AMOS 7:12 - LEKHARABU INTHENG (BSI)

¹² Amaziah khan Amos hnenga ati, “Khavakha katluk jo, sânkathempa! Judah ram a inle jo roh, sona son vahri jo roh. Anmani’n khava sik a aman pek che rasoh.

AMOS 7:12 ပူးပေါင်းရင်းမြစ်များ

THUHMINGHEI INHNINA 16:10

Hiva ṭonghri jâra hin Asa kha ahnuk kana hêr joa ama kha akhit a ada joa kae. Hiva phalai hin kae Asa khan mi ṭhahrep êng kasetak a aleirazen hei kha.

ISAIAH 30:10

Anmani’n sânkathemhei kha kadai hngera an-omna sik a anhri. Anmani’n anti, “Kanhnenga akadik kha hrimak ruh. Keini tathei hnōm kha ahri pek ruh. Keini marûk ṭong kha jui rung.

ISAIAH 56:11

Anmani kha anvon khop hêrlo ui kalôp inphâm kapō hei kae. Hiva hlamkakeihei hi manhretna neimak hei. Anmani inkhat et in anbing tlaina et antlo khana anbing rōk hnemna sik anjonga kae.

EZEKIEL 13:19

Nangni’n bunim kutsip khat leh buhlom her khat maduna jâra kamihei hmaikunga kajana apek mak chei. Akathi sik rahōi kasōkmak hei kha nanthat hei. Khava jâra kamihei hneng maleisei nanjôm, khana anmani’n antaksen cheia kae.”

AMOS 2:12

Tâk nazi hei kha ju nanman in hei, sânkathemhei kha ṭong hrimakna sik a ṭong nanpek hei.

AMOS 7:11

Ama tahri kha hivahi kae: ‘Rehmun a Jeroboam kathi sik, khana Israel mihei miram a rehringa ankei sik hei,’ ati.”

MALACHI 1:10

Akahratpen Rōngpu’n ati, “Nankâra mi inkhat in Bek-inn kot-hei akhâra heite akahnem mak hmei kha nangni’n kamaichâm chunga nanmansûk mak jo’nchu tia kamandon jo. Kei nanchunga tlaimak eng; kahnenga nantaheichoi tōkna kha rahlâng mak ning.

MATTHEW 8:34

Khava jâra khōpui shunga mi rakip Jesu inhmupui sik heikasōk hei; khana anmani’n ama anhmu pha anramṭhen kha adahlona sik anngek jo.

LUKE 13:31

Khava laitak khan Pharisee ṭhahrep kahong heia Jesu hneng anleihri, “Nang hinna inphut hmunhlop a sesōt jo roh, Herod in athat hnōm che.”

ṬŌNTLOHEI 16:39

Khava pha ankhenga kase heia rangei mandam anva inder jo; khava sōa kurkhum a inphut anmasō heia khana khava khōpui kha andahlonna sik a anleingek hei.

ROMANHEI 16:18

Ajârchu khanga akatlo mihei khan ni-Rōngpu Christa ṭōn kha tlomak hei; tâk anbing von khopna sik antatlo kae. Anṭong hri manhōi leh anbei them jâra ṭhenakasehei kha anhōn mathlâk heia kae.

CORINTHIANHEI INKHATNA 2:14

Tu achang inum rathla kaneimak mi’n Pathen Rathla a inphut akajōng kutchoi kha chenthei mak. Khang khava mi’n kutchoi kha inchênna manhret tor mak; anmani sik a ajâr kase kae, ajârchu khava kutchoi pek hnemna kha Rathlating rōk a manhret ṭhentor kae.

PETER INKHATNA 5:2

Pathen tapek chei kemōng rup kakhem kha chang ruh, khana ratha setpuma changloa, ratha kahroktak a Pathen tamantlo hnōm chei dungjuia ensui hei ruh. Hlō rahlâng theina hrep a ṭōnkatlo changloa, malung kahluttak a ṭōnkatlo kha chang ruh.

SAMUEL INKHATNA 2:36

Nang sōn akahring seng he’n khava thempu hneng kase sik hei khana sêr leh bu anvader sik, sâk thei heikhat hmun a sik a thempu kha inthōpui che rung anti sik.”

SAMUEL INKHATNA 9:9

Saul in amasôn, “Mandonna kaṭhatak kae! Se jo rih.” Khang’khan mi inthengpa omna khōpuia khan kase jo hei. Khōpui hlam a tlâng kha anke pha, tui kathe sik a ahei kasōk nuhngâk ṭhahrep hei leh intō hei. Nuhngâk-hei kha ander hei, “Hmangtalâr kahmupa kha khōpui shunga ka-om mo?” (Khava lai chu sânkathemhei kha hmangtalâr kahmuhei tia anbek hei, tu inkhat in Pathen hnenga ṭong aderhnōm inchu, “Hmangtalâr kahmu hnenga se rih,” ati sik a kae.)