AMOS 1:14 - LEKHARABU INTHENG (BSI)

¹⁴ Khava jâra Rabbah khōpui bangrape chunga hmei kahei mathlak sik, arekur kakângsō sik. Khava sōa re tuk ning rasa inhnaktak kasōk sik, retlo kha thlipui kapōa inhnak sik.

AMOS 1:14 ပူးပေါင်းရင်းမြစ်များ

SAMUEL INHNINA 11:1

Akum nôk a zerthla renghei anngaia re katlo ansesōt ri pha, David in Joab leh aṭōn karônhei khana Israel remihei kha atir jo hei; Ammonhei kha antor heia Rabbah khōpui kha anhlō jo. Tâk David chu Jerusalema leika-om.

SAMUEL INHNINA 12:26

Khava pha Joab in Ammon khōpui karônpen Rabbah hlōna sik a retlo amanjōm nôk a khana ahlōvet jo pha.

SAMUEL INHNINA 12:31

khana khava mihei kha thing ka-ât, thir chemcha leh thir hreicha kakheng ṭōn amantlo hei, khana rumhrat tak a ṭek amansyem heia kae. Ama’n hing’hin Ammon khōpui rakip a mihei kha ṭōn amantlo hei. Khava sōa ama leh amihei Jerusalema inle jo hei.

THUHMINGHEI INKHATNA 20:1

Khava bânna zerkhōa, reng he’n kum a re tuk ansena pha a, Joab in remi aṭhōi heia Ammonhei ram a re avasō jo; kha achang inum Reng David chu Jerusalema leika-om. Remihei khan Rabbah khōpui kha ankekhum jo, anbuhlu jo, khana ansukset jo.

JOB LEKHARABU 39:25

Pengkun aheitum manhring akaia anhnar anrakhōng ri; rehmun anhnai jo pha re marim kha anmarimdek, rehlam kakeihei ṭongpek rasa kha antheidek a kae.

HLAHEI 83:15

thli inhnak vânga khan manṭit hei roh, nathlipui thlihrem vâng khan manlōisōt hei roh.

ISAIAH 29:6

Chunghnung Rōngpu’n thlikhō inphe leh lingnu innok leh inṭhōia ahuksōt sik che. Khan chu thlipui leh hmei kasûk ajōngtir sik hei;

ISAIAH 30:30

Rōngpu’n alûrna kare rasa leh ahnuknat rathahrat kha mi rakip amanthei et sik hei. Khana khan hmei male, sumtuk kapōk-khōi, kahre leh khō kasûr inhnak kasōk sik.

ISAIAH 9:5

Re kakōn hei kekōk leh thi kakop pōnsi derkei seng hmei vâng ro manvâm kachang sik.

JEREMIAH 23:19

Ama hnuknat kha thlipui kae, mikaṭhamak-hei luchunga amaher sik hnuk kasetak thli kha kae,

JEREMIAH 49:2

Kha’num apui karôn khōpui Rabbah mihei kha re innok rasa kaman theina sik hei pha kha kahong jo, inhmanga dahlona ka-om sik hei khana ankhō kasinhei kha hmei in akâng mathlâk sik hei. Khava sōa Israel in aram kha ahnenga inphut aleikalo heia inphut alomale nôk sik.

EZEKIEL 21:20

Hlam inbâk inkhat khan rengpa hneng Ammonhei khōpui Rabbah sorna hlam kha amanthei sik khana hlam inkhat khan Judah sorna hlam, rape a’nkhârkhum Jerusalem tlungna amalârpek sik.

EZEKIEL 21:22

Tûnchu! Achang tinga akut khan ‘Jerusalem’ kahnget the kha amatu jo! Khava khan ahnenga sena sik leh vōkkhōina thingpum makheina sik a, khana khavakha kekot sukkhōina sik mantluk sik a, re tloa ôngna sik a, ralei manbuk a, rekur tukna sik a amanthei jo.

EZEKIEL 21:25

“Nangni mikaṭhamak, a’nthengmak Israel vaikarônhei, nangni kani, achaina nanṭong tanna kani kha kajōng jo.

EZEKIEL 25:5

Ke’n Rabbah khōpui kha sharîngsei khemna kasyem sik, khana Ammon ram pumpui kemōng khemna kasyem sik, kei hi Rōngpu eng kae tia nanmanhretna sik enga kae.

EZEKIEL 25:7

Khanga nantlo jâra, nankachom sik leh nankasukset sik jât-hei kut a kapek sōt sik chei. Nangni jât inkhat nanchang makna sik khana nanram khet nannei makna sik a pui katluk a kamanhmang sik jo chei. Khava sōa kei hi Rōngpu eng kae tia nanhong manhret sik jo eng.”

DANIEL 11:40

“Syria rengpa kha ahong inchai sik jo pha, Egypt rengpa’n ama chunga re aheitlo sik, khana Syria rengpa’n aratha neina rakip asonga shakor gâri, shakor leh tuirakōng katamtak ahmang sik. Ama’n tuikalen kapōa, rengram katamtak a re asō sik.

AMOS 2:2

Khava jâra ke’n Moab chunga hmei kajōng mathlâk sik, Kerioth rekur kakângsō sik. Moab mihei hi remi he’n an-ônga pengkun anheitum pha, re rasa rōk khan kathi sik hei.

ZECHARIAH 7:14

Thlipui kahrâng kapōa ke’n anmani miram a kamantlensōt hei. Hiva ram kaṭha hi ramhânga, ashunga tûte omloa andahlon jo.”

DÂNRABU INHNINA 3:11

(Reng Og hi Rephaim reng inchaina kae. Ama kalōng sik rakōng kha adung metre 4 kasei, avai kha sedâna tena dungjuia metre 2 kapō inpek hlung vâng ansyem kae. Khavakha tûn katlung Ammonhei khōpui Rabbah a nilahmu ṭhak a kae.)