Mateyu 22:46 - Kogi

⁴⁶ Ekí kakbeyatshakna ni meja akiyó akzegazháka atú. Guakna atshak zhinikga ni meja akldé akzʉzukaldixaga izhajanazhá na akuá.

Mateyu 22:46 ပူးပေါင်းရင်းမြစ်များ

Mateyu 21:27

Guakna ekí nuxa akiyayó: —Mejañga Juañ niuwi agenane zʉñsʉ́ñ nzha. Guñguake aldéñ ekí nuxa kakiyó: —Ake jiak, amakbeñki nas jiaga ekí atshiji, shizhiyaldikuamake meja niuwi nagene miñmeyazháldikue nakldá.

Mateyu 22:45

Ake, nauwibama Dabí aldéñ naldiñga káguba ikualkak “nají Sáñkalda” axaldeklde nake, jiak ¿sakí shi atukua za naldaka na?

Malku 12:34

Ekí ishkué ga agatsaldi yokuane Duweja nukatshakna ekí akbeyá: —Mañki “Jateja janshibeñga ni naksanexaldí” naki mikldeshi ni guaté tuñkú. Ekí agatsaldi Duweja yokuatoguakna ni meja akldé akzʉzukaldixaga izhajanazhá na akuá.

Alduka 13:17

Ekí kakbeyatshakna aguldiñkakueki jiwak kakzukuá. Guatshak azhinik zʉnake Duwe ekí atemajañ janshizhe atshaté atuatshakna, zeñ kakldeshiñgaba na akuá.

Alduka 14:4

Ekí kakldukatshak jiaga akiyayokuazhá. Guñguake Duweja sigí káuxalda ipañguatshaga se akzukuñgueniki, “neyabikuká ni gu” akbeyá.

Alduka 14:6

Ekí kakbeyatshakna sakí akiyayokuakue atuakí na naldá.

Alduka 20:40

Guñguakna ni meja akldé akzʉzukaldixaga izhajanazhá na akuá.

Ajanashatone 4:14

Guatshakgaba sigí janshi axazakuane jiaga kauwizhéñ nañga akté atuakna, sakí sha kakuagakue atuazhá.

Ajanashatone 7:32

“Nasga na mibamakuetshi Ajate akldé nagazukuxa. Akna, mibama Abaldahámtshi, Isáktshi, Jakóptshi Ajatega nzhakú.” Ekí nukatshakna nauwibama zhe akzeshiñgaba tau tau akzeshi na, axazguagatogueñka tu akzegakí na naldá.