AMOS 2:4 - LEKHARABU INTHENG (BSI)

⁴ Rōngpu’n ahri, “Judah he’n ave-avea setna antlo jo, khava jâra anchunga karâkna kapek nger sik hei kae. Anmani’n kaṭong pek juimak hei khana kaman theina donmak hei. Anpu sōnhei tarazen pathen kadikmak mama khan aṭhōi manhmang hei.

AMOS 2:4 ပူးပေါင်းရင်းမြစ်များ

RENGHEI INHNINA 17:19

Khana Judah mipui he’num Rōngpu an-Pathen dânhei kha juimak hei; Israelhei chôndân jui kha anmani’n anmanchua kae.

THUHMINGHEI INHNINA 25:14

Amaziah khan Edomhei kha atorsō heia ahong inle pha khan chu, anmani milim ahei choi hei kha amatungsōt jo hei, akamuk jo hei, khana anhnenga bero aro joa kae.

THUHMINGHEI INHNINA 30:7

Nanpu sōnhei leh nan-Israel u leh naihei, an-Pathen Rōngpu hnenga ṭong kajuimak hei kha pōmak hei ruh. Nantahmu jo kapōa, ama’n inhnaktak a karâkna apek heia kae.

NEHEMIAH 1:7

Nang kadōia ṭhatmak kantlo jo khana naṭongpek kha tlomak jo ung. Nasōkpa Moses a inphut napek ung dân kha keini’n juimak jo ung.

NEHEMIAH 9:26

“Tâk-kha namihei khan inphin heia naṭong juimak hei; nadân a khan anmani’n hnung ansungsi jo. Nang hnengting anlei inhena sik a gîkna kanei sânkathemhei kha anmani’n anleithat hei. Pha khakhat leh nang kha inzakna anleipek che,

ISAIAH 28:15

Nang thina leh kathi vânhnōi leh inhnōmtōna nanei jo jâra inlensak che. Insuk inhmangna ahong pha aṭhensōt sik eng tia inngam che, ajârchu khava maleisei leh mihōnna chunga in-ngai chea kae.

ISAIAH 44:20

Ravut nisâk kapōa lothei kae. Ama mona mandonna khan akeiṭhōia atloje omlo kha kachang jo. Ama’n ata’nchoi limsyem kha pathen changmak ti hi abibinga hnōm mak a kae.

JEREMIAH 16:11

Khava pha Rōngpu’n hinga ahri tia manthei hei roh, ‘Nanpa-nanpu he’n kei andahlon enga, pathen ralak-hei ankamuk a anrazen hei. Kei andahlon enga, kamansena hei juimak hei.

JEREMIAH 16:12

Tâk-kha nangni’n nanpu sōnhei kakhe chet a ṭōnse nantloa kae. Nankhenga nanracham kase khana ṭhamak chei, kaṭong juimak cheia kae.

JEREMIAH 17:27

Tâk-kha anmani’n kaṭong antajui nger sik kae, khana serning kani kha kani intheng inkhat a antaser nger sik kae. Anmani’n khava ning khan phurhrik heite sōngkot a anta’nrôn manhlut mak sik kae, anheirôn manhlut inchu, ke’n Jerusalem sōngkot-hei kha hmei vâng karo sik hei kae. Hmei khan Jerusalem innpuihei kakâng sik hei, tûte’n hmei kha thator mak hei ning.”

JEREMIAH 6:19

Raleichung, rangei roh! Anṭōn mantlukna rakip sik a karâkna inkhat a, hiva mihei chunga inhmangna hi kapek hei kae, ajârchu kaṭong juimak hei khana kaman theina lomak heia kae.

JEREMIAH 8:2

Anruhei kha mantûp heia vûm sik kanek a, anruhei kha ralei pi chunga ram thai kachang sik jo. Hiva mihei talungset leh tarazen hnōm hei khana anṭong jongsuina hei leh antakamuk hei kha kani, thla, khana ârsihei hmaikunga malârsōt sik hei kae.

JEREMIAH 8:9

Nanmi kasinghei kha inzakna anpek jo hei; anmani inhmak jo heia, châng vânga anman-ôk jo hei. Anmani’n kei ṭong lomak hei; hei singna mo tûnhin antalanei?

JEREMIAH 9:14

Khava kanek a, anracham kasea anpu anpa he’n Baal limsyem kamukna sik antamanthei hei kha ankamuk jôk a kae.

EZEKIEL 13:22

“Nangni maleisei hrina khan ke’n malung nat kapek hnōm mak hei, mikaṭhahei malung nanmathlâk pek hei. Mikaṭhamak he’n akaṭhamak tlona kha bâng sik leh anhringkhō inhuk sik kha nankhârpek hei.

EZEKIEL 20:13

Tâk-kha anmani’n nêrdiram a kapha andōi eng. Akajui rakip hnenga hringna kapek sik kadânhei kha anvōkkhōia kae. Anmani’n Châmhngat kani um kajamak hei. Nêrdiram shunga kahnuk natna inhnak kha anmanhretna sik a tlo sik leh suk manhmangna sik a le’ntluk eng.

EZEKIEL 20:16

Ke’n khava intepna kha kasyem, ajârchu anmani’n kaṭong pek anhlonsōt, kadân anvōkkhōi, khana Châmhngat kani anmanbōk, anmani’n anlim hei kha kamuk sik a anmadu chet.

EZEKIEL 20:18

Khava kanek a, ankâra khangdônghei hneng gîkna kapek hei: nanpu-nanpahei dân syem juimak ruh; anmani chôndân juimak ruh a-emak leh anmani limsyem vânga nanbinga inbōkna syem mak ruh kati hei.

EZEKIEL 20:24

Hiva kaleitlo hi anmani’n kaṭong pek anhlonsōt a kadân anvōkkhōi khana Châmhngat kani kha anmanbōk jâra kae; khana anpu anpahei taleirazen limsyem kha ankamuk a kae.

EZEKIEL 20:30

Tûnchu Chunghnung Rōngpu ke’n Israelhei hneng kahri hi manthei hei roh: Nanpusōn he’n anta leitlo setna kha heisa mo nantatlo nôk sik khana an-pathenhei kahnung nantalajui sik?

EZEKIEL 22:28

Sânkathemhei khan sunu kabang vânga intei bang kapōa, hiva setna hi anthup a kae. Anmani’n akadik mak hmangtalâr anhmu khana dik loa hnungṭong anhrisōt. Anmani’n Chunghnung Rōngpu ṭong kha antahri kae anti, tâk-kha Rōngpu ke’nchu anhnenga ṭong hrimak eng.

EZEKIEL 22:8

Hmun intheng hei chunga kajana neimak che, Châmhngat kani nitmak che.

HOSEA 12:2

Judah chunga Rōngpu’n masetna manchen sik anei; Israel hi amihei omchen jâra akarâksa sik kae. Anmani ṭōntlo dungjuia apek male sik hei kae.

HOSEA 12:3

Anpusōn Jacob in anu von shunga a-omlai a’nkoppui a-u Esau kha a’nrepui; Jacob khan ahonglen phale’m Pathen a’nrepui nôk,

HOSEA 6:11

“Khana Judah mi nangni sik a chu, nanṭōn tlona leh nangnihei chunga karâkna sik pha katep jo.

AMOS 1:3

Rōngpu’n ahri, “Damascus he’n setna ave-avea antlo jo, hiva jâra kakarâk nger sik hei kae. Anmani’n Gilead mihei kha hnuk kasetak a anrazen hei.

AMOS 3:2

“Raleichunga phung rakip kâra kamanhret leh ka-ensui jât kha nangni rōk chei kae. Khava khan nangni setnahei kha ṭit ka-om tak amanchang, khava jâra karâkna kapek sik chei kae.”

MICAH 6:12

Mikahao nangni he’n misarahei nanmanbōi heia kae, nangni nankhenga malei kasei chei kae.

HABAKKUK 2:18

Limsyemhei hnemna heimo? Hiva hichu mihring tasyem hnâm kae, hivahin nanhnenga akadik mak tei loa heite hritheimak. Akasyempa’n ataksen theina sik hei ṭhatthei mo atlopek, khava akaṭong theimak pathen hrep khan.

ROMANHEI 1:25

Anmani’n akadik Pathen chungchâng ṭong kha malei kasei inkhat leh anthleng jo; anmani’n ahei tik a choi manshâng sik Ankasyempa kanek a akutsyem neinâk-hei jôk kha ankamuk a anrazen hei! Amen.

THESSALONIANHEI INKHATNA 4:8

Khava jâra, hiva mansena kajuimak mi khan, mihring mansena ajuimak changmak, Rathla Intheng nankapek Pathen mansena kha ajuimak kae.

PETER INKHATNA 1:18

Ajârchu nanpusōn heia inphut hringkhō kahnemmak nantahong chen a inphut, ning leh hnōma masōna apek chei kha nangni’n nanmanhret; khavakha a’nhmangthei sana leh dangka kapō kha changmak;

ṬONGKATANHEI 10:6

Israel he’n Rōngpu kadōia setna antlo nôk jo. Baal leh Astarte, khana Syria, Sidon, Moab, Ammon khana Philistihei pathen limhei ankamuk joa kae.