AMOS 8:8 - LEKHARABU INTHENG (BSI)

⁸ Khava jâra, ralei innok sik, mi rakip anmalung inreng sik. Ram pumpui innok sik; Nile tuidung kapōa kaketou sik, kaṭumsuk sik.

AMOS 8:8 ပူးပေါင်းရင်းမြစ်များ

HLAHEI 18:7

Khava pha raleichung kha intlira innok; tlângkung hei kha intlira innok hei! Ajârchu Rōngpu kha ahnuk leikana.

ISAIAH 5:25

Rōngpu kha amihei chunga ahnuk kana, khana karâkna sik a abân arazit a kae. Tlângbung innok sik hei, khana akathi kalōnghei kha hlampuia inchap dâk a indahlon sik hei. Kha achang inum Rōngpu hnuknat kha labâng mak ning, karâkna pekna sik a abân alakalek hi sik a kae.

JEREMIAH 12:4

Heituk kasôt mo kanram akachâra aka-om sik, hlei rakip a kahar akachâr sik hei? Ranhringhei leh vahei kathi jo hei, kanmihei ṭhatmak jâra, ‘Eini tatlo hi, Pathen in hmumak, tia akahri mipuihei kha.’”

JEREMIAH 46:7

Nile Tuidung kapōa, tuidunga tuilen kapōa ahong kathōisōt so tu mo kae?

JEREMIAH 46:8

Nile kapōa ahei kaketou, tuidunga tui ahonglen kapōa ahong kakhangtou so Egypt kae. Egypt in ati, ‘Kei katho sik eng, khana raleichung kamakhu pet sik; khōpui leh khana aka-om mihei kaman rampet sik hei.

JEREMIAH 51:29

Rōngpu’n, Babylon kha tûte om makna sik, ram kachi manchangna sik aṭōn mantluk kha aheitlosōt pha, raleichung pumpui intlira innok jo.

DANIEL 9:26

Khava pha a’nchai leh Pathen takadeisōt hlamkakei kha dikmaktak a anmahera anthat sik. Khōpui leh Bek-inn kha ratha kaneitak vaikarôn remi he’n ansuk manhmang sik. A’nchaina kha Pathen in amantluksa re leh suk manhmangna ahei rôn kha tuikalen kapōa kahong sik.

HOSEA 10:5

Samaria khōpui shunga ka-om hei kha kaṭi sik hei khana Bethavena ka-om sana sehratche inhmangna chunga kaṭap sik hei. Thempuhei leh anmani limsyem inzenhei khava sik a kaṭap sik hei. Khava sana hmangchâk kalûrhei kha anlosōt hei pha anmani in-ôi nguingui sik hei.

HOSEA 4:3

Khava jâra ram shung hi hong kachâr sik, hiva chunga aka-om rakip karampet sik hei. Ramsha leh vahei khana ngahei kapha kathi sik hei.”

AMOS 8:10

Nanrehōi hei kha kathi hrena kamanchang sik, nan-inpâkna hlahei kha inrengna leh ṭapna kamanchang sik. Nanlu kamankek sik, borapōn kamansi sik chei, khana ansanei inkhat rōk thina ṭajai kasui nu leh pahei kapōa kamanchang sik chei. Achaina kani kha inrengna kachang sik.

AMOS 9:5

Akahratpen Chunghnung Rōngpu’n raleichung hi atôn, khana innok a kae; khana aka-om seng he’n ṭajai ansui. Raleichung rakip Nile Tuidung kapōa kaketou khana katlasuk hei.

NAHUM 1:8

Tuishâng kalen ahongtlen inhnak kapōa ama ka-en kadahei amanhmangsō hei; ama kadōihei kha thina apek heia kae.

MATTHEW 24:30

Khava pha Mihring Sapa jōngna sik mêrchîkna kha bōirōk a inhmu sik jo; khana Mihring Sapa kha marvân sumtuk chunga aratha neina leh alûrna leh inṭhōia ajōng kha anhmu pha raleichung jât rakip in kaṭap sik hei.