AMOS 5:16 - LEKHARABU INTHENG (BSI)

¹⁶ Akahratpen Chunghnung Rōngpu’n ati, “Khōpui hlamlen heia in-ôina leh ṭap rasa kasip sik. Kathi ṭajai kasui sik antanêk hei leh inṭhōia ṭajai kasuisap sik a hlei kathlōhei kapha anbek sik hei.

AMOS 5:16 ပူးပေါင်းရင်းမြစ်များ

THUHMINGHEI INHNINA 35:25

Sânkathem Jeremiah khan Reng Josiah sik a ṭajai suina hla asyemsōt a kae. Khavakha Israel hla kasak, nuhmei-pase he’n ama chunga ṭajai suina anhmanga kae.

ISAIAH 15:8

Moab ramria hmun rakip a ṭap rasa inthei. Eglaim leh Beerelim khōpui heia ṭa rasa kha intheia kae.

ISAIAH 22:12

Chunghnung Rōngpu’n akaṭap sik leh ṭajai kasui sik a, khan chu lu kavo leh borapōn akasi sik a abek chei.

JEREMIAH 30:5

“Ṭit leh inpir ka-om ṭap rasa, ṭit ka-om, mōngna rasa kachangmak pengna kha kathei.

JEREMIAH 4:31

Naiha kaphu kapōa nuhmei kaṭap rasa, nuhmei inkhat in sa ahma kakei amatet a a-inkōi rasa kapōa kathei. Khavakha akaphuk sântor lo Jerusalem rasa kae, akut arazit a ati, “Kei inhmang jo eng! Anmani kei kathat sik a kahong jo hei.”

JEREMIAH 9:10

Ke’n kati, “Tlânghei sik a ralûm dena kanei sik ramhâng hei sik a kaṭap sik eng, ajârchu khahei kha kachârsō jo hei, khana tûte’m khana khan sele mak jo hei. Ranhring rasa intheimak jo, vahei leh ranhringhei katlânsō jo hei.”

JEREMIAH 9:16

Ke’n anpu anpahei leh anmani’n anta leithei phungmak jât-hei kâra khan kachai kathek sik hei, khana ankhenga kaman hmangpet mak hei hma seng ankadōi sik a remi kahei tir sik hei.”

HOSEA 4:3

Khava jâra ram shung hi hong kachâr sik, hiva chunga aka-om rakip karampet sik hei. Ramsha leh vahei khana ngahei kapha kathi sik hei.”

JOEL 1:11

Hlei kathlōhei, inreng ruh; thei rahōn kathlō nangni ông ruh, ajârchu gehu, bunim hei kadik, kara rakip inhmangpet jo.

JOEL 1:14

Bu anhngōina sik ṭong pek hei ruh; mipui intûpna sik bek ruh! Hlamkakeihei leh Judah mi rakip Rōngpu nan-Pathen Bek-inna mantûp hei ruh khana ahnenga ôn ruh.

JOEL 1:15

Rōngpu kani kha kahnai jo; Akahratpen in inhmangna ahei rôn sōtna kha. Khava kani khan heituk ṭit ka-om mo ahei rôn sōt sik!

JOEL 1:8

Nuhngâk inkhat in a-ompui sik rether kathia ṭajai asui kapōa, mipui nangni ṭap ruh.

AMOS 3:13

Chunghnung Rōngpu Akahratpen khan ati, “Tûn rangei ruh, Jacob sōn leh pârhei manse hei ruh.

AMOS 5:27

ke’n nangni Damascus rekhat a rehringa kaṭhōisōt chei pha khan nantakadom sik jo hei kae,” tia arahming Akahratpen Rōngpu’n ati.

AMOS 8:10

Nanrehōi hei kha kathi hrena kamanchang sik, nan-inpâkna hlahei kha inrengna leh ṭapna kamanchang sik. Nanlu kamankek sik, borapōn kamansi sik chei, khana ansanei inkhat rōk thina ṭajai kasui nu leh pahei kapōa kamanchang sik chei. Achaina kani kha inrengna kachang sik.

AMOS 8:3

Khava kani ning reng-innpuia hlasakna kha ṭajai suina’n athleng sik. Hmun rakip a kathi kalōng kasip sik jo. Kathi kalōnghei kha marûk a anhlonsōt sik jo hei.”

MICAH 1:8

Khava sōa Micah’n ati, “Hiva jâra hin kei malung kanguia ṭajai kasui sik. Kei kake rōksaia khana pōnbōia kalôn sik eng. Ram-ui kapōhrep a inhrâm sik eng khana Valen kapōa kakhōng sik eng.

MICAH 2:4

Khava pha kha ahong pha, mihe’n nangni thuhming kha inrengna tekhing inkhat a anhmang sik, nangni taleithōk chungchânga hiva inrengna hla hi anmani’n anhongsak sik: Keini inhmang cher jo ung! Rōngpu’n kanram alopek jo ung Keini rehringa anikasur hei hneng apek jo ung.”

ṬONGPHÔNG 18:10

Amanu demanrim kha anmani’n anṭit jâra, kahlatak a kangir heia anhri. “Heituk-hrep a ṭit ka-om jo mo! Heituk a kaja aka-om mo! Hiva Babylon khōpui hi akalenpen leh akalûrpen kae! Pung khat rōk shunga karâkna hing’hin nahmu joa kae!”

ṬONGPHÔNG 18:19

Khana anlu chunga vaiphin ankathek a, kaṭap heia ṭajai ansuia anti, “Hiva khōpui kalen sik hin heituk-hrep a malung natna ka-om, heituk-hrep a ṭit ka-om jo mo nu! Hiva khōpuia inphut tui-ôngpui chunga rakōng katôr rakip in amanu nei jâra antahao kae! Khana pung khat rōk shunga anei rakip inhmang joa kae!”