AMOS 4:11 - LEKHARABU INTHENG (BSI)

¹¹ “Ke’n Sodom leh Gomorrah kasuk manhmang kapōa nangni ṭhahrep khat kasuk manhmang jo chei. Nangni akahring chei kha hmei takâng khōnghre kapōhrep ka-ang jo chei. Kha’num kahnenga hong inledek mak chei,” Rōngpu’n ati.

AMOS 4:11 ပူးပေါင်းရင်းမြစ်များ

ISAIAH 13:19

Babylon kha rengram kahōipen kha kae; hivahi amihei inlensakpui kha kae. Tâk-kha Rōngpu ke’n Babylon kha Sodom leh Gomorrah kamanhmang kapōa kamanhmang sik jo!

ISAIAH 7:4

Insing theitak a, kadaia a-omna sik, khana ṭit leh inperloa khana lungdongloa a-omna sik manthei roh. Hmei omloa hmeikhu kasōk thingbong kapō kha tei loa Reng Rezin leh Syriahei khana Reng Peka hnuknat kha ṭit sik om mak.

ISAIAH 9:12

Nisō ting Syria khana tlaitlâk ting Philisti he’n Israel madena sik anbei ka-âng jo hei. Kha achang inum Rōngpu hnuk natna kha la’nchai mak; karâkna pekna sik heia akut akalâng ṭhak a kae.

JEREMIAH 23:14

Tâk-kha Jerusalema sânkathem he’n akaset chet antlona kha kahmu jo: kajông heia maleisei ṭong anhri; akadik mak tlona kha tûte inkhat in anbâng makna sik, akadik mak tlona sik a mi an-inthōpui hei. Kei sik a chu anmani seng hi, Sodom leh Gomorrah kapōa ṭhamak hei.

JEREMIAH 49:18

Sodom leh Gomorrah khana ansir anpanga khōpuihei suksetna asōk pha omchen aleikasōk kapōhrep a, Edom chunga akasōk sik kae. Khava hmun a khan ahei tik a tûte om nôk mak jo ning. Rōngpu ke’n kahri jo kae.

JEREMIAH 5:3

Rōngpu’n taksenthei kachang kha ajong kae. Ama’n nangni avōk jo chei, tâk rangei dekmak chei; ama’n asukset chei, tâk inchu hnōmdek mak chei. Nanracham kase khana nansetna inphut hei inhe mak tin chei.

JEREMIAH 50:40

Sodom leh Gomorrah khana anhneng vena khōpuihei, ke’n kasukset hei pha, omchen akasōk kapōa, Babylon chunga in-angtlinga kasōk sik a kae. Mihring tûte khava hmun a om nôk mak jo hei ning. Rōngpu ke’n kahri jo kae.

EZEKIEL 24:13

Jerusalem, jông leh kîk omchen khan nang amanbōk jo che. Ke’n mantheng sik chea karei inum, nang kabōk a ka-om injôn che. Nang hi kei hnuk natna ratha inhnak kha namanhret mak hma seng chu intheng mak jo tin che.

HOSEA 11:5

“Anmani kahnenga he’nle sik hnōm mak hei, khava jâra Egypt a a’nle nger sik hei kae, Assyria he’n anchunga vai antarôn sik kae.

HOSEA 11:8

“Israel, ke’n heikhong mo kamasōtor sik che? Heikhong mo ke’n kadahlon tor sik che? Ke’n Adma kasuk manhmang kapōa, nang kasuk manhmang tor sik che mo, achangmak leh Zeboiim kapōa nachunga katlo tor sik mo? Kamalung in kha amantlo mak ning! Kalungsetna che kha kangar hêra kae.

AMOS 4:6

“Nankhōpui rakip a vonṭâm heikachoi kha kei eng kae, achang inum nangni kahnenga hong inlemak chei.

HAGGAI 2:17

Nangni’n mankek sik a nantlona rakip manhmangsōna sik a thli kalum leh kahre kahei tir, kha’num nanmalung thleng dekmak chei.

ZECHARIAH 3:2

Rōngpu ngeva khan Seitan hneng, “Rōngpu’n nang maset peche rasoh, Seitan! Jerusalem inlungset Rōngpu’n maset peche rasoh. Hiva mipa hi hmeishunga a’nkeisōt sungtlōn kapō kae,” ati.

ROMANHEI 9:29

Hing’hin hma a Isaiah in aleihridek kapōa, “Chunghnung Rōngpu khan eini tu leh sa ṭhahrep aleidahlon pek mak me’nchu, eini Sodom leh Gomorrah kapōa aleikachang sik me kae.”

CORINTHIANHEI INKHATNA 3:15

Tâk-kha tu achang inum aṭōntlo kha akâng inhmang jo’nchu, tloman kha inhmang sik jo; kha’num ama khet chu hmeimale kâra inphut a akasōksōt kapōa hukmanhring kachang sik.

DÂNRABU INHNINA 28:24

Khōsûr kanek a, nangni suk manhmang hma seng, Rōngpu’n ravut leh nêrdi thlipui ajōngtir sik.

DÂNRABU INHNINA 29:23

Hleipuk-hei kha hleichi kachang sik hei, kat leh chi kasip sik; heite kekmak ning, phi kapha’m kekmak ning. Nanram kha Rōngpu’n ahnuk hmei kapōa anat lai Sodom leh Gomorrah, Adma leh Zeboiim khōpuihei amanhmang kapōa kachang sik hei.

PETER INHNINA 2:6

Pathen in Sodom leh Gomorrah khōpuihei kha maset amanchen a, hmei vâng asuk manhmang hei, khana bek-ôi kaneimak hei chunga heimo ajōng katlung sik man enna hei kha aleitlo heia kae.

JUDE 1:23

hmei kâra inphut keisōt hei una hukmanhring hei ruh; khan chu alak he’m ṭitpum a inchunpui hei una anchunga nanlung setna malâr ruh, tâk anhur leh êm setna kabek anpōn leh der khachu mater ruh.

JUDE 1:7

Khan nôk chu Sodom leh Gomorrah, khana ahneng vena khōpui mihe’n, khava ngevahei taleitlo kapōa omchen kadikmak antatlo leh anjôngna hei kha: mi rakip mansena sik inkhat a kumsôt hmei vâng karâkna antahmu kha mandonsōt ruh.

ṬONGPHÔNG 9:20

Khana hiva hrise tathatmak hei seng kha’num, anṭōnse tlona inphut anmalung thleng dekmak hei. Anmani’n rathla ravaihei leh sana vâng, dangka vâng, sum-êng vâng, hlung vâng leh thing vânga limhei, rasa katheitor mak leh hmit kahmu tor mak, lôn um akalôntor mak hei kha, kamukna bângmak hei.