A’NPHUTNA 17:7 - LEKHARABU INTHENG (BSI)

⁷ “Ke’n nahnenga ka’ntepna hi nang leh natu-nasahei hnunga khang katlunga ahei tik chen a intepna inkhat a kajui sik. Kei hi nang leh natu-nasahei Pathen kachang sik eng.

A’NPHUTNA 17:7 ပူးပေါင်းရင်းမြစ်များ

A’NPHUTNA 15:18

Khava sōa khava hmun a khan Rōngpu’n, Abram leh intepna inkhat asyema, “Ke’n hiva ram Egypt a inphut Euphrates ramri katlung ram rakip hi nasōn-napâr hei hneng pek sik a intep eng;

A’NPHUTNA 17:13

Mi rakip vuntan et sik, khana hivahin kei leh nang intepna ahei tik a ka-om ti malârna sik a taksa mêrchîkna inkhat sik kha kae.

A’NPHUTNA 17:19

Tâk-kha Pathen in, “Changmak ning, nanuhmei Sarah in sapase inkhat alaneipek sik che, arahming Isaac nati sik kae. Ama leh atu asahei chunga ke’n kaṭong tepna kamathlung sik. Khavakha are-rea intepna inkhat kha kae.

A’NPHUTNA 26:24

Khava jân a Rōngpu’n Isaac hneng inlâra, “Kei napa Abraham Pathen eng kae. Ṭimak roh; ke’n ka’nṭhōipui che. Ke’n nang vâng kapek sik che. Kasōk Abraham hnenga kaṭong leitep jâra nang sōn leh pâr katamtak kapek sik che,” ati.

A’NPHUTNA 28:13

Khana khan Rōngpu’n ahnenga leikangira kae. Ama’n, “Kei Abraham leh Isaac Pathen Rōngpu eng kha kae. Nang in najena ram hi nang leh nasōn-napâr hei kapek sik chei kae.

A’NPHUTNA 6:18

tâk nang chu ṭong intepna inkhat kaneipui sik che. Nang in nasahei, annuhmeihei, nanuhmei leh inṭhōia rakōng shunga khan om ruh.

A’NPHUTNA 9:16

Sumtuk kâra saisûm kha ahong inlâr pha, ke’n khavakha ka-en sik, khana kumsôt sik a raleichunga kei leh akahring hei kâra ṭongtepna kha kamandonsōt sik.

SAMUEL INHNINA 7:24

Israelhei kha ahei tik chenna namia nasyem jo hei, khana Rōngpu nang an-Pathen hongkachang che.

THUHMINGHEI INKHATNA 16:14

Rōngpu hi ni-Pathen kae; ama ṭongpek kha vânhnōi pumpui sik a kae.

HLAHEI 81:10

Egypt ram a inphut nanhei kaṭhōisōt Rōngpu, nan-Pathen eng kae. Nanbei man-âng ruh ke’n kavei sik chei.

SŌKSŌT 3:15

Anpu sōnhei Pathen, Abraham, Isaac leh Jacob Pathen Rōngpu Ke’n nang hi anhnenga katir che kae ti hi Israelhei kha hripek heiroh. Hivahi ahei tik a karahming kha kae; hivahi hnunga khang rakip in antabekna sik eng kha kae.

SŌKSŌT 3:6

Kei napa-napu Abraham, Isaac leh Jacob hei Pathen eng kae,” ati. Khava jâra Moses kha ahmai amakhu jo, ajârchu Pathen ka-en sik kha aleiṭit a kae.

SŌKSŌT 6:4

Khōhme kapōa anleiomna Canaan ram kha kapek sik hei tia ke’n anmani leh intepna kha’m kaleinei jo.

SŌKSŌT 6:7

Ke’n nangni hi kei khet mi sik a kasyem sik chei, khana kei nan-Pathen kachang sik eng. Nangni Egypt a nansōk changna inphut kamasōsōt chei pha kei hi Rōngpu nan-Pathen kachangna nanmanhret sik eng.

ISAIAH 61:8

Rōngpu’n ahri, “Ke’n ṭongdik kamadu khana mi suk manrimna leh dân kaler kamater. Ke’n kamihei kha taksentak a inpâkman kapek sik hei. Khana ahei tik a sik anmani leh ṭong intepna inkhat kasyem sik.

JEREMIAH 31:1

Rōngpu’n ahri, “Israel phung rakip hei Pathen kha kachangna sik, khana anmani kami anchangna sik pha kha hong katlung jo.

EZEKIEL 28:26

Anmani khana khan inhuksōt a ka-om sik hei. Inn ansak sik khana vomhrui rahōn ansyem sik jo. Anmani hnenga êng kasetak a aleikatlo insak inthlâng hei kha karâkna kapek sik hei, khana Israel kha inhukna achen sik. Khava sōa kei hi Rōngpu eng kae tia anmanhret sik jo eng.”

LEVI-DÂN 11:45

Kei nangni Pathen changtheina sik a Egypt a inphut nanhei kaṭhōisōt Rōngpu eng kha kae. Nangni a’ntheng nger sik chei kae, ajârchu kei a’ntheng eng kae.

LEVI-DÂN 25:38

Hivahi nan-Pathen Rōngpu ṭongpek kae, Canaan ram pekna sik a leh nan-Pathen changna sik a Egypt a inphut nanhei kaṭhōisōt kha kae.

LEVI-DÂN 26:12

Ke’n nangni ka-ompui sik chei; nan-Pathen kachang sik eng, nangni kei mi kachang sik chei.

LEVI-DÂN 26:44

Kha’num, ankadōihei ram a an-omlai khan pui katluk a dahlonna leh suk manhmangna chu tlomak ning. Khanga enchu anmani leh kalei intepna khana kei anmani Pathen Rōngpu ka-ena kha amanbâng sik joa kae.

LEVI-DÂN 26:45

Rōngpu kei hi anmani Pathen changna sik a Egypt a inphut kamihei kaheiṭhōisōt lai, jât rakip hneng karatha neina kalei malârsōt laia, anpu sōnhei leh kalei intepna kha kamanther nôk sik kae.”

LEVI-DÂN 26:9

Vâng kapek sik chei, sa leh nai katamtak kapek sik chei; ke’n nanhnenga kaṭong leitepna kha kanit sik.

MICAH 7:20

Tenlaia kanpu kanpahei hneng naṭong leitepna kapōa, Abraham leh Jacob sōn leh pârhei, namihei hneng nalungsetna injônjet leh taksenthei nachangna kha namalârpek sik jo hei.

MATTHEW 22:32

‘Kei Abraham Pathen, Isaac Pathen, khana Jacob Pathen eng kae,’ ati. Ama chu akathihei Pathen kha changmak, akahring hei Pathen kae.”

MARK 10:14

Jesu’n kha amanhret pha, ahnuk kana a, asonlehei hneng ati, “Naipanghei kha kahnenga heimanhong hei ruh, khâm mak hei ruh, ajârchu Pathen Rengram kha anmani kapō hei ta kae.

ṬŌNTLOHEI 2:39

Ajârchu hivahi Rōngpu ni-Pathen in ama sik a abeksōt nangni leh nansahei khana hmun kahlatak a alaka-om hei hnenga Pathen ṭong intepna kha kae.”

ROMANHEI 9:4

Anmani Pathen mihei kae; asa amanchang jo hei khana alûrna anhnenga amalârpek jo hei; ṭong a’nteppui heia Dân kha apek hei; anmani’n akadik kamukna kha annei jo; Pathen ṭongtepna kha anchen jo;

EPHESIANHEI 2:2

Vânhnōi ṭhatmakna hlam kha nanleijui; nangni’n khava lai khan tuna Pathen ṭong kajuimak mihei kathlimpa, bōirōk a ratha kanei, rathla vaikarônpa nanleijuia kae.

DÂNRABU INHNINA 29:13

nangni leh nanpu nanpa Abraham, Isaac khana Jacob hneng ṭong aleitep kapōa nangni ama mi nanchangna leh ama nan-Pathen achangna kha Rōngpu’n amanchênna sik a kae.

HEBREWHEI 11:16

Khava kanek a akaṭhachet ram, marvântinga ram kha antarangei jôk kae. Khava jâra Pathen in anmani Pathen a’nti sik kha inzak mak, ajârchu ama’n khōpui inkhat anmani sik amantluk pek jo hei.

HEBREWHEI 8:10

Tûnchu, akahong sik pha Israel mihei ka’nteppui sik hei kha hi kae, Rōngpu’n ati: Ke’n anmalunga kadânhei kha kadapek sik hei, khana anmalung shunga kamazet pek sik hei. Kei an-Pathen kachang sik eng, khana anmani kami kachang sik hei.

ṬONGKATANHEI 2:1

Rōngpu ngeva Gilgal a inphut Bokhima kasea Israelhei hneng ahri, “Ke’n nangni Egypt a inphut kaheiṭhōisōt chei khana nanpu sōnhei hneng kale’ntepna ram a kaheiṭhōi chei. Ke’n nangni hneng kaleihri, ‘Ke’n nanhnenga kale’ntepna ahei tik a’m makhōimak ning.