AMOS 9:8 - LEKHARABU INTHENG (BSI)

⁸ Chunghnung Rōngpu ke’n hiva set kasip Israel rengram hi ka-en manther a kae, khana raleichunga inphut kamanhmang sik jo. Tâk-kha Jacob sōn leh pâr rakip manhmangsō mak hei ning.

AMOS 9:8 ပူးပေါင်းရင်းမြစ်များ

A’NPHUTNA 6:7

khachu ama’n, “Ke’n kasyem jo hei mihring leh inṭhōia sha leh vahei ankhenga raleichunga inphut manhmang jo hei rong, ajârchu anmani kaleisyem jâr hei hin kamalung hōihêr mak jo,” ati.

A’NPHUTNA 7:4

Sûn leh jân kani 40 katlung bit a tuninga inphut ni 7 sō leh raleichung pumpuia khō kamansûr sik jo kae. Raleichunga ke’n kasyem rathla kanei akahring rakip kaman rampet sik jo hei kae,” ati.

RENGHEI INKHATNA 13:34

Ama’n setna atlosōt jâra a-innshung mihei chunga akatluk set inhmangna jōng katlunga kae.

ṬONGCHÎK-HEI 15:3

Hmun rakip a heimo kasōk Rōngpu’n amanhret; akaṭha leh akase nitlona chunga ama’n a-ensui ṭhak me.

ṬONGCHÎK-HEI 5:21

Natlo rakip Rōngpu’n ahmu, khova hmun a nasena kha ama’n a-en ṭhak che.

JEREMIAH 30:11

Kei nanhnenga kahong sik eng khana kahuk sik chei. Ke’n kachai kathekna chei ram a jât rakip ankhenga kasuk manhmang sik hei, tâk-kha nangni chu suk manram mak chei ning. Ke’n nangni karâkna pek loa damak chei ning; tâk-kha karâkna kapek chei pha, injentak a katlo sik. Rōngpu ke’n kahri jo kae.”

JEREMIAH 44:27

Nangni nankhang makna sik a ke’n khava hlam kha ka-en sik, khana kasuk manhmang sik chei. Nangni nankhenga kathi sik chei, rea achangmak leh hrisea, tûte kahringa a-om mak jo kârseng, kathisōreng sik chei.

JEREMIAH 46:28

Kei nanhnenga kahong sik eng khana kahuk sik chei. Ke’n nangni kaman chek-chaina chei ram a jât rakip hei kha kasuk manram sik hei, tâk-kha nangni chu manhmang mak chei ning. Nangni karâkna pek loa damak chei ning, tâk-kha karâkna kapek chei pha, kadâitak a katlo sik. Rōngpu, ke’n kahri jo kae.”

JEREMIAH 5:10

Kamihei vomhrui rahōn katuktan sik a inrepuihei kahei tir sik hei, tâk-kha akhenga chu mantuktan pek mak hei ning. Abâk-hei chu tuktan petna sik a kamanthei sik hei, ajarchu abâk-hei khachu keita changmak hei.

HOSEA 1:4

Rōngpu’n Hosea hneng ahri, “‘Jezreel’ tia arahming phō roh, ajârchu anpu ṭhut Jehu’n Jezreel hmun a mi aleitha jâra Israel reng karâkna kapek sik pha hi sôtmak jo ning. Ke’n Jehu phung hrui kamanbâng sik jo.

HOSEA 1:6

Gomer in 2 tlukna nai anei, hichu nuhmeinai kae. Rōngpu’n Hosea hneng ahri, “‘Lungset mak nu’ tia phō roh, ajârchu Israel mihei chunga lungsetna ke’n malârsōt mak ning khana rangei mandam mak jo hei ning.

JOEL 2:32

Kha’num Rōngpu hnenga inthōpuina kader rakip huk sik hei kae. Rōngpu’n aleihri kapōa, ‘Jerusalema ṭhahrep chu inphesōt sik hei; ke’n kakadeisōt seng khachu kahring sik hei.’”

AMOS 3:12

Rōngpu’n ahri, “Kemōng kakhem inkhat in shabakkai sâkbang, kemōng ake 2 rōk achangmak leh akōr inkhat rōk ahmu sōt kapōa, tuna jekhum ret kaṭhatak chunga akajea ka-om, Samaria mihei kâra ajingte kahring sik hei.”

AMOS 7:17

Khava jâra, Amaziah, Rōngpu’n nahnenga ahri, ‘Nanuhmei kha hlamlen heia noti hongkachang sik, khana nasahei kha rehmun a anthat sik hei. Naram insem sik hei, khana mihlop-hei hneng inpek sik hei, khana natak khet um khōvelhei ram a kathi sik che. Khana Israelhei kha anrama inphut rehringa ankei sik hei.’”

AMOS 9:10

Kamihei kâra set karônhei kha re shunga anthat sik hei, hinga akahri rakip, ‘Keini hnenga Pathen in bōina heite masō mak ning.’”

AMOS 9:4

Anmani anka-en kada he’n khum sik a anṭhōi hei inum, ṭong kapek heia kamanthatpet sik hei. Anmani kha inthōpui loa thatpet sik a kamandon jo.”

DÂNRABU INHNINA 4:31

Ama chu maritna kasip Pathen kae. Ama’n masō mak chei ning khana suk manhmang mak chei ning, khana nanpu-nanpahei leh ṭong anlei intepna kha ama’n mahngi mak ning.

DÂNRABU INHNINA 6:15

Pathen ralak-hei nankamuk inchu, Rōngpu hnuknat hmei kapōa nankadōia kajōng sik a kha asuk manhmang pet sik chei, ajârchu nankâra ka-om Rōngpu nan-Pathen khan, ama kadōi inkhatbek madimmak heia kae.