AMOS 5:7 - LEKHARABU INTHENG (BSI)

⁷ Akadik maherna kanei leh mihei dikna chunga akahōn hei nangni, inhmang jo cheia kae!

AMOS 5:7 ပူးပေါင်းရင်းမြစ်များ

HLAHEI 125:5

Tâk-kha akaṭhamak-hei kha karâkna napek hei pha, nahlam kajuimak hei kha’m tlomanrim hei roh. Israelhei chunga mōngna om rasoh.

HLAHEI 36:3

Anṭonghri kha ṭhamak khana maleisei kasip phet; akasing leh akaṭha ṭōntlo hêrmak jo hei.

ṬONGCHÎK-HEI 21:7

Mikaṭhamak-hei chu anmani innâk-inse ṭōntlo kalalen in amanhmang hei; akadik tlohnōm mak hei.

ISAIAH 1:23

Nahlam kakeihei kha indōipui leh mi’nru hei ṭhōnhei kae; anmani’n kutchoi pek leh sêrmarûk sâk rōk antloṭhak a kae. Anmani’n nu leh pa kasehei kha ṭong tanna inna hukphung mak hei, khana renghmei he’n anṭong anmalâr pha rangei pek mak hei.

ISAIAH 10:1

Nangni inhmang jo chei! Kamihei kasuk inrim sik, dân kadikmak nansyema kae.

ISAIAH 46:12

“Kaṭong hri rangei ruh, malung kasak nangni, retorna kha kahlajap a ka-om tia a’ndon hei.

ISAIAH 5:20

Nangni inhmang jo chei! Nangni’n akaṭha kha ṭhamak, khana akaṭhamak kha kaṭha nanti. A’nthim kha akavâr, akavâr kha a’nthim nanmanchang. Nangni’n, akakha kha akathlum, akathlum kha akakha nanmanchang.

ISAIAH 5:7

Israel hi Chunghnung Rōngpu vomhrui rahōn kha kae; Judah phunghei kha vomhrui aling hei kha kae. Ṭōn kaṭha antatlo sik a anchunga a’nhōr kae, tâk-kha khava nek a mi anthat a kae. Ṭōn kadik antatlo sik a anchunga a’nhōr kae, tâk-kha antamanrim hei kha’n, ṭong kadik tanna sik a ka-ông jo hei.

EZEKIEL 18:24

“Tâk-kha mikaṭha inkhat in anṭōn kaṭha tlo abânga, mikaṭhamak-hei tatlo, mater ka-om akaṭhamak rakip tlo aphut inchu, akahring ṭhak sik mo? Changmak! akaṭha aleitlo rakip kha inkhatbek mandonsōtna om mak ning. Ama taksenthei achangmak jâra khana asetna jâra akathi sik kae.

EZEKIEL 3:20

“Mikaṭha inkhat in ṭōnse tlo aphut inchu khana inrimna shunga ke’n kada’nchu, ama kha nang in gîkna napek mak inchu kathi sik jo. Ama kha asetna jâra kathi sik jo, ama taleitlo akaṭha kha ke’n mandonsōt mak jo ning, khan chu ama thina jâra ke’n nang themmô kapek sik che.

EZEKIEL 33:18

Mikadik inkhat in akaṭha tlo abâng jo’nchu khana ṭhatmak atlo manphut jo’nchu, khava sik a ama kathi sik.

HOSEA 10:4

Anmani’n akae jenmak ṭong anhrisōt khana akadik mak intepna leh hnemna kase inhnōmna hei annei. Ṭongdik kha akadik mak hongkachang, hlei khōisa chunga kahar tûr kanei akakek ka-ang.

AMOS 2:3

Ke’n Moab vaikarôn leh anhlam kakeihei kathasō sik hei.”

AMOS 3:10

Rōngpu’n ati, “Hiva mihei hi ṭōnse tlona leh innâk-insea neinâk anta heichomsōt vâng rōk a an-innpuihei kasip sōa kae. Heikhonga malung mantheng sik ti kapha’m manhret mak hei.

AMOS 6:12

Shakor he’n hlungpui chunga akatlân hei mo? Tu inkhat in tuipui shunga sehratche vâng hlei akhōi mo? Tâk-kha nangni chu akadik kha tûr nanmanchang jo, akadik kha akaṭhe nanmanchang jo.

MICAH 3:9

Kaṭong hri rangei ruh, Israel vaikarôn nangni, akadik kahōt hei, akadik kha akadik mak inchang hei.

HABAKKUK 1:4

Dân ṭong katlasam jo ahnemna hong om mak jo, khana akadik him-him intlo mak jo. Mikaṭhamak in mikadik kanek a ṭhatna achen pot jo, khana akadik hlam kha anthleng jo.

ZEPHANIAH 1:6

Keia inphut akasesōt khana kakahnung kajuimak hei, kahnenga akahongmak hei khana anhlam keipekna sik a ani kader mak hei kha kasuk manhmang sik hei.”

DÂNRABU INHNINA 29:18

Tuning hiva hmun a akangir nuhmei, pase, innshung leh phung chei hin Rōngpu ni-Pathena inphut inhesōt makna sik intluk ruh. Hiva hichu thing kakha leh tûr kanei arajung kathō kapō hongkachang sik.