A’NPHUTNA 20:7 - LEKHARABU INTHENG (BSI)

⁷ Tâk-kha tûnchu nuhmeinu kha apuise hneng pek male nôk jo roh. Ama kha sânkathem kae. Nathi makna sik a ama’n Pathen hneng aderpek sik che. Nang in napek male mak inchu, nang akathi sik che kae, nang leh namihei nankhenga.”

A’NPHUTNA 20:7 ပူးပေါင်းရင်းမြစ်များ

JOB LEKHARABU 42:8

Tûn nangni’n sehratche 7 leh kemōngche 7 Job hneng heikei ruh, nanbing sik a inthoina vatōk ruh. Job in nangni sik a aderpek sik chei, ke’n ama derna kha kamasôn sik, khana nanrahōi kasōk inzakna kha pek mak chei ning. Kei chungchânga ama’n ṭongdik ahri kapōa, nangni hrimak cheia kae.”

SAMUEL INKHATNA 7:5

Khava sōa Samuel in Israel rakip Mizpah a intûpna sik a aleibek hei, hinga ati, “Khana khan ke’n nangni sik a Rōngpu hneng kader sik.

HEBREWHEI 13:4

Luhông hi mi rakip in kaja hei rasoh, khana apuise leh anuhmei kha khat leh khat taksenthei chang hei rasoh. Mikajông leh omchen kadikmak khachu Pathen in anṭong atan sik kae.

SAMUEL INHNINA 24:17

David in mikathat ngeva kha ahmu, khana Rōngpu hneng ati, “Kei akaṭhe eng kha kae. Akadik mak katlo kha kei eng kae. Hiva misarahei hin heimo antatloa? Kei leh ka-innshung jôk nakarâk sik ung kae.”

THUHMINGHEI INKHATNA 16:22

“Ke’n kakadeisōt sōk-hei kha sukset mak hei ruh; kasân kathemhei kha tônmak hei ruh,” ati.

RENGHEI INHNINA 5:11

Tâk-kha Naaman in ahnuk anat rei jâra hinga ahri, “Ke’nchu ama kha heikasōk sik a kha apathen Rōngpu hneng aderpek sik eng, kanatna bihei hi akut a anikachi pek sik eng khana amandam pek sik eng tia kaleimandon kae!

JOHN INKHATNA 5:16

Nang in nasōpui inkhat set-tlo nahmua, aset tlo kha thinathei katluk achangmak inchu, hringna kapek sik Pathen hneng naderpek sik kae. Hivahi thina setna akatlomak hei sik a kae. Tâk-kha thina katluk setna ka-om, khava sik a derpek ruh kati chei changmak.

HEBREWHEI 1:1

Pathen in hmalai nipusōnhei kha hmun katamtak a leh ahlam katamtak a sânkathem ahmang heia ale’nbekpui hei,

CORINTHIANHEI INKHATNA 14:4

Ṭonghlop a kaṭonghei khachu anbing rōk a sik akahnem kae; tâk Pathen ṭong kahrihei khan chu bekrup pumpui an-inthō puia kae.

EZEKIEL 33:8

Ke’n setkarôn inkhat kathi sik jo tia gîkna kapek pha, ama hringkhō hukna sik a, amalung athlengna sik a, gîkna kha napek mak inchu, aset pum a kathi sik jo, kha achang inchu ama thina kha nang ṭhena kamanchang sik.

EZEKIEL 3:18

Ke’n mikaṭhamak inkhat akathi sik a kaphôngsōt pha, ama kha ahringkhō hukna sik a ahlam hro thlengtheina sik a gîkna kha napek mak inchu, aset pum a ama kha kathi sik jo, khan chu ama thina jâra nang themmô kamanchen sik che.

JEREMIAH 27:18

Anmani kha akadiktak sânkathem anchang inchu khana kaṭong kha anhnenga a-om inchu, Bek-inna leh rengpa innpuia ka-om sêr leh sum kha Babylona anchoi makna sik a Rōngpu Akahratpen kei hneng ader hei rasoh.”

JEREMIAH 15:1

Khana Rōngpu’n kahnenga ahri, “Moses leh Samuel hei kapha’num hin anngira kahnenga anmani sik anngek inum, ke’n hiva mihei chunga lungsetna inkhatbek manhmu mak jo hei ning. Manse jo hei roh, kahmit hmua inphut mansesōt jo hei roh.

JEREMIAH 14:11

Rōngpu’n kahnenga ahri, “Hiva mihei inthōpuina sik kahnenga adermak roh.

HLAHEI 25:14

Rōngpu kha aṭong kajuihei sik a anṭhōn kae, khana anmani leh an-intepna kha amanhnet.

JOB LEKHARABU 34:19

Ama’n vaikarônhei chunga, khana sarahei dōina sik mikahaohei chunga ôtum heite neimak, ajârchu ama’n mi rakip asyem hei kae.

RENGHEI INKHATNA 13:6

Reng Jeroboam in sânkathem hneng ati, “Kakut hi adam nôkna sik Rōngpu na-Pathen hnenga aderpek roh!” Sânkathem khan Rōngpu hneng ader a, rengpa kut kha kadam jo.

SAMUEL INKHATNA 12:23

Kei sik a chu, nangni sik derna neiloa oma, ama dōina setna tlo sik hi Rōngpu’n ahnōm pek mak a kae. Khava kanek a, akaṭha leh akadik nantatlo sik kha kamanthei sik chei.

SAMUEL INKHATNA 12:19

khana Samuel hneng anti, “Apu, lungsettak a keini kanthimakna sik a Rōngpu na-Pathen hnenga aderpek roh. Tûnchu kanmanhret jo, kansetna alak-hei chunga reng inkhat kandera setna kantlo jo.”

SAMUEL INKHATNA 7:8

khana Samuel hneng anti, “Rōngpu ni-Pathen hnenga derṭhak inna om roh, Philisti heia inphut anihûkna sik me.”

LEVI-DÂN 6:7

Thempu khan mipa setna jâra athôi sik khana ama rangei mandam kachang sik.

LEVI-DÂN 6:4

Mi inkhat in hinga aṭhe pha, malung intheng loa achen neinâk kha apek male sik kae. Aṭhe jo tia ansur ning khan, akapu kha katluk a apek male sik kae, akakhea sem 100 a sem 20 ahapsa sik kae.

SŌKSŌT 18:17

Khava sōa Jethro’n, “Khavakha akadik hlam a tlomak che.

SŌKSŌT 7:1

Rōngpu’n, “Ke’n nang rengpa hmaikunga Pathen kapō kamanchang sik che, khana nasōpui Aaron hin nang sânkathem inkhat a ahnenga ṭong ahri sik kae.

SŌKSŌT 4:16

Ama kha naṭong kahri mi kachang sik khana mipuihei hneng nang sik a ṭong ahri sik. Khava sōa, heimo hri sik kha nang in ama nahong manthei sik a kha nang in Pathen nahongpō sik.

A’NPHUTNA 12:17

Tâk-kha Rengpa’n Sarai kha ale’nṭhōi jâra khan Rōngpu’n achunga, reng-innpui shunga mihei chunga hrise inhnaktak ajōngtir joa kae.

A’NPHUTNA 12:15

Egypt a kalen kahrâng ṭhahrep in amanu kha anhmu jo. Rengpa hneng ahme ṭhat kha anvahri jo; khava jâra amanu kha reng-innpuia anṭhōi jo.

A’NPHUTNA 2:17

sova akase leh akaṭha manhretna kapekthei tei loa. So chu nasâk hêrmak sik kae; nang in nasâk ning akathi sik che kae,” atipek.

ṬŌNTLOHEI 8:24

Simon in Peter leh John hneng, “Hiva nanta hri rakip hei hi kachunga inkhatbek atlung makna sik, lungsettak a Rōngpu hneng aderpek ruh,” aleiti.

A’NPHUTNA 20:3

Ni khat jân a arahmanga Pathen le’nlâra hing’hin aleihri, “Enroh, hiva nuhmei hi nahong ṭhōi jâra nang akathi sik jo che kae, ajârchu ama chu inn aneisa jo kae.”

A’NPHUTNA 20:8

Abâna jîngkâr hmatak a Abi-melech in aṭōnpui karônhei kha abek heia aleikasōk omchen kha ahri pek jo hei, anmani kaṭihêr jo hei.

A’NPHUTNA 23:6

Thlân kaṭhapen kantanei inkhat a nanuhmei kha hre roh. Amanu hrena sik thlân kanpek hnōm et sik che.”

THUHMINGHEI INHNINA 30:18

Hiva chunga, mi katamtak Ephraim, Manasseh, Issachar khana Zebulun phunga inphut he’nchu beklanga intheng sōtna kha leitlo mak hei, khava jâra Rakan Kût kha angaitak a leinit mak hei. Anmani sik a hiva derna hi Reng Hezekiah khan atōkpek hei: