A’NPHUTNA 17:16 - LEKHARABU INTHENG (BSI)

¹⁶ Ke’n amanu vâng kapek sik khana ke’n ama a sapase inkhat kapek sik che. Ke’n ama vâng kapek sik a kha jât-hei nu kamanchang sik khana ama sōn leh pâr heia inphut reng hongkachang sik hei,” ati.

A’NPHUTNA 17:16 ပူးပေါင်းရင်းမြစ်များ

A’NPHUTNA 1:28

khana ama’n vâng apek hei, “Sa katamtak nei-una, nansōn nanpâr he’n raleichung rakip hlōsō hei sona, anvai rônna thōia da hei rasoh. Ke’n, nangni nga leh va, ramsha, ranhring rakip hei chunga ratha kanei sik a kanganse jo chei kae.

A’NPHUTNA 12:2

Ke’n nasōn-napâr katamtak kapek sik che, khana anmani jât kalentak hongkachang sik hei. Nang vâng kaṭha inkhat nachenna sik ke’n nang vâng kapek sik che, narahming kaman thang sik.

A’NPHUTNA 15:4

Khava pha Rōngpu’n ahnenga ave nôk a ahri kha athei, “Hiva sōk Eliezer hin nakarōi hlōmak ning; nang sapa khet in nakarōi ahlō sik kae.”

A’NPHUTNA 17:15

Pathen in Abraham hneng, “Nanuhmei hi Sarai tia bekmak jo roh; tuna inphut arahming hi “Sarah” jo kae.

A’NPHUTNA 17:19

Tâk-kha Pathen in, “Changmak ning, nanuhmei Sarah in sapase inkhat alaneipek sik che, arahming Isaac nati sik kae. Ama leh atu asahei chunga ke’n kaṭong tepna kamathlung sik. Khavakha are-rea intepna inkhat kha kae.

A’NPHUTNA 17:6

Ke’n nang sōn leh pâr katamtak kapek sik che, ṭhahrep reng hongkachang sik hei. Tu leh sa katamtak nahong nei sik khana anmani jât katamtak hongkachang sik hei.

A’NPHUTNA 21:1

Rōngpu’n aṭong leitep dungjuia Sarah vâng aleipek jo,

A’NPHUTNA 24:60

Khana anmani’n Rebecca kha hinga mahâmṭhat anlei-pek: “Sernu, nang hi mi lishing hei nu hongchang roh! Nasōn-napâr he’n, an-inrepuihei khōpuihei tor hei rasoh.”

A’NPHUTNA 25:23

Rōngpu’n amanu hneng ahri pek, “Navon shunga jât 2 ka-om hei; Nang in inre-indōia ka-om jât 2 namatet sik hei. Inkhat in inkhat kanek a kahrat chet sik. Upa khan anaipa arazen sik kae.”

A’NPHUTNA 35:11

Khana Pathen in ahnenga, “Kei Akahratpen Pathen eng kae. Sa leh nai katamtak nei roh. Jât katamtak nanga inphut hong inthok sik hei khana nang hi renghei pusōn akachang sik che kae.

A’NPHUTNA 36:31

Israel reng tûte inkhatbek anleiom mak hma Edom ram kha hiva renghei hin abân bâna vai anleirôn: Dinhabath khōa Beor sapa Bela Bozrah khōa Zerah sapa Jobab Teman ram rajeia Husham Avith khōa Bedad sapa Hadad (Moab ram a rehmun a Midianhei re aleitor hei) Masrekah khōa Samlah tuidung panga Rehoboth khōa Shaul Achbor sapa Baal Hanan Pau khōa Hadad (anuhmei Mezahab tunu, Matred sanu Mehetabel kae)

ISAIAH 49:23

Renghei kha nang sik a pa kapō kachang sik hei; reng nuhmeihei kha nu kapō kachang sik hei, Anmani nahmai kunga inkun sik hei khana kajana anpek sik che; anmani’n insinsaktak a nang kajana anmalâr sik. Khava pha, nang in kei hi Rōngpu eng kae tia nahong manhret sik eng, kei inthōpui sik akahngâk tûte inkhat in malung tlailoa om mak hei ning.”

ROMANHEI 9:9

Ajârchu Pathen ṭongtep kha hiva ṭong hi kae, “Kei aphatak a he’nle sik eng khana Sarah in sapa inkhat anei sik.”

GALATIANHEI 4:23

Asōknua inphut anei sapa khachu chônngaia le’nte, tâk masōa aka-om anuhmei tamatet asapa khachu Pathen intepna dungjuia a’nte kae.

PETER INKHATNA 3:6

Sarah kha khava kapō kae; Abraham ṭong ajuia, ka-rōngpu aleitia kae. Tûnhin nangni’n heite ṭit lo jen a akaṭha kha nantloa achang inchu, ama sanu jo chei kae.