AMOS 9:9 - LEKHARABU INTHENG (BSI)

⁹ Sasep shunga sâng kapōa Israelhei kha karachi nengna sik ṭong kapek sik. Akahnem mak hei seng hlonsōtna sik jât-hlop hei kâra kakanok sik hei.

AMOS 9:9 ပူးပေါင်းရင်းမြစ်များ

ISAIAH 27:12

Khava kani ning khan, Euphrates tuidunga inphut Egypt ramri katlunga, Rōngpu’n amipuihei, inkha-khat a, sarahmu leh sarasi ṭhen kapōa aṭhen mantûp sik hei.

ISAIAH 28:28

Ama’n Gehu kha avōk ṭhak a suk rabun mak, hmuchi kha suk makhōiloa ama’n gâri kha achunga atôra maṭhi sik kha amanhret a kae.

ISAIAH 30:28

Ama’n thli kha ahmating atira, tuipui kalen in heirakip atlensōt kapōa, atlena kae. Khava khan jât-hei atlen manhmanga anṭōn mantluk kaṭhamak-hei kha achaina amanchanga kae.

JEREMIAH 31:36

Ama’n ṭong atep ti chu raleichung hi angaia a-omlai seng, Israel hi jât inkhat kachang ṭhak sik.

JEREMIAH 46:28

Kei nanhnenga kahong sik eng khana kahuk sik chei. Ke’n nangni kaman chek-chaina chei ram a jât rakip hei kha kasuk manram sik hei, tâk-kha nangni chu manhmang mak chei ning. Nangni karâkna pek loa damak chei ning, tâk-kha karâkna kapek chei pha, kadâitak a katlo sik. Rōngpu, ke’n kahri jo kae.”

JEREMIAH 49:36

Elam dōina sik hmun rakip a inphut thli kajōng manhrâng sik, khana ami, rekatlânhei semakna hmun omaknaleo katlunga, anmani hmuntina kaman chek-chai sik hei.

EZEKIEL 20:38

Nangni kâra racham kase leh setna katlohei kha kalosōt sik hei. Anmani tûnna an-omna ram a inphut kaṭhōisōt sik hei, khana Israel ram a heimanle nôk mak jo hei ning. Khava pha nangni’n kei hi Rōngpu eng kae tia nanmanhret sik jo eng.”

EZEKIEL 36:19

An-om dân leh an-omchen jâra ke’n kadem hei, khana mihlop-hei ram a kachai kathek heia kae.

EZEKIEL 39:28

Khava sōa kami he’n kei hi Rōngpu an-Pathen eng kae tia anmanhret sik jo eng. Anmani’n hivahi anmanhret sik, ajârchu ke’n anmani rehring sura kamanse hei kae khana tûnchu inkhatbek dahlon loa anram khet a kaheiṭhōi male nôk jo hei.

EZEKIEL 5:10

Khava tlona kara khachu, Jerusalema nu leh pa he’n ansahei ansâk sik hei khana ansa he’n nu leh pa ansâk sik hei. Ke’n kakarâk sik chei khana alakahringa aka-om hei kha kachai kathek sik hei.

EZEKIEL 5:12

Nami ṭhen thuma inkhat nat leh vonṭâma khōpui shunga kathi sik hei; ṭhen khat in khōpui vânga chemjâm vâng tuktan sik hei kae; khana achaina ṭhen khat kha thli kâra kachai kathek sik chei khana chemjâm vânga manlōisōt sik hei kae.

LEVI-DÂN 26:33

Nanchunga re kamasō sik, mihei ram a kaman chek-chai sik chei. Nanram kha nandahlon sik, nankhōpuihei inhmanga ka-om sik hei.

LUKE 22:31

“Simon, Simon! Rangei roh! Hlei kathlōpa’n sahûm leh avai aṭhen kapōa, akaṭhamak a inphut akaṭha ṭhensōtna sik, nankhenga enmansinna sik a, Seitan khan hnōm pekna achen jo.

DÂNRABU INHNINA 28:64

“Rōngpu’n jât rakip kâra akathek manvai sik chei, ralei bângna inphut abângna inkhat a, khan nangni leh nanpa-nanpu he’n anta leikamuk jenmak pathenhei, thing leh hlunga a’nsyem pathen nanrazen sik hei.