AMOS 8:11 - LEKHARABU INTHENG (BSI)

¹¹ “Ram shunga sâk leh in khôk pha kha kahong jo. Mihe’n anvon kaṭâm sik, tâk bu sik a changmak, antui kahre sik, tâk tui jâra changmak. Rōngpu ṭong inngei sik a anvon kaṭâm khana antui akahre sik kae. Chunghnung Rōngpu, ke’n kahri jo.

AMOS 8:11 ပူးပေါင်းရင်းမြစ်များ

THUHMINGHEI INHNINA 15:3

Pha kasôttak Israel in akadik Pathen kasea, an-inthei sik thempu kasea, khana dân kasea leika-om jo hei.

HLAHEI 74:9

A’ntheng mêrchîkna kanneinâk rakip um om mak jo; sânkathem inkhatbek um indahlon mak jo, khana hivahi heituk kasôt sik mo tûte’num manhret mak hei.

ṬONGCHÎK-HEI 29:18

Pathen hlamkeina kaneimak jât-hei kha jât invai hei kae. Pathen dân kajuihei kha jât kahōihei kae.

ISAIAH 5:6

Kahar kha kamanbuksi sik. Abâk-hei manhleng mak jo ning, akung um mavurmak jo ning; khava nek a, phibuk leh rahling chap in kabuksi jo rasoh. Sumtuk in achunga khō amansûr sik kapha, kakhâm sik jo.”

EZEKIEL 7:26

Insuk inhmangna inkhat bânna inkhat kahong sik, khana ṭong kahōimak ahrui-hruia inthei sik. Nangni’n sânkathemhei kha amak hma heimo antahmu kha anphôngsōtna sik a nanngek sik hei. Sânkathem he’n mipui hnenga manthei sik a heite neimak hei ning, khana kater he’n ṭong manse sik a heite neimak hei ning.

HOSEA 2:3

Ama’n abângmak inchu ajōng intet ninga kapōa akarōkpet a kada sik kae. Ama kha ram kachâr heite keklo inkhat kapōa kaman om sik, tui kahrea kathi sik.

MICAH 3:6

“Sânkathemhei, nankani katlang vet jo; nanchunga kani katla sik jo. Ajârchu kamihei hlamleting nanṭhōi jo hei, sânsōtna hmangtalâr hmutor mak jo tin.”

MATTHEW 9:36

Mipuihei kha a-en hei pha, alungset hêr jo hei, ajârchu ankakhem kase kemōng rup kapōa, lungdong leh inthōpui kasea ka-om heia kae.

SAMUEL INKHATNA 28:15

Samuel in Saul hneng ati, “Heisa mo namanbōi eng? Heisa mo kahong inlena sik natlo?” Saul in amasôn, “Kei inrim hêr jo eng! Philisti he’n re andōi jo eng, khana Pathen in adahlon jo eng. Amasôn mak jo, Sânkathemhei vânga leh rahmanga achanga. Khava jâra, heimo katlo sik naman theina sik eng kabek che kae.”

SAMUEL INKHATNA 28:6

khava jâra Rōngpu hneng heimo tlo sik kha aleider. Tâk Rōngpu’n arahmanga, Urim leh Thummim hmangna vânga leh sânkathemhei vânga anchanga masôn hêrmak jo.

SAMUEL INKHATNA 3:1

Khava lai khan, Eli hlamkeina thōia naipang Samuel in Rōngpu ṭōn atloa a-omlai, Rōngpua inphut ṭong hongrei mak, khana ama a inphut hmangtalâr inhmurei mak a kae.