A’NPHUTNA 4:7 - LEKHARABU INTHENG (BSI)

⁷ Nang in akadik naleitlo’nchu nahmaisō aleikatlâi sik che kae; akaṭhamak natlo jâra setna kha nakot kunga ka-oma kae. Nachunga vai arôn hnōm, tâk nang in atorna natlo nger sik kasōk.”

A’NPHUTNA 4:7 ပူးပေါင်းရင်းမြစ်များ

A’NPHUTNA 19:21

Ama’n amasôn, “Kaṭha jo, ka-hnōm eng. Sova khōpui so ke’n suk manhmang mak ning.

A’NPHUTNA 3:16

Khana ama’n nuhmei hneng khan, “Nachung hriklai leh nasa neilai nanat kamanhnak sik, khōdeng kamanthei sik che. Kha’num napuise madu rangeina chu naneiṭhak sik, kachanga napuise thōia aka-om sik che kae,” ati.

SAMUEL INHNINA 24:23

Arauna in khahei seng kha akhenga rengpa hneng apek sōt a, khana ahnenga ati, “Rōngpu na-Pathen in natōksōt inthoina kha rahlâng pek che rasoh.”

RENGHEI INHNINA 8:28

Ahaziah rengpa’n Israel Reng Joram ajuia Syria reng Hazael kadōia re anleitlo. Gilead ram a Ramoth a re le’ntlo jo hei, khana Joram kha le’ntôn jo.

JOB LEKHARABU 11:14

Akaṭhamak leh akadik mak na-inna inphut hlonsōt roh.

JOB LEKHARABU 11:15

Khava sōa vânhnōi hi kahnet leh kangamtak a avea intōpui roh.

JOB LEKHARABU 29:4

Khava pha khan pui katluk a ka-om eng, Pathen in ahrung jâr enga ka-inna khōdeng theina leiom mak.

JOB LEKHARABU 42:8

Tûn nangni’n sehratche 7 leh kemōngche 7 Job hneng heikei ruh, nanbing sik a inthoina vatōk ruh. Job in nangni sik a aderpek sik chei, ke’n ama derna kha kamasôn sik, khana nanrahōi kasōk inzakna kha pek mak chei ning. Kei chungchânga ama’n ṭongdik ahri kapōa, nangni hrimak cheia kae.”

ṬONGCHÎK-HEI 18:5

Ṭhena kanei mi kha pom a, ṭhenakase mi kha mandikmak sik hi dikmak.

ṬONGCHÎK-HEI 21:27

Mikaṭhamak he’n tōk sik anta heichoi neinâk kha Rōngpu’n amater; adek a anmalung mandon intheng loa antlo’nchu.

JEREMIAH 3:12

Israel hneng vasea ṭong vahrina sik a amanthei eng, “Taksenthei kachangmak Israel, kahnenga hong inle roh. Kei lungset kathem eng, kahnuknatmak ning. Nachunga kahnuk mannat ṭhak mak ning.

JEREMIAH 6:20

Anmani’n Sheba a inphut marim katui khana ram kahlatak a maru-marâng kahnenga anta heichoi kha katei sik mo? Anmani neitōknahei rahlâng mak ning khana an-inthoina hei chunga tlaimak ning.

MICAH 7:18

O Rōngpu, nang kapō Pathen lak om mak; akahringa ka-om namihei setna narangei mandam pek hei. Are-rea sik hnuknat pum a om mak che, tâk nalungsetna injônjet kha keini manhmu sik a inpâk che.

MALACHI 1:10

Akahratpen Rōngpu’n ati, “Nankâra mi inkhat in Bek-inn kot-hei akhâra heite akahnem mak hmei kha nangni’n kamaichâm chunga nanmansûk mak jo’nchu tia kamandon jo. Kei nanchunga tlaimak eng; kahnenga nantaheichoi tōkna kha rahlâng mak ning.

MALACHI 1:13

Nangni’n nanti, ‘Hihei seng sik a heituk a akachâm jo ung mo!’ khan chu nanhnâr nansânthlōn enga kae. Kahnenga tōkna sik a marûk ranhring achangmak leh ake inkhôi leh akadam mak hei nanheichoia kae. Khavakha nangnia inphut karahlâng sik tia nanmandon mo?

MALACHI 1:8

Nangni’n kei hnenga tōk sik a hmitkacho, akadam mak, ke katlek ranhring nanheichoi hei, khana khan akadik mak om mak nanti tor mo? Ram vaikarôn inkhat hneng khang khavakha vapek ruh. Ama kha nangni chunga amalung katlaia heikhat ahei pek sik chei mo?”

MIJAHEI 32:23

Tâk-kha nan-intepna kha nanjuimak inchu, kahridek hi kae, nangni Rōngpu kadōia kaset sik chei. Khava chunga ṭhena neimak ruh; nansetna jâra karâkna nanchen sik.

ṬŌNTLOHEI 10:35

Tu jât-jât um chang rasoh ama inmuk leh akadik katlo rakip kha ama sik a rahlângthei kae.

ROMANHEI 12:1

Khava jâra kasōpuihei, Pathen maritna me alen jâra ke’n nanhnenga hivahi kangek chei kae. Pathen malung tlaina leh aṭōn tlona khan inthenga inpek sōtna sik, nangni Pathen hneng hringpuma intōksōt ruh. Hivahi nantatōk sik kamukna kadiktak kha kae.

ROMANHEI 14:18

Khana mihe’n Christa kha hinga anrazen pha Pathen kha anmantlai khana milak he’n anhnōm heia kae.

ROMANHEI 15:16

kei Jât-hlop hei kâra Jesu Christa sōk inkhat kachang jâra kae. Jât-hlop hei kha Rathla Intheng in atōksōt Pathen tarahlâng inkhat anchangna sik, ke’n Pathena inphut ṭong kaṭha kha thempu inkhat kapōa kahrilea karazen kae.

ROMANHEI 6:12

Nanbing taksa tamadu rangei ṭong juina sik a, setna kha akathithei nantaksa chunga vai arôn hêrmak sik kae.

ROMANHEI 6:16

Nangni’n tu mo inkhat thōia sōk changna sik nan-inpek inhlut pha aṭong nantajui nakapupa sōkkhet nanchang jo kha nanmanhret a kae, thina heikarôn sōt setna sōk achang inum, khana ṭongjuia Pathen leh akadik a dasapna sik sōk kha achang inum.

EPHESIANHEI 1:6

Pathen in kalûra amarit me jâra Asapa marittak a inphut kutchoi apek jo me jâra Pathen kha manpâk rih!

TIMOTHY INKHATNA 5:4

Tâk-kha tu leh sa kanei renghmeinu khachu, atu asahei khan hma inkeia an-innshunga bekṭong dân tlosōt theina sik a’nchû hei sik kae, khang’khan annu anpa, anpi anpuhei leitlo pekna hei kha antamale sik hei kae, ajârchu khavakha Pathen malung tlaina kae.

HEBREWHEI 11:4

Taksen jâra Abel in Cain kanek a akaṭhachet inthoina Pathen hneng atōk a kae. Mikadik a inteina sik Pathen manṭhatna achen kha ataksen jâra kae, ajârchu Pathen khet in akutchoi kha ahnōm pek a kae. Abel athi jo’num, tûn katlung ṭong alahri hi ataksenna vânga kae.

JAMES 1:15

Khana anmani ṭhatmak madu rangeina kha hong injōra setna amatet, khana setna khan pui ahongtluk pha, thina amatet a kae.

PETER INKHATNA 2:5

Hlung kahringhei kapōa hong ruh, rathla bek-inn insakna khan inhmang ruh, khana khan thempu intheng kapōa Jesu Christa jâra Pathen hneng rathla a leh hnōmpek thei inthoina ṭōn razenna kha nantlo sik.