Rōngpu hneng hlather inkhat sak ruh; ama manpâkna hla raleichung rakip in sak ruh! Tuipuia rakōng katôrhei ama kha manpâk ruh! Tuipui chunga ranhring rakip in ama manpâk ruh! Ram kahla hei leh ashunga ka-om seng in hla sak ruh!
Kei inranga kajōng sik eng khana kahuk sik hei; kei retorna sik pha kahnai jo. Kei khet in jât-hei chunga vai karôn sik. Ram kahla mihe’n kei jōng sik kha anhngâk eng; anmani’n ankahuksōt sik a inhōrtak a anhngâk eng.
Sohei so ram kahlatak a inphut akahong rakōnghei kae, Pathen mihei innlangting anta heiṭhōi hei kae. Anmani’n Israel Pathen intheng, Amihei kha jât rakip takaja sik a ankasyempa Rōngpu rahming kha kajana sik a, Anmani’n sana, dangka anhei rônsa a kae.
Chunghnung Rōngpu’n Tyre khōpui hnenga hri sik a hivahi anei: “Nami he’n antor che pha nami kathihei ông rasa kha tuipui panga ka-om he’n antheia ṭit-inpirna annei sik.
Khava kahnunga ama’n tuipui panga ka-om jât-hei chunga re atlo sik, ankâra jât katamtak ator sik hei. Kha’num ram hlop hlamkakei inkhat in ama aheitor sik, a’nlensakna kha amanbâng pek sik jo; kadiktak a Syria rengpa inlensakna kha achung kalena amanlet pek sik.