A’NPHUTNA 12:2 - LEKHARABU INTHENG (BSI)

² Ke’n nasōn-napâr katamtak kapek sik che, khana anmani jât kalentak hongkachang sik hei. Nang vâng kaṭha inkhat nachenna sik ke’n nang vâng kapek sik che, narahming kaman thang sik.

A’NPHUTNA 12:2 ပူးပေါင်းရင်းမြစ်များ

A’NPHUTNA 13:16

Ke’n nang sōn leh pâr katamtak tei torlo hingja kapek sik che. Anmani tei sik kanek a nêrdi ja tei akabei jôk sik kae!

A’NPHUTNA 15:5

Rōngpu’n vânga ama aṭhōisōt a, “Chungvân so enroh; ârsi heiso tei hei roh; sova jahrep sōn leh pâr nanei sik kae,” atipek.

A’NPHUTNA 17:20

Nang in Ishmael sik naderpek kha kathei jo, khava jâra ama’n sa katamtak leh sōn leh pâr katamtak aneina sik vâng kapek sik jo. Ama reng 12 hei pa kachang sik, khana asōn apârhei jât kalentak a kasyem sik hei.

A’NPHUTNA 18:18

Ama sōn leh pârhei kha akalen leh akahrat jât hongkachang sik hei, khana ama inphut ke’n jât rakip vâng kapek sik hei kae.

A’NPHUTNA 18:19

Asahei leh asōn apâr he’n kaṭong anjuina sik, akadik leh akaṭha antlona sik, amansena sik hei tia ama hi kakadeisōt jo kae. Anmani’n khanga antlo’nchu ke’n ahnenga kalei intepna hei seng kha ama sik a katlo pek sik.”

A’NPHUTNA 19:29

Tâk-kha Pathen in Lot omna phaichama khōpuihei kha aleisuk manhmang pha Abraham kha amalunga aleimandon khana Lot kha insukset makna hmun a aleimansesōt a kae.

A’NPHUTNA 24:1

Abraham tûnchu kater hêr jo khana atlona rakip chunga Rōngpu’n mahâmṭhat aleipek.

A’NPHUTNA 24:35

Rōngpu’n kakapu kha kalentak a mahâmṭhat apek a mikahaotak inkhat a asyem. Ama’n, kemōng, ketak, sehrat, selôi, sana dangka, sōknu leh sōkpa, sharîngsei, shakōrtung arup-rup ka-tamtak aleipek.

A’NPHUTNA 25:11

“Kei Ani kahmu Akahring Inkhat Tuikhur” inti hnenga aleika-om Isaac kha Abraham thisōa Pathen in mahâmṭhat aleipek.

A’NPHUTNA 26:3

Nang hinahin om roh, ke’n ka’nṭhōipui sik che, mahâmṭhat kapek sik che. Ke’n hiva ramkei seng hi nang leh natu-nasahei kapek sik chei. Ke’n napa Abraham hnenga kaṭong leitep kha kamathlung sik kae.

A’NPHUTNA 26:4

Ke’n marvâna ârsi ja, tu leh sa katamtak kapek sik che, khana anmani hiva ramṭhen tahōm seng hi kapek sik hei. Nang sōn leh pârhei mahâmṭhat kapek hei kapōa mahâmṭhat pekna sik a jât rakip inum anta hongder sik eng kae.

A’NPHUTNA 27:29

Jât-hlop he’n nasōk chang hei rasoh khana mihlop he’n nahmai kunga inkun hei rasoh. Nang pare-patung hei kâra nang in vai rôn roh, nanu sōn leh pâr he’n nang kamuk hei che rasoh. Nakahâksêr hei kha hâksêr chen hei rasoh, khana vâng nakapek hei kha vâng chen hei rasoh,” ati.

A’NPHUTNA 28:14

Nasōn-napâr hei kha raleichunga vaiphin kapōhrep a anja katam sik hei. Anmani’n ramkei rakip a anramri anmanlensa sik, khana nang leh nasōnheia inphut jât rakip vâng kapek sik hei.

A’NPHUTNA 35:11

Khana Pathen in ahnenga, “Kei Akahratpen Pathen eng kae. Sa leh nai katamtak nei roh. Jât katamtak nanga inphut hong inthok sik hei khana nang hi renghei pusōn akachang sik che kae.

A’NPHUTNA 46:3

“Kei napa-Pathen, Pathen eng kha kae,” ati. “Egypt a nase sik kha ṭimak roh; khana khan ke’n nang sōn leh pârhei kha jât kalentak a kasyem sik hei.

SAMUEL INHNINA 7:9

Nasena hmun rakip a ka’nṭhōipui che, nasesōt pha na’nrepui rakip kator pek hei che. Ke’n vânhnōi raleia hlamkakei kalenpen hei kapōa kasyem sik che.

RENGHEI INKHATNA 1:47

Hiva chung nôk a, reng-innpuia ṭōnkarôn he’n ankajana malârna Reng Kalûr David hnenga kahlut heia anti, ‘Na-Pathen in Solomon kha nang kanek a arahming manthang rasoh khana Solomon vairôn kha nang kanek a mankhang chet rasoh.’ Khava pha, Reng David in arakhum chunga inkuna kamukna aneia

JOB LEKHARABU 35:8

Nasetna inphut mi ralak-hei kha inrengna anchen khana akaṭha natlona khan a’nthōpui heia kae.

HLAHEI 107:38

Ama’n amihei kha vâng apek hei, khana anmani’n sa leh nai hingja anleinei; khana anserup hei kha anpungna sik adapek hei.

SŌKSŌT 1:7

tâk ansōn leh anpâr Israelhei khachu hong kapung hranghra heia hong kahrat jo hei, ansahei kha Egypt ram a leikasip jo hei.

SŌKSŌT 32:10

Tûnchu, akhâm mak jo roh. Anchunga kahnuk kana jo, kasuk manhmang sik jo hei kae. Khava sōa nang leh nasōnhei kha jât kalena kasyem sik jo chei.”

ISAIAH 51:2

Nanpusōn, Abraham, leh Sarah nanhong kōnna hei kha mandon ruh. Ke’n Abraham kabeksōt lai, ama sa leinei mak a kae, tâk-kha ke’n mahâmṭhat kapek a sa leh nai kaleipek; atu asa anja kamantam pek hei.

EZEKIEL 34:26

“Ke’n vâng kapek sik hei khana kei tlâng intheng kimvea kaman om sik hei. Khana khan tui anrangei pha khō kamansûr sik.

MICAH 7:20

Tenlaia kanpu kanpahei hneng naṭong leitepna kapōa, Abraham leh Jacob sōn leh pârhei, namihei hneng nalungsetna injônjet leh taksenthei nachangna kha namalârpek sik jo hei.

ZECHARIAH 8:13

Eh Judah leh Israel mihei! Akathlengsa pha khan ramlak mihe’n inkhat leh inkhat khōmâk insântō heia, ‘Judah leh Israelhei chunga inhmangna akatla kapōa nangni chunga tlung rasoh!’ inti hei. Tâk-kha ke’n kahuk sik jo chei, khana jât-hlop hei khan khat leh khat, ‘Judah leh Israel he’n mahâmṭhat antachen kapōa nantachen chang rasoh!’ inti sik jo hei. Khava jâra inngamna nei ruh khana ṭitna neimak ruh.”

MIJAHEI 14:12

Hrise kajōngtir sik kamanram sik hei, tâk nang chu anmani kanek a akatamdet leh ratha kaneidet jât inkhatpa a kasyem sik che!”

MIJAHEI 22:12

Pathen in Balaam hneng ati, “Hiva mihei hi juimak hei roh, khana Israelhei chunga hâksêr mak hei roh, ajârchu anmani kei vângpekna antachen kae.”

MIJAHEI 23:20

Ṭhatthei bukna sik a ṭong apek jo eng, Khana Pathen in ṭhatthei abōk kha, ke’n bekmale theimak eng.

ROMANHEI 4:11

Ama kha hnungtōa avun atan kae, khana avun tan hi taksenna anei jâra Pathen in avun tan mak hma mikadik inkhat a arahlâng jo ti mêrchîkna kha kae. Khava jâra vun a’ntanmak inum Pathen kataksen mi rakip leh mikadik inkhat a arahlâng jo hei sik a Abraham kha rathla langa anpa kachang jo.

GALATIANHEI 3:14

Pathen in Abraham hneng aleitep mahâmṭhatna kha Christa Jesu jâra Jât-hlop he’num anchenna sik, khan chu taksen jâra Pathen Rathla kha nichenna sik Christa khan khava ṭōn kha atlo jo kae.

GALATIANHEI 3:7

Khan chu taksenna kanei mihei kha, Abraham sōn kadiktak hei kae ti hi nangni’n manhret ruh.

DÂNRABU INHNINA 26:5

Khan chu, Rōngpu hmaikunga hiva ṭonghei hi nanhri sōt sik: ‘Kanpu kha Egypt a omna sik a a-innshung aleikaṭhōisōt, Aram a mi khōhmea aleikalôn inkhat kae; sona anleise lai amihei mija katlômtek hei, tâk anmani hong katam heia ratha kaneitak jât hongkachang hei.