A’NPHUTNA 2:8 - LEKHARABU INTHENG (BSI)

⁸ Khava pha Rōngpu Pathen in nisō intongting Eden rahōn inkhat asyem; asyem mipa kha khana khan aleida.

A’NPHUTNA 2:8 ပူးပေါင်းရင်းမြစ်များ

A’NPHUTNA 13:10

Lot in a-en manve bit a Jordan phai, Zoar hlam jōnna rakip khō athlira ram kha tui tamna, Rōngpu rahōn kapō, a-emak leh Egypt ram kapō kha aleihmu jo. (Hivahi Sodom leh Gomorrah khōpuihei asuk manhmang mak hma kae).

A’NPHUTNA 3:23

Khava jâra Rōngpu Pathen in anmani kha Eden rahōna inphut ahnong sōt jo hei. Khana anmani insyemsōtna raleia khan hlei amanthlō jo hei.

A’NPHUTNA 3:24

Khava sōa Eden rahōn nisō intongting ama’n ranhringhei leh akimvea a’nlek lele hmeimale Chemjâm inkhat ada jo. Hivahi hringna thingkung kha mihe’n anhei hnaithei makna sik a kae.

A’NPHUTNA 4:16

Hivasōa Rōngpu hmaikunga inphut Cain kha ram kahlatak a kasesōt jo. Ama’n Eden nisō intongting “Lôn lelena” inti ram a khō avasât jo.

RENGHEI INHNINA 19:12

Kapa-kapu he’n, Gozan, Haran, khana Rezeph khōpui anleisukset, Telassar a ka-om Betheden mi anleithat hei, an-pathen inkhatbek inum huk tor mak hei.

ISAIAH 51:3

“Ke’n Jerusalem hneng, khava inhmangna shunga aka-om hei seng hneng lungsetna kamanhmu sik hei. Aram kha nêrdiram aleichang jo’num, rahōn inkhat a kasyem sik, Eden rahōn kaleisyem kapōa. Inpâkna leh ningṭhatna, khana khan ka-om sik khana kei choi ka-ânna leh manpâkna hla ansak sik.

EZEKIEL 27:23

Haran, Canneh, Eden, Sheba, Asshur, leh Chilmad khōpuia revei katlo he’n nang leh inveina antlo et.

EZEKIEL 28:13

Pathen rahōn Eden a ka-om che, hlung mankatam hei seng vânga invon che: rubi, mukta, topaz, beryl, carnelian leh jasper hlunghei; sapphir, emerald, garnet hlunghei. Sanaret hei naneihei. Nang na-insyem ning khan nang sik a hihei hi ansyempek jo che.

EZEKIEL 31:16

Khavakha kathirama katir pha, ama thōi tlâkna rasa khan jât-hei amannok sik hei. Eden a thingkunghei, Lebanona tui chap thingkung akaṭhapen loihei, ralei thōia akahlut jo hei kha’n ama tlâksukna chunga inpâk sik jo hei.

EZEKIEL 31:18

“Thingkung kha Egypt hei rengpa leh amihei seng kae. Eden a thingkunghei kapha khanga enhnōm ka-om leh a’nshâng om mak hei. Tâk-kha tûnchu, Eden thingkung kapōa, kathirama akase sik jo kae, khana khōvelhei leh re shunga akathihei ka-ompui sap sik a ama kha’m kase sik jo. Ke’n kahrisōt jo kae,” tia Chunghnung Rōngpu’n ati jo.

JOEL 2:3

Hmei kakâng kapōa phi ansâksō hei. Anhmatinga ram kha Eden rahōn ka-ang, tâk-kha ankahnung tinga ram kha nêrdiramhâng ka-ang. Anmania inphut heite inphesōt tor mak.