AMOS 5:11 - LEKHARABU INTHENG (BSI)

¹¹ Sarahei nanmanrim hei, ansâng hei nankasut hei. Khava jâra a’nnejap hlung inna om mak tin chei, khana vomhrui thei kaṭha nantaling rahōn heia inphut vomhrui ju inmak tin chei.

AMOS 5:11 ပူးပေါင်းရင်းမြစ်များ

JOB LEKHARABU 20:19

ajârchu anmani’n misarahei kha an-ôt heia donmak hei khana mi tasaksa inn ankasut heia kae.

ISAIAH 16:10

Hleihmun kaṭhahei chunga tûte inpâk om mak jo. Vomhrui thei rahōn shunga hla kasak, aka-ông tûte om mak jo. Vomhrui ju syemna sik a tûte’n chōn kahnur mak jo; inpâkna rasa kabâng jo.

EZEKIEL 26:12

Nanei leh hao khana inveina neinâk-hei vâng anbinga insyemṭhatna annei sik jo. Narape kha ankeimathlâk sik jo khana enhme kaṭha innhei kha anvōkkhōi sik jo hei. Anmani’n hlung, thing khana hlung kaphok rakip anloa tuipui shunga annam manhlut sik.

EZEKIEL 34:21

Taksa kadam mak kha vângting nannamsōt a rup kâra inphut nansuk hlon heia kae.

HOSEA 9:2

Tâk-kha inrangtak a sâng leh olive thai nankatluk a neimak tin chei, vomhrui ju kha’m om mak jo ning.

LEVI-DÂN 26:16

karâkna kapek sik chei. Nanchunga inreng khōdeng theina kamathlung sik, damthei lo hrise leh hritlun khan nanhmit amancho sik khana nahringkhō aradûk reng sik jo chei. Hmuchi nanvor sik tâk akaṭha heite sōk mak ning, ajârchu nan-inrepuihei khan antor sik chei khana nanta manhmông hei kha anmani’n ansâk sik.

AMOS 2:6

Rōngpu’n ahri, “Israel he’n ave-avea setna antlo jo, khava jâra anchunga karâkna kapek nger sik kae. Anmani’n mikadik-hei, ansêrbat kapek tor mak, kekōk kop khat man akapektor mak sarahei kha, sōk a anjōr hei.

AMOS 2:7

Anmani’n mi katlasam hei, inthōpuina kaneimak hei, anchōn rachi hei khana sarahei kha hlamdunga inphut ankanok hlon heia kae. Apa leh asapa khan sōk nuhmei inkhat kha rakhum an-inchunpui sap, hiva jâra hin kei rahming intheng kha anmanbōk jo.

AMOS 3:15

Phebi leh khōlum thla a inhngatna innhei kasuk mathlek sik. Saipui ha vânga antamanret inn katlu hei sik; inn kalen rakip sukset sik hei kae.”

AMOS 3:9

Egypt leh Ashdod reng-innpuia ka-om hei hneng hivahi manthei hei roh: “Samaria kimvea hmebung heia intûp ruh, khana ṭōn injenmak leh ṭōnse antatlo so enruh.”

AMOS 4:1

Samaria nupuihei, Bashana kaṭhadek a antavei sehrat pui kapōa akathai hei, akatlasam êngset a akatlohei, sara kasuk inrim hei, anpuise he’n ju anta heichoi pek sik a akahngâk-hei, hiva ṭong hi rangei ruh!”

AMOS 6:11

Rōngpu’n ṭong apek pha khan inn kalen, inn kasinhei avōk khōipet sik jo hei.

AMOS 6:12

Shakor he’n hlungpui chunga akatlân hei mo? Tu inkhat in tuipui shunga sehratche vâng hlei akhōi mo? Tâk-kha nangni chu akadik kha tûr nanmanchang jo, akadik kha akaṭhe nanmanchang jo.

AMOS 8:4

Hivahi rangei ruh, mi kachâm akachōn rachi hei, ram shunga sarahei inhmangna katlohei.

AMOS 9:14

Kamihei anrama kaheiṭhōi male sik hei. Ankhōpui insetsō hei kha ansyem manther sik, khan ka-om sik hei; vomhrui rahōn ansyem sik a kha khava theiju kha an-in sik; Rahōn ansyem sik a kha antaling kha ansâk sik.

MICAH 1:6

Khava jâra Rōngpu’n ati, “Ke’n Samaria hi ramhânga sukset manbuk kamanchang sik, vomhrui theikung lingna kamanchang sik. Khōpuia hlunghar hei kha phaichamting kaheihlon sik, khana khōpui innhmun kha akarōksaia ka-om sik jo.

MICAH 2:2

Anmani’n hlei anmadu pha, khavakha ansur; inn anmadu pha, anlo hei. Tûte inkhat innshung karōi kha hrung theina om mak a kae.

MICAH 6:15

Sachi bechi nanvor sik tâk akara khômmak tin chei. Olive thei nan-ep sik, tâk ahei tik a’m hmangtor mak tin chei. Ju nansyem sik, tâk ahei tik a’m inmak tin chei.

ZEPHANIAH 1:13

Annei ansum mi’n anchom sik khana an-innhei sukmathlek sik hei kae. An-inn sakna shunga khan anmani om tor mak hei ning khana anvomhrui lingna rahōnna inphut theitui inmak hei ning.”

HAGGAI 1:6

Nangni’n sâng hingja nanvor, tâk apâr ajingte rōk nankhôm. Sâk sik a bu nannei, tâk nanvon khopna sik katluk a neimak chei. In sik a vomhrui ju nannei, tâk inruina sik katlunga neimak chei! Pōn nannei, tâk nanlumna sik katluk a neimak chei. Khanna ṭōnkatlo he’n anhringna sik a hlotor mak hei.

MALACHI 1:4

Edom mi, Esau sōn he’n anti, “Kankhōpuihei suk manhmanga ka-om jo hei, kha’num kanlasak manther nôk sik,” khava pha Rōngpu’n amasôn sik hei, “Anmani’n sak nôk hei rasoh, ke’n kasukset nôk sik hei. Mihe’n, ‘Ram kaṭhamak’ leh ‘Rōngpu’n ahei tik a ahnuk anatsan jât-hei’ anti sik hei.”

DÂNRABU INHNINA 28:30

“Nuhngâk inkhat leh ṭong inchai sik chei, tâk mi inkhat in a-ompui sik. Inn nansak sik, tâk omnatet mak tin chei. Vomhrui nanling sik, tâk akara chu sâktet mak tin chei.

JAMES 2:6

Tâk-kha sarahei kha kajamak hei chei! Tuhei mo nangni kasuk inrim leh ṭong tanna nankakeihei kha? Mikaneihei hi kae!