Mateyu 9:22 - Kogi

²² Amak juguatshaga na, Duweki neyatogué zhikbateguenik ai munzhi tuatshak ekí akbeyá: —Nabunzhi, zeñ nuxa itshanwá. Mañki “neskaitshaka shakldá” najañgui, alduna maldeshéñ zhinik na se mikzék ni gu. Atshak zhinikga na, ají mulbatá iskaiti, muldetua se akzék na gua.

Mateyu 9:22 ပူးပေါင်းရင်းမြစ်များ

Mateyu 15:28

Guake Duweja ekí akiyó: —Nabunzhi, mañki ¡mitsá alduna maldazishixá! Ekí alduna nazishiji nakshishamaldamak shi migatseshí. Ekí akbeyatshaga na, abunzhiki jisétshi alduna izheñshi, se akzukuá na gua.

Mateyu 17:18

Amak akualdaxake, Duweja sukuak jisétshi alduna neyakue axaldegatshaga amak izhé. Ekí izheñshatshaga na, se akzék na gua.

Mateyu 8:13

Guñgueniki Duweja sáñkaldak ekí akbeyá: —Mokue mijuldi neyabikuká ni gu. “Nají nashi nagiskaitshaldixa shakldá” namak jañgui, alduna nazishamaldamak zexaldixa nakldá. Ekí akbeyatshaga na, ají nashiki amak se akzukuá na gua.

Mateyu 9:2

Exaki ezua sigí abuá axazauwaksánane ixabakak akshañga apebukueja Duwek akualdák. Ekueja Duwejañki se akzukualdixa alduna iyashiji akualdaklde katuakna, abuá axazauwaksánanek ekí akbeyá: —Nasukuá, zeñ itshanwá. Sha matshixa nuk mixabetá ni gukú.

Mateyu 9:29

Ekí akiyayokuñguakna Duweja ubak kaugikepañgui ekí kakbeyá: —Ake, maiñki “uba nazikukshaka shakldá” najañgui, alduna nazishaminamak uba minkuká ni gu.

Malku 10:52

Guake Duweja akbeyá: —Mañki “uba nazikukshaka shakldá” najañgui, alduna nazishamaldéñ zhinik na, uba mikuká guane neyabikuká ni gu. Ekí akbeyatshaga na zʉtualdá. Guake Duwe neyatogué jiúñguldakga agapa ne na gua.

Malku 5:34

Ekí nukañguakna Duweja akbeyá: —Nabunzhi, mañki “neskaitshaka shakldá” najañgui, alduna maldeshéñ zhinik na se mikzék ni gu. Akna, auxaga se mikzék guane, aldunaxa señgaba mikzeshi neyabikuká ni gu.

Alduka 17:19

Guñguenik ai sigík ekí akbeyá: —Kaiga zʉnake izhgaté xaldeki neyabikuká ni gu. Mañki alduna nazishá makuák janshi migatsék guane nzha.

Alduka 18:42

Guake Duweja akbeyá: —Ake, señ stuwá. Mañki “uba nazikukshaka shakldá” najañgui, alduna nazishamaldéñ zhinik na uba mikuká ni gu.

Alduka 7:50

Guatshak jiaga, Duweja munzhik ekí akbeyá: —Mañki alduna nazisha makuakna, miyakuá ni gu. Akna aldunaxa señgaba mikzeshi maldeyaldí —na akbeyá.

Alduka 8:48

Ekí nukañguakna Duweja akbeyá: —Nabunzhi, mañki “neskaitshaka shakldá” najañgui, alduna maldeshéñ zhinik na se mikzék ni gu. Akna, aldunaxa señgaba mikzeshi neyabikuká ni gu.

Juañ 4:53

Agabeyatshakna ajateja, ake, anuñka zalguéñ na Duweja “misukuáki se akzeklde ité nzhok” akbene be agisék. Guñguakna saldiñga ajúk zaldakue juizhi Duwe Jesúki “namak nzha” na ajañguá.

Ajanashatone 14:9

Naldé, ejañki Pábulduja Duwe shalda guagatoguéñ muldetua nukaté na noxá. Pábulduja ai sigí señ tuatshak, Duwe Jesúja janshi akzukuaka jañgui, auxaga alduna ishixa tu.

Ajanashatone 16:18

Ekí za neshiñgaba anuñka ldiuwi zegatshakna, Pábuldu nusá akzeguakna gaiya akizhikbateshi, jisétshi alduna ekí axaldék: —Naski Duwe Jesú mixaldék zhuxañga “jejié gaiyak zhinik akzʉxaita guwá” ni mixaldekú. Ekí axaldegatshaga na, jisétshi aldunaki amak gaiyak zhinik izhé na gua.

Ebeldeyu 4:2

Akze, eñka ajuldunazhá guanekue jiaga janshizhe kaxajanashaldixa nauwijanameñga kagabenanega. Ne ai aldukatshak jiaga namak ajañguazháldi alduna iyashazhá guanéñ zhinik na kaxazauwazhá guane.