AMOS 3:10 - LEKHARABU INTHENG (BSI)

¹⁰ Rōngpu’n ati, “Hiva mihei hi ṭōnse tlona leh innâk-insea neinâk anta heichomsōt vâng rōk a an-innpuihei kasip sōa kae. Heikhonga malung mantheng sik ti kapha’m manhret mak hei.

AMOS 3:10 ပူးပေါင်းရင်းမြစ်များ

JOB LEKHARABU 20:21

Anmani’n ansâk pha sâkbang heite man om mak hei, tâk-kha tûnchu annei kha achaina pha kha kahong jo.

HLAHEI 14:4

Rōngpu’n ader a, “Anmani’n manhret mak hei mo? Hiva ṭhatmak katlo rakip hei hi heite inhret mak rōk hei mo? Kamihei nei leh hao anchom heia kahring hei, khana kahnenga derna neitet mak hei.”

ṬONGCHÎK-HEI 1:13

Nei leh hao katamtak nichen sik khana inru neinâk kha ni-innshung heia kasiptak a nibuk sik hei!

ṬONGCHÎK-HEI 11:16

Lungset kathem nuhmei chu mi’n ankaja, nunchen kaṭhamak nuhmei chu inzakpui ka-om. Ratha kase mi’n ahei tik a’m sêr neimak ning, tâk ṭōntloa phâmrai kase mi chu kahao sik.

ṬONGCHÎK-HEI 28:5

Mikadik mak in ṭongtan kadik kha heimo ti manhret mak hei, tâk Rōngpu inmuk hei khan chu kaṭha anmanhret.

MI INTHEIPA 4:1

Abâna ke’n raleichunga akadik mak rakip hei hi ka-en nôk a kae. Suk manrima aka-om he’n kaṭap hei khana tûte’num inthōpui mak hei. Tûte’num inthōpui mak hei, ajârchu ankasuk inrim he’n anchunga ratha anneia kae.

JEREMIAH 4:22

Rōngpu’n ati, “Kamihei hi kamohei, amanhret mak hei. Anmani naipang kamo ka-ang hei; anmani manhretna neimak hei. Anmani ṭōnse tlona chu kathemhei, tâk-kha ṭōn kaṭha tlona chu them mak hei.”

JEREMIAH 5:4

Khan chu ke’n kamandon, “Hihei hi sara leh a’nhret mak rōk hei kae. Anmani kamotak a kachôn hei; an-Pathen in heimo arangei ti hi manhret mak hei, An-Pathen in heimo amantlo hnōm hei ti kha manhret mak hei.

EZEKIEL 18:7

Tûte inkhat hōnmak khana tu inkhat neinâk chom mak. Sêr kabat inkhat bandhop da kha apek male hei; von kaṭâm hei avei hei khana pōnsi kaneimak hei apek hei.

EZEKIEL 22:29

Mikahao he’n mi anhōn khana anchom hei. Sarahei kha êngset a antlo hei khana khōhmehei chunga hnemna anjong.

EZEKIEL 8:17

Rōngpu’n kahnenga ati, “Akathithei mihring, khavakha nahmu mo? Hiva Judah mihei hi nang in hina nahmu jo mater ka-om omchenhei hi antloa ram shunga intuk inthatna antamanpung rōk hin tlai tor mak hei. Changmak, anmani hiva Bek-inn shunga kapha lakahong nger sik heia kha khanga anvatlo hi sik a kae, khana kahnuk antamannat chet hi sik kae. Enroh, kei dōina heituk a akaethei chenna inzak antapek jo eng mo!

HOSEA 7:1

“Kami Israelhei avea andamna leh ankhangna sik kamadu pha, anmani malung ṭhatmak leh anṭōntlo ṭhatmak rōk kha ke’n kahmu sōt a kae. Inkhat leh inkhat inhōntō hei; inn anvōkkhōia neinâk anchom; hlamlen heia mihei anchom heia kae.

AMOS 4:1

Samaria nupuihei, Bashana kaṭhadek a antavei sehrat pui kapōa akathai hei, akatlasam êngset a akatlohei, sara kasuk inrim hei, anpuise he’n ju anta heichoi pek sik a akahngâk-hei, hiva ṭong hi rangei ruh!”

AMOS 5:7

Akadik maherna kanei leh mihei dikna chunga akahōn hei nangni, inhmang jo cheia kae!

AMOS 6:12

Shakor he’n hlungpui chunga akatlân hei mo? Tu inkhat in tuipui shunga sehratche vâng hlei akhōi mo? Tâk-kha nangni chu akadik kha tûr nanmanchang jo, akadik kha akaṭhe nanmanchang jo.

AMOS 6:3

Nangni insuk inhmangna kani inkhat kahong sik ti hi hnōm mak chei, tâk nanṭōn tlohei khan chu khava kani kha ahei manhnai chet a kae.

AMOS 6:8

Chunghnung Rōngpu’n hiva mansena ka-ôrtak hi apek jo: “Israel mipuihei inlensakna kha kamater; an-innpuihei heitea sak pek mak eng. Akhōpui kalen leh ashunga ka-om rakip an-inrepuihei kapek sik hei.”

MICAH 6:10

Mikaṭhamak-hei innshung heia malung intheng loa antahmu karōi anmanbuk hei. Kei tahōt akadik mak tena hmangchâk anhmanga kae.

ZEPHANIAH 1:9

Jât-hlop hei kapōa kamukna kaneihei, khana ankapupa inn mansipna sik a mi inruhei leh mikathat-hei kha kakarâk sik hei.

PETER INHNINA 3:5

Hmalai Pathen ṭongpek a marvân leh ralei insyem hi anmani’n antadon mak mông kae. Ralei hi tuia inphut tui in aleisyem