Mateyu 8:13 - Kogi

¹³ Guñgueniki Duweja sáñkaldak ekí akbeyá: —Mokue mijuldi neyabikuká ni gu. “Nají nashi nagiskaitshaldixa shakldá” namak jañgui, alduna nazishamaldamak zexaldixa nakldá. Ekí akbeyatshaga na, ají nashiki amak se akzukuá na gua.

Mateyu 8:13 ပူးပေါင်းရင်းမြစ်များ

Mateyu 15:28

Guake Duweja ekí akiyó: —Nabunzhi, mañki ¡mitsá alduna maldazishixá! Ekí alduna nazishiji nakshishamaldamak shi migatseshí. Ekí akbeyatshaga na, abunzhiki jisétshi alduna izheñshi, se akzukuá na gua.

Mateyu 17:20

Guñguake ekí zʉñkiyó: —Akze, maiñki auxaga alduna nazishakí zhinik guana ekí miñzegashá. Namak miñmeyaldikue. Ezua zulda nóñgutse nuxa nanaldixa atema negamakbe, mieldeke nauwa nuxaki “Jate akshishanugamak naxatshaldixa shakldá” alduna mishaldiák, aldéñga matshuwi mimatshishaldixa. Akna jejié guinue “jai zhinik agajuezha guwá” miyaxaldexaldiake amak miñkatshaldixa. Akze, ekí agatsaldi alduna mishaldiakna, saldiñga atshaminakagaba, ni ji atshazháminaka naldazháldixa nakldá. [

Mateyu 8:4

Guakna Duweja: —Kaiga janshi mixazguge ni mek akbeyagábaki, egaba janshi migatsék guane matuexañ jian Jatek múldigaba agaskaitshixa nugeñka maldeyaldí. Exaki nauwibama Mueséja mielde ajuba ikaldunatuka janshi agatsekldejañki, ji Jatek agegakue guagamak ageshi makualdí. Ekíki janshi migatsék guane mawatualdiamak —na akbeyá.

Mateyu 9:22

Amak juguatshaga na, Duweki neyatogué zhikbateguenik ai munzhi tuatshak ekí akbeyá: —Nabunzhi, zeñ nuxa itshanwá. Mañki “neskaitshaka shakldá” najañgui, alduna maldeshéñ zhinik na se mikzék ni gu. Atshak zhinikga na, ají mulbatá iskaiti, muldetua se akzék na gua.

Malku 7:29

Guake Duweja ekí akiyó: —Namak ni maldakbé. Akna, mibunzhiki au jisétshi alduna izhé, se akzék na gu. Akna mijuldi neyabikuká ni gu.

Malku 9:23

Ekí akbeyatshakna Duweja ekí akiyó: —“Agaunekbildaka guashiñki” najañguakue migatsaldakí. Akze, mieldeke nas namak najañgui, alduna nazishaldiák zʉnake, saldiñga kaxatshanakagaba nakldá.

Juañ 4:50

Guakna Duweja ekí akbeyá: —Mijuldi neyabikuká ni gu. Misukuáki se akzeklde ité nakldók. Ekí akbeñguake “namak sha Duweja nakbé” jañguñguake amak ne.