AMOS 3:6 - LEKHARABU INTHENG (BSI)

⁶ Mipui in ṭitna neiloa re pengkun kha khōpui shunga a’nhring mo? Rōngpu’n ahei tir mak inchu khōpui kha khōdeng theina akasōk sik mo?

AMOS 3:6 ပူးပေါင်းရင်းမြစ်များ

A’NPHUTNA 50:20

Nangni’n kei chunga ṭhatmak nanleimantluk, tâk Pathen inchu omchen kha aleisōk jâra tuning alakahring mi katamtak hei hringkhō hrung theina sik a khavakha akaṭha ting amalet jo kae.

RENGHEI INHNINA 6:33

Ama’n khanga ahrisō mak lai, rengpa kha heikatlunga ahri, “Nichunga khōdeng theina rakip hi Rōngpu tahei rônsōt kae! Heisik a mo ama’n heikhat atlona sik a kalahngâk ṭhak sik?” ati.

ISAIAH 45:7

Ke’n vâr leh inthim hi kasyem kae; ke’n mahâmṭhatna leh mahâmsetna kahei rôn kae. Hihei rakip hi, Rōngpu ke’n katlosōt kae.

JEREMIAH 10:7

Jât rakip reng nang hi tu’n mo akaja mak sik che? Nang chu kaja sik a narahōi kae. Nang kapō tûte om mak, jât rakip a mikasinghei kâra, khana anrenghei kâr a’m om mak.

JEREMIAH 4:19

Lung natna! Lung nat hi kei thōktor mak eng! Kamalung! Kamalung hi invaia tuk-tuk ati jo! Kei sip katia om tor mak jo eng; ke’n pengkun rasa hei leh rekōnna anpeng rasa kathei.

JEREMIAH 4:5

Ram pumpuia pengkun tum ruh! Rahnaktak leh intheng senga khō ôn ruh! Judah leh Jerusalema mihei kha, rekur tukkhum khōpui heia antlânna sik hripek hei ruh.

JEREMIAH 5:22

Kei Rōngpu eng kae, heisik a mo nantaṭit mak eng? Heisik a mo kahma kunga ṭitpum a a’nnok mak chei? Tuipui ramri sik a ke’n nêrdi hei kha kabuk hei, arakantor mak sik, aka-om ṭhak sik a ramri kae. Tui-ôngpui in asuk lele, tâk-kha khavakha khe tor mak; tui in-nông kha ka-ông thei sik, tâk-kha suk khōitor mak a kae.

JEREMIAH 6:1

Benjamin mihei, nan-inhukna sik a tlân ruh! Jerusalema inphut tlânsōt ruh! Tekoa khan pengkun tum ruh khana Beth Haccherema khan mêrchîkna hmei inkhat syemsōt ruh. Inrengna leh insuksetna sak tinga inphut jōng kasōkbei sik jo.

EZEKIEL 33:3

Ama khan inrepui he’n anhong kha ahmu pha, ama khan mi rakip gîkna sik a ka-ônga kae.

HOSEA 5:8

Gibeah a re tlona pengkun tum ruh! Rama a khōtlâng ôn ruh! Bethavena re tlona hranhla ông ruh! Benjamin sahei, re shunga hlut jo ruh!

AMOS 3:5

Athlai nidapek mak inchu vate kha chânga a’n-ôk sik mo? Amakhapna nisyem mak inchu châng kha akakap sik mo?

ZEPHANIAH 1:16

re intukna pengkun rasa khana rekur tukkhum khōpui leh inn inshâng hei akabuhlu remihei ông rasa sipna kani kha kachang sik.

ZECHARIAH 8:10

Khava pha amak hma khan chu tu mo inkhat in mi achangmak leh ranhei ṭōn mantlotor mak hei, tûte’num a’nrepui heia inphut inhukna neimak hei. Ke’n mi inkhat leh inkhat kamandōi heia kae.

ṬŌNTLOHEI 2:23

Aṭōn mantluk dungjuia Pathen in Jesu kha nankut chunga pek sōt sik a ṭong mathlâkna aleinei; khana makhei hlon sik a set kaneihei kut a nanphesōt a nanleithat jo.

ṬŌNTLOHEI 4:28

Naratha neina vânga tlosōt sik a naleimantluk ṭōn rakip kha tlosōtna sik a le’nkhôm hei.

CORINTHIANHEI INHNINA 5:11

Rōngpu ṭit sik kae tina hei hi keini’n kanmanhret, khava jâra mihei kantamathlem hei kae. Pathen in keini pui katluk a amanhret ung, khana nanmalung shunga ke’m nanmanhret sik eng tia inhōr eng.