AMOS 8:2 - LEKHARABU INTHENG (BSI)

² Rōngpu’n ader enga, “Amos, heimo nahmu?” ati eng. “Hraithuk a theikara” tia kamasôn. Rōngpu’n kahnenga ati, “Kami Israelhei sik a achaina kha kahong jo. Anmani karâkna pek sik a inphut kamalung thlengmak jo ning.

AMOS 8:2 ပူးပေါင်းရင်းမြစ်များ

A’NPHUTNA 6:13

Pathen in Noah hneng ahri, “Mihringhei hi manram jo rong tia kamandon jo. Anmani hi kasuk manrampet sik jo hei, ajârchu vânhnōi raleichunga innâk-inse ṭōn in kasip joa kae.

ISAIAH 28:4

Khava a’nlensak hlamkakeihei inlensakna kha hmapena theichang inra, anhminlim leh anṭhōt a a’nsâksō bât kapōa katlang sik jo.

JEREMIAH 40:10

Kei Mizpah a ka-om sik eng, Babylonhei anhong pha nangni kahlâng kathleng kha kachang sik eng. Tâk-kha nangni ju, theikara, olive thai nanman khôma nanbuk thei sik, khana nanta hlō khōhei khan ka-om thei sik chei.”

JEREMIAH 5:31

Sânkathem he’n maleisei tei loa heite hrimak jo hei, thempu he’num sânkathemhei ṭongpek a vai anrôn jo, khana kamipui he’num heite inphin mak jo hei. Tâk heirakip ahong inchai pha khan anmani’n heimo antatlo sik jo?”

ṬAJAISUINA 4:18

Kan-inrepui he’n ani-en ravet ṭhak a ka-om hei; hlam a kapha sōk tor mak ung. Keini pha kha inchai jo; a’nchaina kani kha kahong jo.

EZEKIEL 12:23

Tûn khava chunga Chunghnung Rōngpu ke’n kahri sik hi manthei hei roh. Ke’n ṭongchîk kha kamanbâng sik jo. Israel shunga khavakha avea inhrimak ning. Khava kanek a hinga manthei hei roh: pha kha kahong jo, khana ṭongsânsōt kha hongkadik jo!

EZEKIEL 29:8

Tûnchu, Chunghnung Rōngpu ke’n kamanthei che hi kae, khachu ke’n nang chemjâm vânga nakabuhlu sik a remi rup kajongsōt sik hei

EZEKIEL 3:10

Pathen in ahri manjōm a, “Akathithei mihring, ke’n nahnenga kahri rakip hei hi malung kahlut a rangei roh khana mandon hei roh.

EZEKIEL 3:7

Tâk-kha Israel mi tûte inkhat in rangei hnōm mak hei ning; kei ṭong um donmak hei ning. Anmani ankhenga rahe kasehei leh ṭong inngeimak hei kae.

EZEKIEL 7:6

Hivahi heirakip chunga kae. Hivahi achaina kha kae. Nang inchai jo che.

EZEKIEL 8:12

Pathen in ader eng, “Akathithei mihring, Israel hlamkakei he’n marûk katia antatlosōt hi nahmu mo? Anmani ankhenga lim kasiptak innden shunga kamukna anneia kae. Anmani manṭhatna khachu: ‘Rōngpu’n eini ṭōntlo hi ahmu mak! Ama’n ram hi adahlon jo kae,’ anti.”

EZEKIEL 8:17

Rōngpu’n kahnenga ati, “Akathithei mihring, khavakha nahmu mo? Hiva Judah mihei hi nang in hina nahmu jo mater ka-om omchenhei hi antloa ram shunga intuk inthatna antamanpung rōk hin tlai tor mak hei. Changmak, anmani hiva Bek-inn shunga kapha lakahong nger sik heia kha khanga anvatlo hi sik a kae, khana kahnuk antamannat chet hi sik kae. Enroh, kei dōina heituk a akaethei chenna inzak antapek jo eng mo!

EZEKIEL 8:6

Pathen in kahnenga ati, “Akathithei mihring, omchen kasōk kha nahmu mo? Hinahin Israel sahe’n mater ka-om ṭōn antatlosōt hi enroh, kahmun inthenga inphut hmun kahla chet-chet a anhnongsōt jo eng. Hiva kanek a mater ka-om chet ṭōn nalahmu hi sik.”

HOSEA 9:7

Mihei khan anrahōi kasōk karâkna anrahlângna sik pha kha kahong jo. Khavakha ahong tlung pha, Israel in amanhret sik! Nang in nati, “Hiva Sânkathem hi mikamo kae. Hivahin mihe’n invetna annei jo.” Mipui nangni’n hingtuk hrep nanmater eng ajârchu nansetna kha khang hrep a kalen jo.

AMOS 7:8

Ama’n ader eng, “Amos, heimo nahmu?” Ke’n kamasôn, “Tena tekam.” Khava sōa ama’n ati, “Kamihei kha tena tekam leh a’ntōkmak bang kapō anchang kha manhretna sik a hivahi kahmang kae. Anmani karâkna pekna kha avea kamalung thlengmak jo ning.

AMOS 8:1

Chunghnung Rōngpua inphut hmangtalâr ahlop inkhat kaleihmu nôk. Khava khan hraithuk inkhat a theikara kasip kahmu.

MICAH 7:1

Inhōrna kase jo kae! Kei hi, vomhrui theikunga leh thingkunga akara ṭhōt sik inkhatbek a’nhmu mak vonṭâm kade mi inkhat kapō jo eng kae. Vomhrui leh theichang kara akatui rakip akhenga anṭhōtpet joa kae.

ZECHARIAH 5:2

Kahmuna kha ngeva khan ader eng. Ke’n kamasôn, “Thli chunga lekha inze inkhat ajōng kahmu; khavakha metre 9 kasei khana metre 4 leh aher inpek a kae.”