AMOS 4:10 - LEKHARABU INTHENG (BSI)

¹⁰ “Egypt a kalei tir kapōa nankâra hrise kamasō jo. Nansa retherhei re shunga kathat hei khana nanshakor kalosōtpek chei. Nanhnâr hei kha nanrephōra mi kathi marim kase kha kamanhnam chei. Kha’num kahnenga hong inledek mak chei.

AMOS 4:10 ပူးပေါင်းရင်းမြစ်များ

RENGHEI INHNINA 10:32

Khava pha Rōngpu’n Israel ram kha amansin chet jo. Syria Reng Hazael in Israel ramṭhen rakip aleilo jo

RENGHEI INHNINA 13:3

Khava jâra Rōngpu’n Israel chunga ahnuk kana hêr, khana Syria reng Hazael leh asapa Benhadad he’n ave-avea torna amannei hei.

RENGHEI INHNINA 13:7

Jehoahaz kha shakor remi 50, gâri 10, ke remi 10,000 tei loa remi neimak jo, ajârchu Syria reng in alakseng chu, vaiphin kapōa achōn rachi heia amanhmang sō jo hei.

RENGHEI INHNINA 8:12

Hazael in ader, “Oja, heijâra mo akaṭap che?” Elisha’n amasôn, “Nang in Israel mihei chunga ṭit ka-om tak omchen nahei tlo sik hei kha ke’n kamanhret jo. Nang in anmani rephōrhei hmei naro sik, rether hme kaṭhapen hei nathat sik hei, ansa naipanghei nasuk that sik hei, khana sakarôn nuhmeihei anvon na-ât khōipek sik hei.”

SŌKSŌT 10:27

Rōngpu’n reng malung kha amanngarpek a, anmani leimanse mak jo hei.

SŌKSŌT 10:3

Khava jâra Moses leh Aaron kase heia reng hneng, “Rōngpu, Hebrewhei Pathen in hing’hin ahri, ‘Heichen katlung mo kahnenga ahong inkun mak sik che? Kamipui he’n kei ankamuk theina sik eng masōsōt jo heiroh.

SŌKSŌT 14:4

Ke’n amalung kamanngar pek sik, ama’n nangni ahnong sik chei, khana rengpa leh aremihei chunga Kei retorna khan ke’n mihei kajana kha kachen sik kae. Khana Egypt he’n kei Rōngpu eng kae tia anmanhret sik jo eng,” ati. Israel he’n antamanthei hei kapōa anleitlo jo.

SŌKSŌT 15:26

Ama’n ahri, “Nangni’n kaṭong nanjuia ke’n kadik kati kha pui katluk a ṭōn vânga nantlosōt inchu, Egypt mihei chunga hrise kaleimasō inkhatbek vâng khan nangni karâkmak chei ning. Kei nan-indampa, Rōngpu eng kha kae.”

SŌKSŌT 8:19

khana hmitphedôi kathem he’n reng hnenga anhria, “Hivahi Pathen tatlo kae!” anti. Tâk-kha rengpa kha amalung kangara kae, Rōngpu’n aleihri kapōa, Rengpa khan Moses leh Aaron tahri kha heite rangei mak a kae.

SŌKSŌT 9:12

Tâk-kha Rōngpu’n aleihrisa kapōa rengpa malung amansak pek a Moses leh Aaron ṭonghri leirangei mak.

SŌKSŌT 9:17

Tûn katlunga hinum heite donlo chea kamipuihei mansesōt sik lahnōm mak che.

ISAIAH 34:3

Ankathi kalōnghei kha hreloa khanga kathua kaṭop inthla sik hei, khana anthisen kha tlâng chunga kasensō sik.

ISAIAH 50:11

Nangni milak inhmangna sik ṭōn intluk rakip nanta mantluktak khan amanhmang sik chei. Rōngpu amatak in hivahi amasō sik kae; nangni vângset inhnaktak n antaratō sik kae.

ISAIAH 9:12

Nisō ting Syria khana tlaitlâk ting Philisti he’n Israel madena sik anbei ka-âng jo hei. Kha achang inum Rōngpu hnuk natna kha la’nchai mak; karâkna pekna sik heia akut akalâng ṭhak a kae.

ISAIAH 9:13

Israel mipuihei kha la’nsir mak hei; Chunghnung Rōngpu’n karâkna apek hei katlunga, ahnengting he’nle dekmak hei.

ISAIAH 9:17

Khava jâra Rōngpu’n retherhei kha mantlânsōt mak hei ning, khana renghmei leh nu leh pa kase inkhatbek chunga lungsetna malârmak ning, ajârchu mi rakip Pathen neimak hei, ṭhamak hei, khana antahri rakip akaṭhamak rōk kae. Kha achang inum Rōngpu hnuk natna kha la’nchai mak ning, tâk karâkna pekna sik a abân alakalâng ṭhak sik.

JEREMIAH 11:22

Khava jâra Chunghnung Rōngpu’n ahri, “Ke’n anmani karâkna kapek sik hei! Anrether hei rehmun a anthat sik hei; ansahei vonṭâma kathi sik hei.

JEREMIAH 15:3

Rōngpu ke’n ṭit ka-om ṭōnse inlak 4 hi anchunga mathlung sik a kamantluk jo: anmani rehmun a antha sik hei; ankalōng uihe’n ankei radâk sik hei; vahe’n ansâk sik hei, ramsha he’n a’nhleibanghei kha ansâk sik hei.

JEREMIAH 16:4

Anmani ṭit ka-om hrisea kathi sik hei, khana anmani hei sik a tûte inkhat in ṭajai suimak ning, vûmmak hei ning. Ankathi kalōng kha raleia akabōk manbukṭak kapōa inte lele sik hei. Anmani re shunga a-emak leh vonṭâma kathi sik hei, ankalōng hei kha vahei leh ramshahei sâk leh in kachang sik hei.

JEREMIAH 18:21

Tâk-kha Rōngpu, tûnchu, ansahei vonṭâma thi hei rasoh; rehmun a thi hei rasoh. Nupui he’n anpuisehei leh ansahei manhmang hei rasoh; pase he’n natsea thi hei rasoh, khana rether he’n re intukna that hei rasoh.

JEREMIAH 48:15

Moab leh akhōpuihei sukset kachang jo hei, arether kaṭhapen hei kha anthat manram hei. Chunghnung Rōngpu, reng kha kei eng kae, khana ke’n kahri jo kae.

JEREMIAH 49:26

Khava ning khan anrether hei kha hlampuia anthat sik hei, khana anremihei kha anthat manramsō sik hei.

JEREMIAH 5:3

Rōngpu’n taksenthei kachang kha ajong kae. Ama’n nangni avōk jo chei, tâk rangei dekmak chei; ama’n asukset chei, tâk inchu hnōmdek mak chei. Nanracham kase khana nansetna inphut hei inhe mak tin chei.

JEREMIAH 6:11

Anmani chunga nahnuk natna khan ke’m atôn eng, Rōngpu, ke’n, khavakha detor mak eng.” Khava sōa Rōngpu’n kahnenga ahri, “Hlampuia naipanghei leh rether intûp hei chunga kahnuknat kha sun mathla roh. Sanghram hei, annuhmei leh anpuisehei kha ṭhōisōt sik hei kae, akaterber hei kapha’m ṭhōisōt sik jo hei kae.

JEREMIAH 9:22

Kathi kalōng in hmun rakip a inchai kathek jo hei, hlei laia ralei thai manbuk ka-ang jo hei, sâng ka-ât he’n an-âtsō leh antadahlon ka-ang jo hei, tûte’n antakhôm mantûp mak hmuchi kha ka-ang jo hei. Rōngpu’n kahnenga amanthei eng hri sik ṭong kha hivahi kae.”

HOSEA 11:5

“Anmani kahnenga he’nle sik hnōm mak hei, khava jâra Egypt a a’nle nger sik hei kae, Assyria he’n anchunga vai antarôn sik kae.

JOEL 2:20

Ke’n sak tinga akahong khâikhu remihei kalosōt sik hei ṭhahrep chu nêrdiram ting kahnong sōt sik jo hei. Anhma tinga hlamkakeihei kha Tuipui Kathi dunga kahlon sik hei, kahnung tinga hlamkakeihei kha Mediterranean a kahlon sik hei. Ankathi kalōng kha anmarim kathu sik. Nangni chunga antlona chei jâra kaman hmangpet sik hei.

LEVI-DÂN 26:16

karâkna kapek sik chei. Nanchunga inreng khōdeng theina kamathlung sik, damthei lo hrise leh hritlun khan nanhmit amancho sik khana nahringkhō aradûk reng sik jo chei. Hmuchi nanvor sik tâk akaṭha heite sōk mak ning, ajârchu nan-inrepuihei khan antor sik chei khana nanta manhmông hei kha anmani’n ansâk sik.

LEVI-DÂN 26:25

Ni-intepna kha nanvōk khōi jâra nanchunga re kamasō sik, nan-inhrungna sik a nankhōpui heia nan inkhôm inchu, akadam theimak hrise nankâra kahei tir sik, nan-inrepuihei hneng rumhrat tak a amanhlut sik chei.

AMOS 4:6

“Nankhōpui rakip a vonṭâm heikachoi kha kei eng kae, achang inum nangni kahnenga hong inlemak chei.

AMOS 8:3

Khava kani ning reng-innpuia hlasakna kha ṭajai suina’n athleng sik. Hmun rakip a kathi kalōng kasip sik jo. Kathi kalōnghei kha marûk a anhlonsōt sik jo hei.”

HAGGAI 2:17

Nangni’n mankek sik a nantlona rakip manhmangsōna sik a thli kalum leh kahre kahei tir, kha’num nanmalung thleng dekmak chei.

DÂNRABU INHNINA 28:21

Nanomna sik ram a nangni inkhatbek hringmakna sik a hrise inkhat bâna inkhat ajōngtir sik.

DÂNRABU INHNINA 28:22

Hrise natna, khōihli leh hritlun vânga Rōngpu’n avōkna sik chei; nanhmuchi kasukset sik a khōchar leh thli kalum inhnak ahei tir sik. Hiva inrimna hi nanthi mak hma seng nanchunga ka-om sik.

DÂNRABU INHNINA 28:60

Egypt ram a antaratō jo ṭit ka-om nat rakip ave nôk a nanchunga ajōng rôn sōt sik, dam hêrmak tin chei.

DÂNRABU INHNINA 7:15

Egypt ram a antaratō kapōa nanchunga hrise heite heirônsōt mak ning, Rōngpu’n natna rakip a inphut ahrung sik chei, tâk hihei hi nankadōihei chunga amathlung sik.