Mateyu 26:74 - Kogi

⁷⁴ Guake Péguldujañki: —Nas namak guagakí naldikuake, Jatega shi guiyaba natuñshí. Akna namak axamiñkildashiñga na: “Ai sigí tuazhúge giemi nzha.” Ekí guagatshaga na, gayu kauldá na gua.

Mateyu 26:74 ပူးပေါင်းရင်းမြစ်များ

Mateyu 10:28

Akna, kágubakue nuxa zhe miñzukuagába. Akze, ekuejañki mimijí abuá za guagaka, naldatshak aldunaldiñki sha mimakuazháka. Ne Saldiñga netshi Jate zʉnake abuák mimakuagaka, aldunaki jiséxa, guiyaba tu za nogakueñka gagaka nak, zhe miñzukuakue giemi miñgatsé nakldá.

Mateyu 26:34

Ekí akbeyatshakna, Duweja akiyó: —Namak mikbeyaldikue. Kaiga siañ gayu kauldagá noxaldieñga, mañki maikjuizhañga “eñki tuazhúge nzha” maldakuaxaldixa nakldá.

Mateyu 26:73

Guñgueni jiak, nauwa maldé zegatogueñki, exa zhekualdekueja Péguldu axaldaxeni ekí axaldék: —Ma jiaga Jesú agapa neñkakue zukuagamak mazukuagéñ zhinik na e na izhomaldega zʉñkualdaka nakldá.

Mateyu 26:75

Ekí kauldatshaga, Duweja axañga sakí akbenane Pégulduja be agisék: “Kaiga siañ gayu kauldagá noxaldieñga, mañki maikjuizhañga ‘eñki tuazhúge nzha’ maldakuaxaldixa nakldá.” Ekí be agiseguakna ai zhinik akzʉxaitiñgueniki, zʉ́xaitsha itshankága mauwiñgaba na gua.

Mateyu 27:25

Ekí kakbeyatshak saldiñga naldi ekí akiyayó: —Ake wa, jejié sigí shuanaldixa shaldaki nasʉñ, nauwijí sukuakue juizhi shi zʉñgatseshí.

Malku 14:30

Ekí akbeyatshakna, Duweja ekí akiyó: —Namak mikbeyaldikue. Kaiga siañ gayu mozhua zhikté kauldagá noxaldieñga, mañki maikjuizhañga “eñki tuazhúge nzha” maldakuaxaldixa nakldá.

Malku 14:68

Ekí akbeyatshak, Pégulduja Duwe tuazhé guashi ekí guak: —Naldagálde, jinak ekí maldakuaká, naksʉ́ñ giemi nzha. Guaxeniki julduneñka neyatshake [gayu kauldá.]

Alduka 22:60

Ekí axaldegatshakna Pégulduja ekí guak: —Jinakga ekí maldakuaká naksʉ́ñ giemi nzha. Ekí yokuatogueñga, gayu kauldá.

Juañ 18:27

Guñguake jiak mokue “tuazhúge nzha” guagatshaga na, gayu kauldá na gua.

Aldumaxa 9:3

Ekí nakzeshi na, nasanákue Duwe namak ajañgualdiamak kagaunekldaka guashiñki, nasga kauwitsaldí guiyaba tu za nogakueñka, Duwe Jesúk agajué izhonaka nzhakldék.

1 Kuldintuxa 16:22

Guatshak mieldekuejañki nauwijí Sáñkalda Duwe Jesú izhgajañguagálde naldiák, Jatejañki zeñ kajañguazháldi, guiyaba shi katuñshí. Nasʉñki “nauwijí Sáñkalda Duwe Jesú, mijá maldaxaldí” kuizakbejí.

Auxa zexaldixa 3:19

Nas mielde izhgajañgugeki ‘ekí atshasʉ́ñze ni matú’ axaldeshi, jian naldaldiamak guiyaba akizhakuge naldashakú. Akna sha miyatshixa majiñga maja xaldeki aldunaxa zhinik nagakualdi guakue miñgatsaldashá.