AMOS 4:8 - LEKHARABU INTHENG (BSI)

⁸ Dangchâra kachâm sik hei, khōpui katamtak a mihe’n tui kajonga khōpui inkhat a vakase sik hei, tâk khava khan tui in sik katluk a om mak. Khava katlunga’m kahnenga hong inlemak chei.

AMOS 4:8 ပူးပေါင်းရင်းမြစ်များ

RENGHEI INKHATNA 18:5

Ahab in Obadiah hneng ahri, “Eini se me sona ram shunga tuiripût leh tuidung shung va-en hei rih, shakor leh shakōrtung hei hringna sik a kahar vajong rih. Ranhei hi ankhenga manthipet loa ka-om thei khet sik heia kae.”

ISAIAH 9:12

Nisō ting Syria khana tlaitlâk ting Philisti he’n Israel madena sik anbei ka-âng jo hei. Kha achang inum Rōngpu hnuk natna kha la’nchai mak; karâkna pekna sik heia akut akalâng ṭhak a kae.

JEREMIAH 23:14

Tâk-kha Jerusalema sânkathem he’n akaset chet antlona kha kahmu jo: kajông heia maleisei ṭong anhri; akadik mak tlona kha tûte inkhat in anbâng makna sik, akadik mak tlona sik a mi an-inthōpui hei. Kei sik a chu anmani seng hi, Sodom leh Gomorrah kapōa ṭhamak hei.

JEREMIAH 3:3

Khava jâra khō sûrmak jo, zerkhōa khō pherpher kha jōngtla mak jo. Nang hi noti hmaisō napō, inzak ti hi’m manhret mak jo che.

JEREMIAH 3:7

Ama’n khaseng atlosōa, kahnenga hong inle nger sik tia kaleimandon. Tâk-kha ama hong inlemak, khana taksenthei kachangmak anainu Judah um khava seng kha aleihmu.

JEREMIAH 5:3

Rōngpu’n taksenthei kachang kha ajong kae. Ama’n nangni avōk jo chei, tâk rangei dekmak chei; ama’n asukset chei, tâk inchu hnōmdek mak chei. Nanracham kase khana nansetna inphut hei inhe mak tin chei.

HOSEA 11:5

“Anmani kahnenga he’nle sik hnōm mak hei, khava jâra Egypt a a’nle nger sik hei kae, Assyria he’n anchunga vai antarôn sik kae.

HOSEA 7:10

Israelhei ṭong rangei makna khan anmani chunga a-ôngsan heia kae. Hei-hei aleisōk jo tâk inum, Rōngpu an-Pathen kei hneng he’nle mak hei

AMOS 4:6

“Nankhōpui rakip a vonṭâm heikachoi kha kei eng kae, achang inum nangni kahnenga hong inlemak chei.

MICAH 6:14

Nangni’n nansâk sik, tâk khoptor mak tin, kadiktak a chu nanvon kaṭâm ṭhak sik. Nangni’n ṭōn nantlosōt sik, tâk khahei kha damanbuk tor mak tin chei; nangni’n nantabuk hei kha ke’n rea kamanhmang sik hei.

HAGGAI 1:6

Nangni’n sâng hingja nanvor, tâk apâr ajingte rōk nankhôm. Sâk sik a bu nannei, tâk nanvon khopna sik katluk a neimak chei. In sik a vomhrui ju nannei, tâk inruina sik katlunga neimak chei! Pōn nannei, tâk nanlumna sik katluk a neimak chei. Khanna ṭōnkatlo he’n anhringna sik a hlotor mak hei.

HAGGAI 2:17

Nangni’n mankek sik a nantlona rakip manhmangsōna sik a thli kalum leh kahre kahei tir, kha’num nanmalung thleng dekmak chei.