAHEI 34:8

Heituk mo Rōngpu hi akaṭha ti kha nabinga injongsōt roh! Ama a hringna kahmu mi kha anmahâm kaṭha.