AMOS 9:1 - LEKHARABU INTHENG (BSI)

¹ Maichâm hnenga Rōngpu kangir kha ke’n kahmu. Ama’n ṭong ahei pek: “Bek-inn innchunglêr kha rahnak a vōkrakhông ruh, sumpuk akhenga a’nnokna sik. Vōkkhōi una mihei luchunga tlâk hei rasoh. Alakseng hei kha rehmun a kathatsō sik hei. Tûte’num sōksōt tor mak hei ning; inkhatbek um tlânsōt tor mak hei ning.

AMOS 9:1 ပူးပေါင်းရင်းမြစ်များ

THUHMINGHEI INHNINA 18:18

Micaiah khan ahrisa: “Tûnchu Rōngpu’n heimo ahri kha rangei roh! Rōngpu’n marvâna areng in-ongna a’n-ong kha kahmu, angeva rakip he’n asira kangir hei.

HLAHEI 68:21

Pathen in a’nrepuihei, setna hlam a akase ṭhak hei, anlu kha avōkkhōi nger sik hei.

HLAHEI 68:22

Rōngpu’n ati, “Ke’n Bashana inphut nan-inrepuihei kaheiṭhōi male sik hei; tui-ôngpui inthûk a inphut kahong ṭhōimale sik hei,

ISAIAH 30:16

Khava kanek a, nan-inrepui heia inphut shakor kayâng chōnga tlânsōtna sik intluk chei. Khana nangni kadik chei, tlânsōt sik kha nantatlo mông sik kae! Nangni’n nanshakor hei kha tlân kayâng hei tia nanmandon, tâk nankahnung kathlur hei kha akayâng chet sik hei kae.

ISAIAH 6:1

Rn Uzziah thi kum a, ke’n Rōngpu kha kaleihmu. Areng in-ongna hmun a kalûrtak a choi ka-ânna le’n ong khana azakkō ret ra-âng khan Bek-inn kha aser manvâr pet a kae.

JEREMIAH 11:11

Khava jâra tûnchu, Rōngpu ke’n, anmani antlânsōt tor makna sik a, anchunga insuk inhmangna kajōng rôn sik jo kae tia gîkna kapek hei. Khana anmani’n kahnenga inthōpuina sik a anṭap inum rangei pek mak jo hei ning.

JEREMIAH 42:16

nantaṭit re khan ahlō sik chei nantaṭit vonṭâm in ajui sik chei, khana Egypt a khan kathi sik chei.

JEREMIAH 48:44

Tu achang inum ṭit-inpirna inphut tlânsōt sik inrei kha khur kōk a katla inhlut sik, khana khur kōk a inphut akakesōt kha chânga in-ôk sik, ajârchu Moab suksetna sik pha kha Rōngpu’n atepsa jo kae.

EZEKIEL 1:28

khava shunga khan saisûm rakip kakip a anei. Hivahi Rōngpu ka-om ti malârna vâr akade liplep kha kae. Ke’n hivahi kahmu pha, kahmai raleia kamakhup a kae. Khava sōa ke’n rasa inkhat kathei.

EZEKIEL 10:4

Rōngpu omna vâr kadi rik-rak kha ranhring heia inphut hong kaketou khana Bek-inn hlutna kotting insôn jo. Khava sōa sumtuk khan Bek-inn kha kasip sō jo, khana sumpuk kha vâr in ara-ângsō jo.

EZEKIEL 15:7

Khana karâkna kapek sik hei. Hmei inkhat chu anrakan jo, tâk hmei in alakângsō sik hei. Ke’n anmani kakarâk hei pha, nangni’n kei hi Rōngpu eng kae tia nanmanhret sik jo eng.

EZEKIEL 9:2

Khatak khan pase 6 Bek-inn sak tinga vâng intong kekot a inphut, hmangchâk invon et a heikasōk hei. Anmani kâra rōipōn innem invonna heikhat mazet manhlut sik a akatlo inkhat ka-om. Anmani ankhenga sum-êng maichâm hnenga kahong heia kangir hei.

AMOS 3:14

Israel mihei ansetna jâra karâkna kapek ning khan, Bethel a maichâmhei kha kasuk manhmang sik. Maichâm rakir rakip vōk mathlek sik khana raleia katla sik jo.

AMOS 7:17

Khava jâra, Amaziah, Rōngpu’n nahnenga ahri, ‘Nanuhmei kha hlamlen heia noti hongkachang sik, khana nasahei kha rehmun a anthat sik hei. Naram insem sik hei, khana mihlop-hei hneng inpek sik hei, khana natak khet um khōvelhei ram a kathi sik che. Khana Israelhei kha anrama inphut rehringa ankei sik hei.’”

AMOS 7:9

Isaac sōn leh pârhei kamukna hmunhei kha suk manhmanga ka-om sik. Israelhei hmun intheng hei kha a’nhmang chera dahlona ka-om sik hei. Ke’n Jeroboam phung hrui kha kamanbâng sik jo.”

HABAKKUK 3:13

Namihei hukna sik a kasesōt che, nakadeisōt reng kha hukna sik a. Mikaṭhamak-hei hlamkakei kha navōk mathlûk a akahnung kajuihei seng pui katluk a nasuk manhmang hei.

ZEPHANIAH 1:12

“Khava pha khan thaihmei kakut a kamatua ke’n Jerusalem kajong sik. Binga tlaina kaneihei leh inngamna kaneihei, anbinga ‘Rōngpu’n ahlam inkhat achangmak leh inkhat a ṭōn heite tlomak,’ tia akahrile hei chunga karâkna kapek sik hei.

ZEPHANIAH 2:14

Khava hmun kha ke rup-hei, serup-hei khana sha rakip hei inbokna leh jena hmun kachang sik. Akatlek inhler hei kâra simbu hei ka-om sik hei, thlikot a inphut inhrâm sik hei. Kot kunga va-âk hei inhrâm sik hei. Inn sakna cedar thing hei inphoisōt sik hei.

JOHN 1:18

Tûte’n Pathen lahmu phung hêrmak. Pathen leh thakhat akae, khana Pa ângshunga aka-om, Sapa inkhat rōk khan Pathen manhretna amannei me.

JOHN 1:32

John in sâkhi apek kha hi kae: “Ke’n Rathla kha vaṭhu kapōa marvâna inphut ama chunga ajōng kachu kha kahmu.

ṬŌNTLOHEI 26:13

Khava sik a kasena hlam a sûnṭimtak a, Eh Akalûrpen reng, kani nek a akavâr inkhat in thangvâna inphut kakimve leh ka’nṭhōipui hei seng aleikake khum ung.

JOSHUA 10:18

Ama’n ati, “Hlungkhur hlutna hma son hlung kalen ṭhahrep heimakhōn ruh. Akahrung sik mi ṭhahrep da hei ruh,

ṬONGPHÔNG 1:17

Ke’n ama kha kahmu pha, akathi kapōa akekunga katlu jo eng. Ama’n akut changting kachunga ada a ahri, “Ṭimak roh! Kei a’nphutna leh a’nchaina eng kae.

ṬONGPHÔNG 8:3

Khana ro mankhutna sik kasip sana thlengkam kanei ngeva hlop inkhat kahonga maichâma hong kangira kae. Len in-ongna hmaikunga maichâm chunga Pathen mihei derna leh inṭhōia ro mankhutna sik marim katui hingja ama kha anpek a kae.