Mateyu 26:63 - Kogi

⁶³ Ekí akldukatshak jiaga, Duweki sʉnjá izhó. Guakna ekí axaldék: —Saldiñga netshi Jate izhoshiñga izhogamakga izhogéñ, mañki aldéñga Asukuá zʉnekualdal gaxaldixa guaklde, aiga maldake axazʉñgilté guwá.

Mateyu 26:63 ပူးပေါင်းရင်းမြစ်များ

Mateyu 16:16

Guñguake Simóñ Péguldujañki akiyó: —Duwe, mañki Saldiñga netshi Jate aldéñgaba izhoshiñga izhukatshi Asukuá giemi na maldá. Aldéñga ezua zʉnekualdal zʉñgakaxaldixa guakldane ne, aiga maldé nakldá.

Mateyu 26:62

Guakna, Jatek múldigaba agaskaitshixa akldé akzé izhgaldaxeni ekí Duwek aklduká: —Ekí mezhakuagatshak, ¿ji shalda ekí mezhakuaká shi mikldék? ¿Mañgaba zhikzukuashi kakiyokuabaldáldixa shi na?

Mateyu 27:12

Atshaga na, Jatek múldigaba agaskaitshixakuetshi sáñkaldakue, nauwisaná nauwa akldé akzekueja Duwe agatsaldi ne izhakuashiñgaba akuatshak jiaga, ni ji kakiyokuazhá.

Mateyu 27:14

Ekí akbeyatshak jiaga, Duwejañki ni ezua múldigaba nuxaki izhakuaká zhikzukuaxaldiamak yokuazhá. Ekí tuatshakna sáñkaldaja “¡sakí nak shi ishkualdazhá gu!” jañguiñgaba na gua.

Mateyu 27:40

ekí axaldék: —¿Ma ekí nexabálde shi na? “Nas zʉnake Jate axazakuageñka juwí tiñguanaka, jiak gualdikuenik maiguake mokue gauwanaka nakldá.” Ekí maldeka neki mañgaba ishkuá guwá. Saldiñga netshi Jatetshi Asukuá maldahamak nake, kaldixa zhinik akjiena guwá.

Mateyu 27:43

Akze, aldéñki Saldiñga netshi Jate za alduna ishixa neki Jateja amak jañgualdiák, ejañga shi ikualdí. Jinake naldakí. “Naski Jatetshi Asukuá giemi nzhakú” neka nak.

Mateyu 27:54

Ekí kakshata neyatshak, zexauxa atuatshakna, suldáu Duwe tuatukakueja, kauwijí sáñkalda nañga zʉxaita zalda zhe kakzeshi na ekí akuák: —Namakga, jejié sigíki Saldiñga netshi Jatetshi Asukuá giemi naldé tiuwi.

Mateyu 4:3

Guñguakna jiséja ijuldukshaka jañgui aksanexal axaldagatshak ekí axaldék: —Mañki Saldiñga netshi Jatetshi Asukuá giemi maldahamak nake, jejié jagikue “gakue nek guwá” axaldék guwá.

Malku 14:61

Akldukatshak jiaga, Duweja ni ji akiyokuagábaki, sʉnjá na noxá. Guakna mokue ekí aklduká: —¿Mañki Saldiñga netshi Jateja ezua zʉnekualdal zʉñgakaxaldixa guakldanega, Nauwijate akldé akzamakga kakzukuxatshi Asukuá giemi shi maldá?

Juañ 1:34

amak zegaté tunugéñ zhinik na tunugamak guashiñga, ‘eñki Saldiñga netshi Jatetshi Asukuá giemiga nakldá’ na miñmeyatokú.”

Juañ 1:49

Guake ekí akbeyá: —Shi maldazʉñkaldixa, mañki Saldiñga netshi Jatetshi Asukuá matiuwi. Mañki nauwisaná Isayéltshi Sáñkalda akaldak akzé matiuwi.

Juañ 10:24

juldiú sanekakueja iyabateguenik ekí axaldexaldá: —¿Mitsák ekí mozhua mozhua zʉñnekshal za maldoxaldixa ne? Azhi Jateja ezua zʉnekualdal gaxaldixa guakldanega maldák míñgaki, abexa náaldaki zʉñmeya nuxa guatogwá.

Juañ 10:30

Akze, nas Najate nañki askimimé kaldé nakldá.

Juañ 10:36

Ekí guaka ne, ake, nas míñgaki aldéñ naldiñga ají za naldaldikuamak nezhgakugueni jai kagik nakaxa guane naugé jiaga, ¿jinak shi ekí minaxaldék? Nas “Jate Tsukua nzhakú” guakugé shalda nuxa “Jate aguáñ izhbashi mual ekí negashibaldá” naxaldegakue miñgatsaldakí naldashá.

Juañ 18:37

Guake Pildatuja: —Ak zʉnake, ¿ma sáñkalda akldé mikzé maldé nukabaldá? Guake Duwejañki: —Akze, mañga ai naugé nakuák guashibaldá. Naski jinak kagik kukanuge naldakí. Namaklde nakuahamak ne guaxal guana kagik naklduge. Akna saldiñga namaklde kakualdi amak izhukakueki nají múldigaba naxaldukaxakue nakldá.

Juañ 19:7

Guñguake jiak ekí akiyayó: —Nasʉñ sanáke ezua guiyaba zʉñkaldega. Aija guagamake, ejiéki Saldiñga netshi Jate aguáñ izhbashi mual “naski Jatetshi Asukuá na nakú” neka nakna shuigakue agatsé.

Juañ 19:9

Duwe mokue juldukshiñguenik aklduká: —Ne mañki ¿man zalda maldé matú? Guatshak Duwejañki akiyokuazhá

Juañ 20:31

Naldatshak jai sezhekldekueki jinak sezheklde naldakí. Ekíki “Duwe Jesúki Jatetshi Asukuága, aldéñ zʉnekualdal zʉñgakaxaldixa guakldanega nzha” mijañgualdiamak. Ekíga, “Duwe Jesú nekuanamak shakldá” jañgui mipanatshakna, aldéñ zhinik aldunaxa auxabé miñzukui izhoshiñga izhoxabipanaldiamak.

Juañ 6:69

Mañki Saldiñga netshi Jateja zʉnekualdal gaxaldixa guakldanega makaxane, ají giemiga janshizhegaba maldé zʉñkualdi na, namak majañguá guáñkalde naldashá.

Juañ 8:25

Guñguakna ekí axaldék: —Guake, mañki ¿me maldé maldúk? Guatshakna Duweja ekí kaxaldék: —Ak zʉnake, ¿ji shi maiñ na zhikbeyaldikue na?

2 Kuldintuxa 1:19

Guatshak nas, Silbano, Timuteyu na Jatetshi Asukuá Duwe Jesú zʉnekuane shalda miñmeñkalde. Duweki namaklde za guaka izhogakna, ji zʉñkatshaldixa guagatshak amak za zʉñkatshixa, ne ji zʉñkatshazháldixa zʉñkatshaldixa guagazhé.

1 Péguldu 2:23

Ni nalda axakuagatshak jiaga, yokuazhé. Ni guiyaba atuñshatshak jiaga, ekíga kakiyushaldixa kaxaldegazhé. Ekí atshagábaki, askimiñgaba Ajate saldiñga agatsahauxabe tuñkaki “nekualdaldixa shakldá” jañgui na, e za alduna isha izhonane.