AMOS 1:12 - LEKHARABU INTHENG (BSI)

¹² Khava jâra Teman khōpui chunga hmei kamathlâk sik khana Bozrah rekur aro khum sik.”

AMOS 1:12 ပူးပေါင်းရင်းမြစ်များ

ISAIAH 34:5

Rōngpu kha marvâna inphut achemjâm amantluk jo, khana tûnchu maset aman chensa Edom mihei kha atuk sik jo kae.

ISAIAH 34:6

Ama chemjâm kha inthoina kemōng leh ketak thisen leh anthai in akatōm kapōa anthisen leh anthai khan akatōm sik, Rōngpu’n hiva inthoina hi Bozrah khōpui shunga atōk sik, khana Edom ram a tha manramna hi amasō sik kae.

ISAIAH 63:1

“Tu mo Edom ram a Bozrah khōpuia inphut a akajōng hi? Tu mo songhrep a ret kasen vânga kalûrtak a a’nvon, ratha hratna leh ngarna inṭhōia ahong injôk so?” Ama hi Rōngpu, huksōtna sik a ratha kahrat, aretorna akahri inthang sik a akajōng kae.

JEREMIAH 49:13

Kei khet a’ntep eng kae, Bozrah khōpui kha enngam mak nêrdiram inkhat kachang sik; mihe’n sem tlona annei sik khana arahming kha inhâksêrna inkhat a anhmang sik. Ahneng vena khōhei seng kha’m ahei tik chenna sukset kachang sik hei. Rōngpu ke’n kahri jo kae.”

JEREMIAH 49:20

Khava jâra ke’n Edom dōina ṭōn kamantluk leh Teman khōpui chunga tlo sik a kamandon hi rangei ruh. Ansa naipanghei kapha rehringa ankei sik hei, khana mi rakip kaṭi sik heia kae.

JEREMIAH 49:22

Hmuvânlai inkhat in amathla azera ajōng inthla kapōa indōipuihei khan Bozrah chunga anjōng buhlu sik. Khava kani ning khan Edom remihei kha, nupui naiha kaphu kapōa, ṭit-inpirna annei sik.”

JEREMIAH 49:7

Chunghnung Rōngpu’n Edom chungchânga ahri kha hi kae: “Edom mihe’n anṭongtan kaṭha kha antamanhmang jo mo? An-inse he’n antatlo sik kha manthei tor mak jo hei mo? Ansingna rakip a’nhmangsō jo mo?

EZEKIEL 25:13

Tûnchu Edom chunga karâkna sik a khana ashunga aka-om mihring leh ran rakip that sik a kaphôngsōt jo. Teman khōpuia inphut Dedan khōpui katlung kaman ramsō sik, khana mipuihei kha re shunga that sik hei kae.

OBADIAH 1:1

Edom jât chungchânga Akahrat Chunghnung Rōngpu ṭonghri, Obadiah ṭong sânsōt kha hi kae. Rōngpu’n jât-hei hneng aṭong karôn atir jo hei, khana keini’n aṭong hi kanthei jo: “Inrin ruh! Edom re kasō sik a se jo rih!”

HABAKKUK 3:3

Edoma inphut Pathen kha kahong nôk a kae; Paran hmebung heia inphut Pathen intheng kha kahong. Ama lûrna’n marvân chunghei amakhusō; khana raleichung hi ama manpâk na’n kasip.