AMOS 9:11 - LEKHARABU INTHENG (BSI)

¹¹ Rōngpu’n ahri, “David rengram inn inset kapōa akatlu kha syem manṭhatna sik kani lakahong sik. Abanghei kasyem manther sik khana kamatung manther sik. Kasyem nôk sik, hmalaia kapōa kasyem nôk sik.

AMOS 9:11 ပူးပေါင်းရင်းမြစ်များ

JOB LEKHARABU 1:10

Nang in ama leh a-innshunghei khana anei rakip nahrung hei. Atlona rakip a vâng napek, khana aranhei ram shung sipna sik katluk a napek jo.

HLAHEI 143:5

Aleikathlengsa phahei kha kamandonsōt hei, naleitlosa hei seng chunga kamandon hei, naṭōn leitlo heirakip kha mandonsōtna kaneihei.

HLAHEI 80:12

Heisa mo khava akimvea akakurna kha nasuk thlek? Tûnchu khava hmun a se leh hong katlohei khan vomhrui thei kha anmarûktor jo;

HLAHEI 89:40

Akhōpui kalen banghei kha navōk khōia naman chimpek jo, khana arekur kha insuk inhmanga nadapek jo.

ISAIAH 16:5

Khava sōa David sōnhei kâra inkhat in reng kachang sik, khana ama’n mihei kha taksen ka-om tak a leh lungset vânga vai arôn sik hei. Ama’n akadik kha inrangtak a atlosōt sik khan chu ṭongtan kadik tlosōtna sik a ama’n a-en kaṭha sik.)

ISAIAH 5:5

Ke’n kavomhrui rahōn chunga katlo sik kha hi kae; akimvea rape kalosōt sik, akhârna hlung bang hi kavōk manchim sik, ramsha he’n sâk jo hei sona chōn rachi jo hei rasoh.

ISAIAH 58:12

Nanmi he’n pha kasôttak a alenṭhōt jo hei kha ansak manther sik, innhmun marōa khan ansak sik jo. Nangni kha kurbang kasyemther hei leh ale’nset inn kasakther hei tia mi’n amanhret sik jo chei.”

ISAIAH 63:11

Tâk-kha khava sōa anmani’n, Rōngpu sōk Moses kanilaia pha kasesa kha anmandonsōt a kae, khana ander, “Tuipuia inphut amihei hlamkakeihei kahuksōt Rōngpu kha tunhin khon mo aka-om? Moses hnenga arathla kapek Rōngpu kha khon mo aka-om?

ISAIAH 65:9

Ke’n Judah phunga Israelhei kha ṭhattheina vâng kapek sik hei, khana antu-ansa he’n katlang hei kha anhlō sik. Kakadeisōt kamihei, kei inzenhei kha khana khan ka-om sik hei.

JEREMIAH 18:9

Inkhat ting nôk chu, ke’n jât inkhat achangmak leh rengram inkhat kaphunsōt sik, kasyem manṭhat sik kati’num,

JEREMIAH 30:9

Khava kanek a, ke’n reng inkhat a kamatung sik David sōn leh pâr he’n, Rōngpu an-Pathen, kei hi anrazen sik jo eng.

JEREMIAH 46:26

anmani ankathat hnōm, Babylon Reng Nebuchadnezzar leh aremihei kut chunga kapek sōt sik hei. Tâk-kha hnunga chu, anmani’n Egypt a hma anleiom kapōa vaka-om nôk sik hei. Rōngpu ke’n kahri jo kae.

ṬAJAISUINA 5:21

Rōngpu nahnenga aṭhōi male nôk ung roh, Rōngpu aṭhōi male nôk ung roh! Hmalaia kanlûrna kha apek male nôk ung roh.

EZEKIEL 17:24

Ram shunga thingkung kahmông rakip in kei Rōngpu eng kae tia anhong manhret sik. Ke’n thingkung inshâng hei kaphûr mathlûk hei khana thingkung kasintek kha kaman khang. Thingbō in-êm hei seng kamanvōi hei khana thing kachâr kha abō kaman-êm. Rōngpu ke’n kahrisōt jo. Tlo sik a kati kha katlosōt sik kae.”

EZEKIEL 36:11

Mihring leh ranhei kamanpung sik hei. Hmalaia kanek a nanmi katam sik chei, sa katamtak nannei sik. Hmalaia nanlei ka-om kapōa khana khan ka-om sik chei, hmalaia kanek a kamanhao sik jo chei. Khava sōa nangni’n kei hi Rōngpu eng kae tia nanmanhret sik jo eng.

HOSEA 3:5

Tâk-kha Israel mihe’n Rōngpu an-Pathen hneng, anrengpa David sōn hnenga avea anhei inhena pha kha anlanei sik. Khava pha Rōngpu kha anṭit sik jo,

OBADIAH 1:17

“Tâk-kha Zion Tlânga mi ṭhahrep chu katlânsōt sik hei, khavakha hmun intheng akachang sik kae. Antaneidôr kasōk ram kha Jacob mihe’n anlachen sik.

MICAH 5:2

Rōngpu’n ahri, “Bethlehem Ephrathah, nang Judah shunga khōpui akasinpen hei kâra inkhat che kae, tâk nanga inphut Israel sik a, hmalaia inphut innshung hrui kanei, vaikarôn inkhat kahei majōr sik.”

MICAH 7:11

Jerusalem mihei, khōpui bang vōi khat sak nôkna sik pha kha kahong jo. Khava pha nanram ramri kha manlensa sik kae.

MICAH 7:14

Namihei, nakadeisōt jo hei kemōng kakhempa inkhat kha chang roh, Rōngpu. Ramhânga an-inchai kathek a an-om inum ankimvea ram thai omna, ram kaṭha ka-om hei. Tenlaia kapōa, Bashan leh Gilead phidông kekna ramlena sehei sona invei hei rasoh.

MICAH 7:8

Nikadōi he’n kantlâksamna chunga inpâkna sik ajâr neimak hei. Keini katlu ung, tâk alakathō nôk sik ung kae. Tûn keini inthim shunga ka-om ung, tâk Rōngpu’n vâr alapek sik ung kae.

ZECHARIAH 12:7

“Rōngpu ke’n Judah remihei hneng ahma inkeipena torna kha kapek sik hei, khavakha David sōnhei leh Jerusalema mipuihei tachen sik kajana kha Judah mi ralak-hei chen kanek a alenchet makna sik a kae.

ZECHARIAH 14:10

Sak tinga Geba inphut thlang tinga Rimmon katlung bit a, ramkei akhenga phaichama syem sik kae. Akimvea ka-om ramhei kanek a Jerusalem inn inshângpen sik; khōpui hin Benjamin Kekot a inphut hmalaia kekot leiomna Arakir Kekot kha aphâk sik, khana Hananel Ber a inphut reng innshunghei theitui epna hmun katlung kachang sik.

ZECHARIAH 6:12

Chunghnung Rōngpu’n hing’hin ahri tia manthei roh, ‘Thing bâk tia inhret mi khan a-omna inphut hong kakhangtou sik khana Rōngpu Bek-inn asak manther sik.

MIJAHEI 24:18

Edoma a’nrepuihei kha ator sik hei Anram kha akarōi amanchang sik jo, Khava shunga Israel in ator injôn sik hei.