A’NPHUTNA 1:1 - LEKHARABU INTHENG (BSI)

¹ A’nphutbia Pathen in marvânhei leh ralei asyem pha a khan,

A’NPHUTNA 1:1 ပူးပေါင်းရင်းမြစ်များ

RENGHEI INHNINA 19:15

derna anei, “O Rōngpu, Israelhei Pathen, ranhring mathla kaneihei chunga reng in-ongna kaneipa, nang rōk vânhnōi rengram rakip chunga vaikarôn Pathen che kae. Nang in ralei leh marvân nasyema kae.

THUHMINGHEI INKHATNA 16:26

Jât rakip hei pathenhei kha limsyem rōk hei kae, tâk-kha Rōngpu’n marvân asyem hei.

THUHMINGHEI INHNINA 2:11

Rn Hiram in Solomon hneng masônna chithi ahei manrôn. Hinga amazet, “Rōngpu’n amihei alungset jâra, ama’n nang anreng sik a akadei jo che.

NEHEMIAH 9:6

Khava sōa Israel mipui he’n hiva derna hi anleider: “Rōngpu nang, nang rōk Rōngpu che; marvâna ârsihei leh nang in marvânhei khana bōirōk a ârsihei nasyem hei. Nang in ralei leh tuipui khana ashunga aka-om rakip nasyem hei; nang in ankhenga hringna kha napek hei. Marvân ratha kanei he’n inkun heia nang ankamuk che.

JOB LEKHARABU 26:13

Bōirōk manthengna kanei kha ama kaphuk sân kha kae, akatlânsōt khōhripa kathat kha ama kut kha kae.

JOB LEKHARABU 38:4

Raleichung kasyemlai khan nang aleika-om che mo? Nang in namanhretna katamtak nanei inchu, khava chungchânga ahri pek roh.

JOB LEKHARABU 9:8

Marvân pheng hei mazerna sik a tûte’n Pathen kha inthōpui mak khana tuipui shunga khōhri kha tûte’n akhōn chōn rachi mak.

HLAHEI 102:25

tenlai khan ralei hi naleisyem. khana nakutkhet in marvânhei kha naleisyem hei.

HLAHEI 104:24

Rōngpu, nang in neinâk hingja nasyem hei! Heituk kasing tak a nasyempet hei mo? Ralei hi naranhring in kasip hei.

HLAHEI 104:30

Tâk-kha nang in kaphuk napek hei leh anmani hong insyem hei; nang in raleia hringkhōther napek a kae.

HLAHEI 115:15

Marvân leh ralei kasyem Rōngpu’n, vâng pek chei rasoh.

HLAHEI 121:2

Marvân leh ralei kasyem, Rōngpu a inphut kei inthōpui kajōng sik.

HLAHEI 124:8

Ralei leh marvân kasyempa, Rōngpu a inphut inthōpui kha akajōng kae.

HLAHEI 134:3

Ralei leh marvân kasyem Rōngpu’n, Ziona inphut mahâmṭhatna pek chei rasoh!

HLAHEI 136:5

Asingna vâng khan marvânhei asyem; alungsetna kha kumleikōa kae;

HLAHEI 146:6

marvân, ralei leh tui-ôngpui, khana ashunga ka-om rakip kasyempa hneng, a’nngai hei kha mikahōihei kae. Ama chu aṭongtep kha ajui ṭhak a kae;

HLAHEI 33:6

Rōngpu’n marvânhei hi aṭongpek vâng asyem hei, kani, thla, khana ârsihei hi aṭongpek vâng asyem hei.

HLAHEI 33:9

Ama ahei ṭongsōt pha, vânhnōi hi a’nsyem kae; ama ṭongpek a heirakip ahon’lâr hei kae.

HLAHEI 8:3

Nang in nasyem jo, bōirōk kha ka-en pha, anhmun et a nada hei, thla leh ârsihei kha,

HLAHEI 8:4

mihringhei hi heimo akae hei, hingtuk hrep lum nalo hei; akathithei hrep hei kha nahrung hei?

HLAHEI 90:2

Hmebunghei naleisyem mak hma, vânhnōi ralei aleiom mak hma, nang chu ahei tik a Pathen che kae, khana kumleikōa Pathen kachang ṭhak sik che.

HLAHEI 96:5

Jât rakip hei Pathenhei khachu limsyem rōk hei kae, tâk Rōngpu’n chu marvânhei kha asyem hei.

SŌKSŌT 20:11

Ni 6 shunga Rōngpu Ke’n raleichung, bōirōk, tuipui, khana anshunga ka-om rakip kaleisyem hei, tâk ni 7 ning khan chu châm le’nhngat eng. Khava jâra Rōngpu ke’n Châmhngat kani kha mahâmṭhat kapek khana a’nthenga kasyem jo kae.

SŌKSŌT 31:18

Sinai tlânga Pathen in Moses hnenga aṭong hri achai pha, Pathen khet in hlungpheng inhnia ṭongpek amazet kha apek jo.

ṬONGCHÎK-HEI 16:4

Rōngpu tasyem neinâk rakip a’nchaina ka-om et, khana mikaṭhamak-hei radinna chu insuksetna kha kae.

ṬONGCHÎK-HEI 3:19

Asingna vânga hiva raleichung hi Rōngpu’n aleisyem; amanhretna vânga chungvân hi ahmun a aleida.

MI INTHEIPA 12:1

Khava jâra nangni’n, “Hringkhō hi kahōia hmangmak ung,” nantina sik pha, inrengna kum leh kanihei kha ahong tlung mak hma, nankhangdông changlai hin nan-Pathen kha mandonsōt ruh.

ISAIAH 37:16

“Akahratpen Rōngpu, Israel Pathen, Cherubim hei chunga len in-ongna chunga a’n-ong, raleichunga renghei ram vai rônna chunga vaikarôn Pathen kha nang rōk che kae. Nang in raleichung leh chungvân nasyem kae.

ISAIAH 40:21

Nang in manhret mak che mo? Tenlai khan mi’n amanthei mak hei mo? Raleichung heikhonga a’nphut theiphung mak che mo?

ISAIAH 40:26

Bōirōk chungting khi enroh! Tu’n mo nang in nahmu ârsi heikhi asyem? Remihei kapōa anhlam kaṭhōi inkhat kha kae, anja heija hrep hei mo ti amanhret hei, khana anrahming et a abek hei! Ama ratha kha kahrat hêr– inkhatbek um inhmang hêrmak!

ISAIAH 40:28

Manhret mak che mo? Theiphung mak che mo? Rōngpu kha kumleikōa Pathen kae, ama’n raleichung pumpui hi asyem kae. Ama ahei tik chen a châmmak, aratha tlasam mak. Tûte inkhatbek in amandona manhret mak.

ISAIAH 42:5

Pathen in marvânhei hi asyema amazersōt hei; ama’n ralei leh achunga ka-om seng kha amanret hei; ama’n hringna apek hei khana aka-om rakip hneng kaphuk apek hei. Khana tûnchu Rōngpu Pathen in asōk hnenga ahri,

ISAIAH 44:24

“Kei nankahuk inhring Rōngpu eng kha kae; Nankasyem kha kei eng kae. Heirakip kasyem, Rōngpu eng kha kae. Kei rōk in marvânhei kamazersōt hei kae; Ralei hi kasyemlai tûte’n abômmak hei.

ISAIAH 45:18

Rōngpu’n marvân asyem– ama kha Pathen kha kae! Ama’n ralei hi ahme achâng amantluk a asyemsōt a kae– akasôttak aka-om sik a kahnet a asyema kae. Ama’n akarōk a’nhmang sik inkhat a syem mak, tâk-kha mihei omna sik hmun inkhat a asyem kae. Hinga akahri kha ama kae, “Kei Rōngpu eng kae, khana pathen ralak om mak.

ISAIAH 51:13

Nangni kasyem Rōngpu kha nantamahngi jo mo, marvânhei inzersōtpa kha, khana ralei innhmun kadengpa kha? Nankasuk inrim hei leh nakasukset a a’ntluk ṭhak hei hnuk natna kha ṭit ṭhak pum a heisa mo akahring sik chei? Anhnuk natna khan nangni tôn tor mak jo tin.

ISAIAH 51:16

Ke’n marvânhei kamazer khana ralei innhmun kadeng; Ke’n Jerusalem hneng kahri, ‘Nangni kami chei kae! ke’n kaman theina kha kapek jo chei, khana kakut vâng kahrung cheia kae.’”

ISAIAH 65:17

Rōngpu’n ahri, “Ke’n ralei ther leh marvân ther kasyem. Aleikasōksa omchen marō hei kha mahngisō pet jo kae.

JEREMIAH 10:12

Rōngpu’n aratha neina vânga ralei hi asyem, asingna vânga vânhnōi ralei hi asyem, khana marvânhei azersōt heia kae.

JEREMIAH 32:17

“Chunghnung, Rōngpu, naratha neina leh nahratna vâng ralei leh marvân nasyem hei; nang sik a heite a’ntak om mak.

JEREMIAH 51:15

Pathen in arathahrat vâng ralei hi asyem; ama singna vâng vânhnōi asyem, khana marvân amazer hei.

ZECHARIAH 12:1

Thangvân inlârsōt, ralei kasyem khana mihringhei hringna kape Rōngpu hnenga inphut Israelhei chunga ṭong ajongpek kha hivahi kae. Ama’n ati,

MATTHEW 11:25

Khava pha khan Jesu’n, “Apa, marvân leh ralei Rōngpu, kamanpâk che, ajârchu mikasing leh mikathemhei hneng naleithup kha akathemmak hei hneng namalâr jo.

MARK 13:19

Ajârchu khava kani heia inrimna hei kha, Pathen in vânhnōi asyem manphut bia inphut tûn katlunga mihringhei tamanhret inrimna hei seng kanek a akakhôk chet sik kae.

ṬŌNTLOHEI 14:15

“Heisik a mo hivahi nantatlo? Keini’m nangni kapōa mihring inkhat-hrep ung kae! Keini hi marvân, ralei, tui-ôngpui leh ashunga ka-om rakip kasyempa, akahring ṭhak Pathen sik a, hnemna kase neinâk heia inphut nan-inhesōtna sik a, Ṭong kaṭha kaphôngsōt sik a hiva hmun a akahong ung kae.

ṬŌNTLOHEI 17:24

Vânhnōi leh heirakip kasyem Pathen hi marvân leh ralei Rōngpu kae, khana ama chu mihring kutsyem Bek-inna om mak.

ṬŌNTLOHEI 4:24

Takkasen he’n khavakha anthei pha, ankhenga inkhôm heia Pathen hneng anleider: “Eh marvân ralei leh tui-ôngpui khana ashunga rakip hei Akapu leh Akasyempa!

ROMANHEI 11:36

Ajârchu heirakip ama tasyem kae, khana heirakip ama jâra khana ama sik a aka-om hei kae. Ahei tik a Pathen kha lûrṭhak rasoh! Amen.

CORINTHIANHEI INKHATNA 8:6

eini sik chu heirakip Kasyempa ni-Pa khana ama sik a akahring me Pathen inkhat rōk kha ninei; khana Rōngpu Jesu Christa inkhat rōk kha ninei, ama a inphut heirakip insyem, khana ama jâra eini akahring me kae.

EPHESIANHEI 3:9

khana Pathen ṭōnmantluk in-ip kha heikhong mo ṭōn vânga ahon’rôn sōt sik ti kha mi rakip manhmu theina sik, ṭōn hi Pathen in kei apek jo eng. Heirakip Kasyempa Pathen in, ama ṭōn in-ip hei hi kum kasôttak aleithup heia kae,

HEBREWHEI 1:10

Ama’n hing’hinum ahri: “Rōngpu, nang in a’nphutbia ralei kha nasyem khana nakutkhet vâng marvânhei kha nasyem hei.

HEBREWHEI 1:2

tâk a’nchaina pha hinchu asapa vâng eini a’nbekpui jo me. Pathen in vânhnōi ralei asyem hi ama vânga kae, Pathen in achaina neinâk rakip akapu sik a akadei hi ama hi kae.

HEBREWHEI 11:3

Hmit a hmuthei hi hmuthei loa inphut ansyem achangna sik, vânhnōi hi Pathen ṭong vâng ale’nsyem kae tia nimanhret hi taksen jâra kae.

HEBREWHEI 3:4

Inn rakip hi mi inkhat tasak et kae, khana heirakip kasak khachu Pathen inkhat rōk kha kae.

PETER INHNINA 3:5

Hmalai Pathen ṭongpek a marvân leh ralei insyem hi anmani’n antadon mak mông kae. Ralei hi tuia inphut tui in aleisyem

JOHN INKHATNA 1:1

Vânhnōi inphut bia aleika-omsa, hringna ṭong hi nanhnenga kantahei mazet kae. Keini’n kanthei jo khana kanhmit khet vâng kanhmu jo; kadik, kanhmu jo khana kankut vâng kansit jo.

ṬONGPHÔNG 10:6

marvân leh ralei khan chu tuipui ashunga ka-om rakip kasyem, are-rea akahring ṭhak Pathen rahminga inhâksêra, ngeva khan ati, “Sôtmak jo ning!

ṬONGPHÔNG 14:7

Ama rasa inhnaktak a ka-ônga, “Pathen ṭit ruh, alenna choi manshâng ruh! Ajârchu ama’n mihringhei ṭong atanna sik pha kha kahong jo. Khava jâra marvân, ralei, tuipui leh tuiri kapût kasyempa kamuk ruh!” atia kae.

ṬONGPHÔNG 21:6

Khan chu ama’n ati, “Hi intlo jo! Kei ahma inkei leh ahnung kakhôr, a’nphutna leh a’nchaina eng kae. Tu achang inum tui kahre mi kha ke’n hringna tuiripût a mankasea a-ina sik ratha kapek sik.

ṬONGPHÔNG 22:13

Kei ahma kakei leh hnung kakhôr, aphutna leh achaina eng kha kae.

ṬONGPHÔNG 3:14

“Laodicea bekrup ngeva hneng hi mazet roh: “Hivahi Pathen kutsyem, heirakip kungpui, akadik sâkhi leh taksen ka-om tak Amen a inphut ṭong kha kae.

ṬONGPHÔNG 4:11

“Kan-Rōngpu leh kan-Pathen! Lûrna leh kajana, khana ratha hratna kachen sik a narahōi kae. Ajârchu nang in heirakip nasyem, khana nalungdoa hringna leh hringkhō napek heia kae,” anti.