AMOS 5:4 - LEKHARABU INTHENG (BSI)

⁴ Rōngpu’n Israelhei hneng ati, “Kei hneng hong ruh, kahring sik chei.

AMOS 5:4 ပူးပေါင်းရင်းမြစ်များ

RENGHEI INHNINA 20:3

“Mandon roh, Rōngpu, ke’n taksentak a naṭong kajuia nasepa katlo, khana namantlo hnōm eng kha ahei tik a tlo sik a intluk eng.” Khana ama kha rathla kasintek a kaṭap joa kae.

THUHMINGHEI INKHATNA 28:9

Khana Solomon hneng ama’n ati, “Kasapa, napa-Pathen hneng manhretna nanei sik leh malung hlop neiloa khana intluktak a narazen sik a kamanse che kae. Ama’n eini maduna leh mandonna amanhret a kae. Ahnenga nase’nchu arahlâng sik che; tâk-kha ahnenga inphut nasesōt inchu ahei tik a sik a adahlon sik che.

THUHMINGHEI INHNINA 15:2

khana ama’n Reng Asa hneng vakase. Ama abek a, “Reng Asa, Judah leh Benjamin mipuihei kaṭong hi rangei ruh! Nangni’n Rōngpu hneng nan-omlai seng, ama’n nangni a-ompui sik chei. Nangni’n ama nanjong inchu, amanhmu sik chei, tâk-kha nan-inhesōt inchu, ama’n adahlon sik chei.

THUHMINGHEI INHNINA 20:3

Jehoshaphat kha ṭit-inpirna aneia Rōngpu hneng inthōpuina sik ader. Khava sōa ram pumpuia buhngōina sik a ṭong masōna anei.

THUHMINGHEI INHNINA 20:4

Judah khōpui rakip a mihei kha inranga Jerusalema kase heia Rōngpu mansena anvader,

THUHMINGHEI INHNINA 34:3

Josiah reng changna kum 8 atluk jo pha, anaipang changlai khan, apusōn Reng David Pathen kamukna kha aleiphut jo. Kum 4 kahnunga khōvel kamukna hei, Asherah Pathennu limsyem, khana limsyem ralak-hei suk manhmangna kha aleiphut jo.

HLAHEI 14:2

Rōngpu’n mikasinghei, ama inmuk mihei aka-om nâk hei mo tia marvâna inphut mihring ajōng ensuk heia kae.

HLAHEI 22:26

Sara he’n anmadu chen a ansâk sik; Rōngpu hneng akahong hei khan ama anchoi ka-ân sik; Anmani are-rea akahao chang hei rasoh!

HLAHEI 27:8

Kahnenga, “Hong roh, ava kamuk roh,” nati eng pha, Ke’n kamasôn che, “Kei kahong sik eng, Rōngpu;

HLAHEI 69:32

Hivahi inrimna kachen hei khan anhmu pha inpâk sik hei; Pathen inmuk hei malung kha amathok sik.

HLAHEI 69:33

Rōngpu’n akatlasam hei derna arangei pek hei khana ami kurkhum shunga aka-om hei kha mahngi mak hei.

ISAIAH 31:1

Egypt a inṭangpuina kader sik a akase hei kha inhmang jo hei! Anmani’n Egypt ratha kanei remi katamtak chunga inngam heia kae — shakorhei , shakor gârihei leh remihei chunga. Tâk-kha Israel Pathen intheng Rōngpu hneng semak hei, inthōpuina sik ahnenga dermak hei.

ISAIAH 55:3

“Tûn rangei ruh, kamihei, kahnenga hong ruh; kahnenga hong ruh, nangni’n hringna nanchen sik! Ke’n nangni leh intepna kahnettak kasyem sik, khana David hnenga kaṭongkam mahâmṭhatna kha kapek sik chei.

JEREMIAH 38:20

Ke’n kahri, “Anmani kut chunga nang pek sōt mak hei tin. Rōngpu ṭong kha najui sik a kangek che; khan chu heirakip nang sik a akaṭha kachang sik, khana nahringkhō huksōt kachang sik.

EZEKIEL 18:9

Khang khava mi khan kaṭong pek ajui khana insing theitak a kadân ajui. Ama kha mikadik kae, akahring sik kae,” Chunghnung Rōngpu’n ati.

HOSEA 10:12

Ke’n kahri, “Nanbinga hleither khōi ruh, akadik kha ling ruh, khana nanlum lona eng kara mahâmṭhatna kha inlōk ruh. Tûn hi nan-Rōngpu, kei hneng nanhong inlena sik pha jo kae, khana kei kajōng sik eng khana nanchunga mahâmṭhatna kasun mathlak pek sik chei.’

AMOS 5:6

Rōngpu hneng vase ruh, kahring sik chei. Nanvase mak inchu, Israelhei chunga hmei kapōa jōng kachu sik. Hmei khan Bethel mipuihei akânghlon sik hei, khana tûte’num thattor mak hei ning.

ZEPHANIAH 2:3

Ram shunga malung innem nangni, ama ṭongpek kajuiseng, Rōngpu hneng he’nhe ruh. Akadik kha tlo ruh, Rōngpu hmaikunga insinsak ruh. Rōngpu’n ahnuknat amalâr ninga karâkna inphut nansōk theina sik kae.

MATTHEW 7:8

Ajârchu akader rakip in anrahlâng sik, akajong rakip in anhmu sik, khana kot inki hei kha inhlângpek sik hei.

DÂNRABU INHNINA 32:46

ama’n ati, “Tuning kapek chei ṭongpek rakip hi juina sik a intluk ruh. Nansahei hneng Pathen mantheina hei hi taksen theitak a anjuina sik, ave-avea manthei hei ruh.

DÂNRABU INHNINA 32:47

Hiva mantheina hei hi akarōksai changmak; hihei hi nanhringna khet kae. Jui hei ruh khana nanta hlō sik Jordan rekhat ram a khan kasôttak ka-om sik chei.”

DÂNRABU INHNINA 4:29

Khana khan Rōngpu nan-Pathen kha nanjong sik, nanmalung pumpuia nanjong inchu, ama kha nanhmu sik.